Phŭn Blŭng 28

1Jr̂ŏng nŭn Isă iâo r̂ai Yakô̆p pha br̂ơi ñu klơi nŭk-nua, nŭn Isă khă laĭ: «Ih anăm dŏ bơnai mơ̆ng môt đahmơi sô̆n-sat Kanan ôh. 2Br̂ơi ih met-set nao tăñ pơ sang Ƀêthu-el ma mĭ ih mơ̆ng ƀon Pađăn-ơram, čiăng ih dŏ bơnai mơ̆ng môt nă đahmơi Laƀăn yŏng mĭ ih. 3Dueh mơ̆ng Ơi Adai Yang Kơtang Hloh pha br̂ơi ih klơi nŭk-nua, wŏt ngă br̂ơi ih hmâo nă čo lal đĭ jai lô tui lô tui, čiăng ih jr̂ŏng sô̆n-sat pr̂ŏng hmâo lô phung pơkŏn-pơkŏn. 4Klơi nŭk-nua Ơi Adai pha br̂ơi Abrahăm ahlâo,#28:4 Phŭn 12:2-3; 15:1-21; 17:4-8; 18:10-15; 22:16-18 r̂ă r̂oi mơ̆ng klơi Ơi Adai pơhiăp uăn hr̂ŏm Abrahăm mơ̆n. kâo dueh mơ̆ng Ơi Adai pha br̂ơi ih dăp djuoi ih dŏng, čiăng ih mă tô̆ lŏn-ia ih dŏ dăng ne jr̂ŏng dr̂ăm pơđŏk ih, lŏn-ia Ơi Adai pha br̂ơi Abrahăm ahlâo dih mơ̆n!» 5Nĭng nŭn yơh, Isă pơđơi Yakô̆p nao. Nŭn Yakô̆p nao hĕ pơ sang Laƀăn mơ̆ng ƀon Pađăn-ơram, Laƀăn nŭn nă Ƀêthu-el sô̆n-sat Ơram, Laƀăn yơh yŏng Rêƀêka mĭ Yakô̆p dua ñu Êsao.

Êsao dŏ nă đahmơi Ismael

6Plai Êsao dŏng, ñu ƀôh laĭ Isă pha br̂ơi Yakô̆p klơi nŭk-nua, dăp pơđơi ñu nao pơ ƀon Pađăn-ơram, čiăng sem bơnai pơ anŭn. Pah Isă br̂ơi Yakô̆p klơi nŭk-nua, ñu khă laĭ: «Ih anăm dŏ bơnai mơ̆ng môt đahmơi sô̆n-sat Kanan ôh.» 7Nŭn Yakô̆p hmĭ tui hiăp mĭ ma ñu, jr̂ŏng nŭn ñu nao pơ ƀon Pađăn-ơram. 8Nĭng nŭn yơh, Êsao ƀôh laĭ Isă ma ñu bĭ bŏ bŭt mơ̆ng đahmơi sô̆n-sat Kanan ôh. 9Jr̂ŏng nŭn Êsao nao pơ môt khŭl-khap Ismael, nŭn ñu tô̆ Mahalăt ngă bơnai ñu. Mahalăt nŭn adơi Nêƀayôt, dua gơñu nă Ismael, Ismael nŭn nă Abrahăm. Nĭng nŭn yơh Êsao dŏ thim bơnai ha r̂ăng dŏng.

