Phŭn Blŭng 3
3
Alua plĕč ƀlơl đahmơi
1Bih-tih čĭm glai-glo Ơi Adai Yêhôwa ngă, alua ñu dĕč hloh mơ̆ng čĭm pơkŏn.#An Pơƀôh 12:9. Ñu hiăp hr̂ŏm đahmơi: «Hiư̆m, djơ̆ mơ̆n, tơgr̂ư̆ boh kơyâo mơ̆ng suŏn ne, Ơi Adai khă bĭ br̂ơi gô-ih ƀŏng?» 2Đahmơi til glaĭ pơ alua: «Ñu br̂ơi mơ̆n mơi ƀŏng boh kơyâo mơ̆ng suŏn ne, 3plai boh kơyâo dŏ tŏng-kr̂ah suŏn ne, Ơi Adai laĭ, “Anăm ƀŏng ôh, wŏt anăm ñah le, huĭ gô-ih djai.”»#An Phŭn 2:16-17. 4Plai alua pơhiăp hr̂ŏm đahmơi: «Bĭ ôh! Gô-ih bĭ djai ôh, 5yua Ơi Adai thâo kr̂ăn laĭ, r̂ơi pă gô-ih ƀŏng boh kơyâo nŭn, săl ta gô-ih ti đaih, jr̂ŏng nŭn gô-ih ti jr̂ŏng ha luaĭ yang, gô-ih ti thâo kr̂ăn klơi djơ̆ klơi glaĭ.» 6Jr̂ŏng nŭn đahmơi nŭn ƀôh phŭn kơyâo nŭn, boh ñu khư a ƀŏng ăm, dăp ep hiam, ñu hăt ƀŏng boh nŭn, yua čiăng hmâo klơi lơgơi. Nŭn ñu pĕ boh kơyâo nŭn, ƀŏng hĕ, dăp ček br̂ơi kơi ñu dŏ hr̂ŏm ñu, jr̂ŏng nŭn kơi ñu ƀŏng mơ̆n. 7Pah anŭn săl ta gơñu dua r̂ăng đaih hĕ, jr̂ŏng nŭn gơñu thâo kr̂ăn laĭ pô gơñu dŏ blŭn, nŭn gơñu sĭt hla boh r̂a, dr̂ăng gŏm lôi klơi mlâo gơñu.
8Tơl jĕ klăm phit angĭn, gơñu hmĭ jua Ơi Adai Yêhôwa bat tăm suŏn, nŭn Ađam dua kơi bơnai ñu đuĕ dŏp mơ̆ng ƀŏ pơta Ơi Adai Yêhôwa pơ phŭn kơyâo tăm suŏn. 9Jr̂ŏng nŭn Ơi Adai Yêhôwa iâo Ađam: «Ơ Ađam, pơ pă ih dŏ?» 10Jr̂ŏng nŭn Ađam til glaĭ: «Kâo hmĭ jua ih bat tăm suŏn, nŭn kâo huĭ yua kâo dŏ blŭn, nŭn yơh kâo đuĕ dŏp.» 11Jr̂ŏng nŭn Ơi Adai Yêhôwa kơña Ađam: «Lơi laĭ br̂ơi ih, ih mơ̆ng thâo laĭ pô ih dŏ blŭn? Hiư̆m, ih ƀŏng boh kơyâo kâo khă nŭn ah?» 12Nŭn Ađam laĭ: «Đahmơi ih br̂ơi dŏ hr̂ŏm kâo, ñu yơh ček kâo boh kơyâo nŭn, jr̂ŏng nŭn kâo ƀŏng hĕ.» 13Nŭn Ơi Adai Yêhôwa pơhiăp hr̂ŏm đahmơi: «Yĕt ih ngă nĭng nŭn?» Jr̂ŏng nŭn đahmơi til glaĭ: «Alua nŭn yơh plĕč ƀlơl kâo, jr̂ŏng nŭn kâo ƀŏng hĕ.»
