Phŭn Blŭng 30

1Tơl Račel ƀôh laĭ ñu bĭ pơpôn br̂ơi Yakô̆p nă ôh, nŭn ñu hmâo bŭt nač mai ñu, jr̂ŏng nŭn ñu pơhiăp hr̂ŏm Yakô̆p: «Br̂ơi kâo nă đahkơi wŏ, jơ̆ bĭ hmâo, kâo ti djai!» 2Nŭn Yakô̆p hiw Račel kơtang jat, ñu laĭ: «Hiư̆m, kâo Ơi Adai ah, pô ngă br̂ơi čian ih bĭ hmâo nă?» 3Jr̂ŏng nŭn Račel laĭ: «Hĕ ne, Ƀilha đahmơi hlŭn kâo, br̂ơi ih nao jĕ jiăm hr̂ŏm ñu wŏ, ñu mơ̆ng pơpôn r̂ai nă čr̂oh mơ̆ng pha kâo, nŭn kâo ti hmâo nă yua mơ̆ng ñu mơ̆n.» 4Nĭng nŭn yơh, Račel br̂ơi Ƀilha hlŭn ñu nao ngă bơnai Yakô̆p, jr̂ŏng nŭn Yakô̆p mŭt nao jĕ jiăm hr̂ŏm ñu. 5Nŭn Ƀilha dŏ năp pơpôn br̂ơi Yakô̆p nă đahkơi ha r̂ăng. 6Pah anŭn Račel laĭ: «Ơi Adai tr̂ĕ br̂ơi kơđi kâo boih, Ơi Adai hmĭ hiăp kâo, nŭn ñu pha br̂ơi kâo nă đahkơi ha r̂ăng.» Yua nŭn yơh, Račel mơ̆ng iâo ƀŏ nă nŭn “Đăn.”#30:6 Ƀŏ Đăn tui tam Hêbrơ čiăng laĭ tr̂ĕ br̂ơi kơđi. 7Jr̂ŏng nŭn Ƀilha hlŭn Račel dŏ năp dŏng, pơpôn br̂ơi Yakô̆p nă đahkơi ti dua dŏng. 8Pah anŭn, Račel laĭ: «Hla ti kâo pơkơtĭ pơpr̂ah hr̂ŏm mai kâo, jai gah kâo.» Nĭng nŭn yơh, ñu iâo ƀŏ nă nŭn “Nepthali.”#30:8 Ƀŏ Nepthali tui tam Hêbrơ čiăng laĭ klơi kâo pơkơtĭ pơpr̂ah.

9Tơl Lêa ƀôh laĭ ñu bĭ hmâo nă tah dŏng, nŭn ñu tô̆ Silpha đahmơi hlŭn ñu, br̂ơi nao ngă bơnai Yakô̆p. 10Jr̂ŏng nŭn Silpha hlŭn Lêa pơpôn br̂ơi Yakô̆p nă đahkơi ha r̂ăng. 11Nŭn Lêa laĭ: «Kâo ƀŭn yơh!» Nĭng nŭn yơh, Lêa iâo ƀŏ nă nŭn “Kat.”#30:11 Ƀŏ Kat tui tam Hêbrơ čiăng laĭ ƀŭn. 12Jr̂ŏng nŭn Silpha hlŭn Lêa pơpôn br̂ơi Yakô̆p nă đahkơi ti dua dŏng. 13Nŭn Lêa laĭ: «Kâo mơ-ak yơh! Nêne tơgr̂ư̆ đahmơi ti laĭ kâo mơ-ak dơdi!» Nĭng nŭn yơh, ñu iâo ƀŏ nă nŭn “Êsơ.”#30:13 Ƀŏ Êsơ tui tam Hêbrơ čiăng laĭ mơ-ak.

