Lukas 19

kapitel nainteen

1un er iz araingekumen un iz durchgegangen durch Yericho. 2un ze, a man, vos men hot im gerufen mit dem nomen Zakkai, un er iz geven a rosh shtaier oifmoner, un an oysher; 3un hot bagert tsu zen Yeshuan/Yehoshuan, ver er iz, un hot nisht gekent machmas dem hamon mentshn, vail er iz geven klein fun gevuks. 4un er iz gelofen forois, un hot aroifgekletert oif a shikme boim, kedei im tsu zen; vail er hot dorten gezolt farbaigein. 5un vi Yeshua/Yehoshua iz gekumen tsu dem ort, hot er aroifgeblikt un gezogt tsu im: Zakkai, kum geshvint arop; vorem haint muz ich ainshtein bai dir in hoiz! 6un er iz gich aropgeshtigen, un hot im oifgenumen mit freid. 7un zeendik dos, hoben ale gemurmlt, azoi tsu zogen: bai an ish choyte iz er araingegangen zich oiftsuhalten! 8Zakkai ober hot zich anidergeshtelt un gezogt tsum Har: ze, di helft fun main farmegn, Har, gib ich tsu di oremelait, un oib ich hob bai emitsn epes aroisgeprest, gib ich im op fir mol azoifil. 9Yeshua/Yehoshua hot ober tsu im gezogt: haint iz a yeshue gekumen oif dem dozikn hoiz, vail afile er iz a ben Avraham; 10vorem der Bar Enosh iz gekumen tsu zuchen un tsu rateven dos, vos iz farloiren gegangen.

11un ven zei hoben dos gehert, hot er vider gezogt a moshal, tsulib dem vos er iz geven noent tsu Yerushalayim, un zei hoben gemeint, az dos kenigraich fun Hashem muz bald dershainen. 12er hot deriber gezogt: a geviser eidlman iz avek in a vait land arain, tsu nemen far zich a Malchus, un zich umtsukeren. 13un er hot gerufen tsen knecht zaine, un zei gegeben tsen minim, un gezogt tsu zei: handlt, biz ich kum tsurik. 14zaine birger ober hoben im gehast, un hoben geshikt shlichim noch im, azoi tsu zogen: mir vilen nisht, az der doziker zol kenigen iber undz! 15un es iz geshen, ven er iz tsurikgekumen, noch dem vi er hot genumen dos Malchus, hot er geheisen rufen di dozike knecht zaine tsu zich, tsu velche er hot gegeben dos gelt, kedei er zol visen ver es hot vos aingehandlt. 16un der ershter iz gekumen, un hot gezogt: Har, dain mina hot araingebrengt tsen minim! 17un er hot tsu im gezogt: voil, du guter knecht! vail du bist geven getrai iber veinik, zolstu hoben macht iber tsen shtet! 18un der tsveiter iz gekumen, un hot gezogt: dain mina, Har, hot dervorbn finf minim! 19un er hot gezogt oich tsu dem dozikn: un du zolst zain iber finf shtet! 20un an anderer iz gekumen, un hot gezogt: Har, ot iz dain mina, vos ich hob gehat bahalten in a tichl! 21vorem ich hob mich geforchten far dir, vail du bist a shtrenger mentsh; du nemst, vos du host nisht anidergeleigt, un shnaidst dos, vos du host nisht farzeit. 22zogt er tsu im: ois dain eigen moil vel ich dich mishpeten, du gemeiner knecht! du host gevust, az ich bin a shtrenger mentsh, ich nem, vos ich hob nisht anidergeleigt, un shnaid, vos ich hob nisht farzeit; 23un farvos hostu nisht araingegeben main gelt in a bank, un ich volt es bai main tsurik ker oifgemont mit tsinzn? 24un er hot gezogt tsu di, vos zenen geshtanen arum: nemt avek fun im di mina, un git zi tsu dem, vos hot di tsen minim! 25un zei hoben gezogt tsu im: Har, er hot doch shoin tsen minim. 26ich zog aich, az yedn einem, vos hot, vet gegeben veren; fun dem ober, vos hot nisht, vet afile avekgenumen veren dos, vos er hot yo. 27doch di dozike sonim maine, vos hoben nisht gevolt, az ich zol kenigen iber zei, brengt aher, un derharget zei far mir! 28un ven er hot dos gezogt, iz er avek forois, un iz aroifgegangen kein Yerushalayim.

29un es iz geshen, ven er hot zich dernentert kein Beit-Pagey un Beit-Anyah baim barg, vos hot geheisen Har HaZeitim, hot er geshikt tsvei fun di talmidim, 30un gezogt: geit arain in dem dorf antkegeniber; un ven ir vet dort arainkumen, vet ir gefinen a yung eizl ongebunden, oif velchen kein mentsh iz noch keinmol nisht gezesen; bindt es oif un brengt es tsu aher. 31un oib emitser vet aich fregen: farvos bindt ir es oif? zolt ir azoi zogen: der Har darf es hoben! 32un di shlichim zenen ahingegangen, un hoben gefunen azoi vi er hot zei gezogt. 33un ven zei hoben oifgebunden dos yunge eizl, hoben zaine ba'alei batim gezogt tsu zei: farvos bindt ir oif dos eizl? 34un zei hoben gezogt: der Har darf es hoben! 35un zei hoben es gebrengt tsu Yeshuan/Yehoshuan, un hoben aroifgevorfen zeiere malbushem oif dem eizl, un aroifgezetst Yeshuan/Yehoshuan deroif. (Zecharyah 9:9) 36un beshas er iz gegangen, hoben zei oisgeshpreit zeiere kleider oifen veg. 37un ven er hot zich shoin dernentert tsum aropgang fun dem Har HaZeitim, hot di gantse mase talmidim ongehoiben freidik tsu loiben Hashem mit a hoich kol far ale gvuros, vos zei hoben gezen, 38un hoben gezogt:

gebentsht iz der kenig, vos kumt inem nomen fun dem Har (Hashem);

sholem in himel, un koved in di hoichkeitn!

39un einike fun di Perushim ois dem hamon mentshn hoben gezogt tsu im: Rebbe, shrai on oif daine talmidim! 40un er hot entferendik gezogt: ich zog aich: oib di dozike shvaigen, velen di shteiner shraien!

41un vi er iz tsugekumen nenter un hot gezen di shtot, hot er zich tseveint iber ir, 42azoi tsu zogen, o, ven oich du volst gevust in dem dozikn tog dos, vos hot a shaiches tsu dain sholem! itst ober iz es farhoilen fun daine oigen. 43es velen kumen teg oif dir, un daine sonim velen varfen a val arum dir, un velen dich arumringlen, un balagern fun ale zaitn; 44un velen dich machen mit der erd tsuglaich, un daine kinder in dir; un velen nisht iberlozen a shtein oif a shtein in dir, derfar vos du host nisht derkent di tsait fun dain bazucht veren!

45un er iz araingegangen in Beis HaMikdash, un hot ongehoiben aroistsutraiben di hendler, 46zogendik tsu zei: es shteit geshriben: main hoiz vet zain a hoiz fun tfile (Yeshayah 56:7); ir ober hot derfun gemacht a heil fun roiber! (Yirmeyah 7:11)

47un er hot gelernt tog teglech in Beis HaMikdash; di hoipt koyanim ober un di sofrim un di roshim funem folk hoben gezucht im umtsubrengen. 48un hoben nisht gefunen, vos zei zolen ton; vorem dos gantse folk hot zich tsugehert tsu im mit groiser ernstkeit.

Currently Selected:

Lukas 19: OYBCLATN

Highlight

Copy