14Nŭn Ơi Adai Yêhôwa pơhiăp hr̂ŏm alua: «Yua ŏng ngă nĭng nŭn, bih-tih čĭm plơi dăp čĭm glai-glo, ŏng yơh tô̆ klơi hơtŏm, ŏng ti hr̂o mơ̆ng čian, wŏt ŏng ti ƀŏng kơnah ƀô̆k, khă bih klơi hơdĭp ŏng. 15Kâo ti ngă br̂ơi ŏng hr̂ŏm đahmơi jr̂ŏng ayăt gŏp gih, dăp djuoi ŏng hr̂ŏm djuoi đahmơi ti jr̂ŏng ayăt gŏp gơñu mơ̆n.#An Pơƀôh 12:17. Djuoi đahmơi ti juă kŏ ŏng,#An Rôm 16:20; Hêb 2:14; Pơƀôh 20:1-3, 10. plai ŏng ti čoh kơđôl le ñu.»
16Gah đahmơi dŏng, Ơi Adai Yêhôwa pơhiăp hr̂ŏm ñu: «Tơl ih dŏ năp, kâo ti thim br̂ơi ih klơi kơnap-tap gleh-glăl lô, ih ti pơpôn r̂ai nă-bă wă-nuă kơnap-tap. Bŭt ih hăt ngă khua kơi ih,#3:16 Bŭt ih hăt ngă khua kơi ih lơ «Bŭt ih hăt jat kơi ih.» plai kơi ih, ñu yơh ti ngă khua ih.»
17Gah Ađam dŏng, Ơi Adai Yêhôwa pơhiăp hr̂ŏm ñu: «Yua ih hmĭ tui pơhiăp bơnai ih, dăp ƀŏng boh kơyâo kâo khă bĭ br̂ơi ih ƀŏng, nŭn lŏn kơnah ti tô̆ klơi hơtŏm yua mơ̆ng ih, ih ti sem ƀŏng mơ̆ng lŏn kơnah kơnap-tap gleh-glăl, khă bih klơi hơdĭp ih. 18Lŏn kơnah ti čă đĭ mr̂ơ̆k dăp pôm jr̂ơi br̂ơi ih, wŏt ih ti ƀŏng djăm mr̂ơ̆k djăm mr̂ôñ dai kơtŏl tăm čol. 19Ih ti hmâo nŏ ƀŏng r̂ai mơ̆ng ih ƀlĕ ia-hơ̆ ia-hang, khă tơl ih wŏt glaĭ pơ kơnah, yua mơ̆ng kơnah kâo tô̆ r̂ai ih. Yua ih kơnah ƀô̆k,#An Phŭn 2:7. nŭn ih ti wŏt glaĭ pơ kơnah ƀô̆k mơ̆n.»
20Jr̂ŏng nŭn Ađam iâo ƀŏ bơnai ñu “Êwa,”#3:20 Ƀŏ Êwa keng-keng boh hiăp Hêbrơ laĭ dĭp. yua ñu yơh mĭ tơgr̂ư̆ mơnuih hmâo klơi hơdĭp. 21Nŭn Ơi Adai Yêhôwa tô̆ klĭ ngă ao phyông br̂ơi Ađam dua kơi bơnai ñu, dăp buh br̂ơi gơñu.
22Pah anŭn Ơi Adai Yêhôwa laĭ: «Ep, mơnuih ne jr̂ŏng ha luaĭ ta boih, ñu thâo kr̂ăn klơi djơ̆ klơi glaĭ. Nêne dŏng, huĭ ñu yŏl ngan pĕ ƀŏng boh kơyâo klơi hơdĭp dŏng, jr̂ŏng nŭn dŏ dĭp nao-nao hayoh,»#An Pơƀôh 22:14. 23nĭng nŭn yơh Ơi Adai Yêhôwa pơđơi ñu biă đuĕ mơ̆ng suŏn Êđen, nao ngă buă mơ̆ng kơnah Ơi Adai Yêhôwa man r̂ai ñu mơ̆ng blŭng. 24Jr̂ŏng ñu pơpŏl lôi mơnuih biă đuĕ boih, nŭn ñu čr̂oh môt Čêruƀim dŏ ping gah ngŏ suŏn Êđen, wŏt čr̂oh đao glah phui bơdăl lơi-lơi, čiăng wai glan nao pơ phŭn kơyâo klơi hơdĭp.
Currently Selected:
Phŭn Blŭng 3: JKB
Highlight
Share
Copy
Want to have your highlights saved across all your devices? Sign up or sign in
© 2024, Wycliffe Bible Translators, Inc.