14Tơl yan a yuă dai sali boih, Ruƀên biă nao pơ čol ƀôh boh măndr̂agô,#30:14 R̂ăng juăt ngư̆ laĭ jơ̆ đahmơi pơlao ƀŏng boh măndr̂agô ñu ti hmâo nă. jr̂ŏng nŭn ñu djă glaĭ br̂ơi mĭ ñu Lêa. Jr̂ŏng nŭn Račel pơhiăp hr̂ŏm Lêa: «Kâo dueh mơ̆ng ih pha br̂ơi kâo boh măndr̂agô pơanah nă ih pĕ nŭn he wŏ.» 15Plai Lêa til glaĭ: «Hiư̆m, ih ka đŏp bŭt ôh? Ih sua tô̆ kơi kâo boih, nêne ih čiăng tô̆ boh măndr̂agô nă kâo dŏng.» Nŭn Račel til glaĭ: «Jơ̆ nĭng nŭn, kâo br̂ơi Yakô̆p nao đih hr̂ŏm ih klăm ne, čiăng pơlih hr̂ŏm boh măndr̂agô nă ih.» 16Tơl jĕ klăm pah Yakô̆p glaĭ mơ̆ng čol, Lêa biă nao tơkă ñu, dăp pơhiăp laĭ: «Klăm ne ih mŭt r̂ai đih hr̂ŏm kâo wŏ, yua kâo pah ih mơ̆ng boh măndr̂agô nă kâo boih.» Nĭng nŭn yơh, klăm nŭn Yakô̆p đih hr̂ŏm Lêa. 17Jr̂ŏng nŭn Ơi Adai hmĭ Lêa, nŭn Lêa dŏ năp pơpôn br̂ơi Yakô̆p nă đahkơi ti ma. 18Nŭn Lêa laĭ: «Ơi Adai pha br̂ơi kâo dr̂ăm bơni, yua kâo br̂ơi đahmơi hlŭn kâo pơ kơi kâo.» Nĭng nŭn yơh, Lêa iâo ƀŏ nă nŭn “Isakha.”#30:18 Ƀŏ Isakha tui tam Hêbrơ čiăng laĭ dr̂ăm bơni. 19Jr̂ŏng nŭn Lêa dŏ năp dŏng, pơpôn br̂ơi Yakô̆p nă đahkơi ti năm. 20Nŭn Lêa laĭ: «Ơi Adai pha br̂ơi kâo dr̂ăm hiam. Ne yơh kơi kâo ti bơyom kâo, yua kâo pơpôn br̂ơi ñu nă đahkơi năm r̂ăng.» Nĭng nŭn yơh, ñu iâo ƀŏ nă nŭn “Săpyulôn.”#30:20 Ƀŏ Săpyulôn tui tam Hêbrơ čiăng laĭ bơyom. 21Dơdơi mơ̆ng anŭn, Lêa pơpôn r̂ai nă đahmơi ha r̂ăng, jr̂ŏng nŭn ñu iâo ƀŏ nă nŭn “Đina.”

22Jr̂ŏng nŭn Ơi Adai kơčăng mơ̆ng Račel. Ñu hmĭ Račel, nŭn ñu ngă br̂ơi čian Račel thâo hmâo nă. 23Jr̂ŏng nŭn Račel dŏ năp pơpôn r̂ai nă đahkơi ha r̂ăng, nŭn ñu laĭ: «Ơi Adai mă lôi klơi mlâo kâo boih.» 24Nĭng nŭn yơh, ñu iâo ƀŏ nă nŭn “Yôsep,”#30:23-24 ƀŏ Yôsep tui tam Hêbrơ čiăng laĭ pha thim. Ha tô̆ dŏng ƀŏ Yôsep keng-keng boh hiăp Hêbrơ laĭ mă lôi. dăp laĭ: «Dueh mơ̆ng Yêhôwa pha thim br̂ơi kâo hmâo nă đahkơi ha r̂ăng dŏng!»

30:25-43

25-43Mơi ka ƀŏ pr̂e ôh 30:25-43. Jlan 25-43 ne r̂ă r̂oi mơ̆ng klơi Yakô̆p jr̂ŏng mơnuih bơdr̂ŏng jat, pah ñu dŏ hr̂ŏm khma ñu Laƀăn pơ ƀon Pađăn-ơram, ñu hmâo phung triw phung be, dăp hlŭn đahkơi đahmơi, dăp ôt dăp lie he mơ̆n.

Currently Selected:

Phŭn Blŭng 30: JKB

Highlight

Copy