Yakô̆p lơpơi ƀôh

10Pah Yakô̆p biă mơ̆ng ƀon Ƀie-sêƀa nao pơ plơi Kharan, 11ñu tr̂uh nao pơ ha ƀon, jr̂ŏng nŭn ñu đŏm pơ anŭn ha mlăm, yua yang r̂ơi lĕ boih. Ñu tô̆ bohtâo ha boh ba r̂ai đăl kŏ ñu, jr̂ŏng nŭn, ñu pĕt hĕ ha anŭn. 12Ñu lơpơi ƀôh, hmâo kaiñan a bơdŏng mơ̆ng kơnah, kŏ ñu tơl pơ adai dih, nŭn ñu ƀôh hmâo môt ling-jang Ơi Adai bat đĭ tr̂ŭn tăm kaiñan nŭn.#An Yôh 1:51. 13Jr̂ŏng nŭn ñu ƀôh Yêhôwa dŏ dŏng mơ̆ng kŏ kaiñan nŭn#28:13 Ñu ƀôh Yêhôwa dŏ dŏng mơ̆ng kŏ kaiñan nŭn lơ «Ñu ƀôh Yêhôwa dŏ dŏng jĕ ñu.» mơ̆n, nŭn Yêhôwa laĭ: «Kâo yơh Yêhôwa yang Abrahăm ơi ih, dăp yang Isă mơ̆n. Kơnah ih đih ne kâo ti mop br̂ơi ih dăp djuoi ih he mơ̆n.#An Phŭn 13:14-16. 14Djuoi ih ti lal đĭ lô hla ti kơnah ƀô̆k, gơñu ti lal yô jŏp-jang tơgr̂ư̆ ping, gah yô̆, gah ngŏ, gah djao, gah nuă. Bih khŭl-khap mơ̆ng lŏn kơnah ti hmâo klơi nŭk-nua yua mơ̆ng ih wŏt mơ̆ng djuoi ih he mơ̆n.#An Phŭn 12:3; 22:18. 15Anăm wĕč ho, kâo dŏ hr̂ŏm ih,#An Mat 28:20. kâo ti wai-lăng ih pơ pă ih nao, jr̂ŏng nŭn kâo ti ba glaĭ ih pơ kơnah ne dŏng. Kâo bĭ lôi r̂aih lôi ih ôh, khă tơl kâo ngă bơjr̂ŏng lôi buă kâo hiăp uăn hr̂ŏm ih ne.» 16Nŭn Yakô̆p ñu bơdih đĭ mơ̆ng pĕt, jr̂ŏng nŭn, pơhiăp laĭ: «Ahlâo kâo bĭ thâo kr̂ăn ôh, nêne kâo thâo kr̂ăn laĭ Yêhôwa dŏ ha ane dơdi!» 17Nŭn ñu huĭ, dăp pơhiăp laĭ: «Ƀon ne găl huĭ dơdi! Ƀon ne bĭ djơ̆ ƀon tă-tăn ôh, ƀon ne sang Yang Ơi Adai yơh, wŏt amăng jang nao pơ adai dih he mơ̆n.»

18Sêng-ƀr̂êng mơ̆ng guah, Yakô̆p gŭ mơ̆ng pĕt, jr̂ŏng nŭn ñu tô̆ bohtâo ñu đăl kŏ nŭn, bơdŏng đĭ, jr̂ŏng nŭn ñu tô̆ ia muă boh ôliw ling gah ngŏ. 19Ñu iâo ƀon nŭn “Ƀêt-el” (čiăng laĭ “Sang Yang Ơi Adai”), plai mơ̆ng blŭng r̂ăng iâo plơi nŭn “Plơi Luih.” 20Jr̂ŏng nŭn Yakô̆p uăn hla ne: «Jơ̆ laĭ Ơi Adai dŏ hr̂ŏm kâo, dăp wai-lăng kâo bat r̂ok glan ne, wŏt pha br̂ơi kâo nŏ ƀŏng dăp hnă buh, 21jơ̆ laĭ kâo wŏt glaĭ pơ sang ma kâo mơ̆ng klơi nŭk-nua, nŭn kâo ti tô̆ Yêhôwa jr̂ŏng yang kâo. 22Gah bohtâo kâo bơdŏng čr̂oh ne, nŭn ti jr̂ŏng sang Yang Ơi Adai.#28:22 Sang Yang Ơi Adai čiăng laĭ r̂ăng ti ngă yang Ơi Adai pơ ƀon nŭn. Bih-tih nŏ yĕt-yĕt ih pha br̂ơi kâo, nŭn kâo ti pơyŏl glaĭ ih dơdi, mơ̆ng pluh tô̆ kâo ti mă ha tô̆#28:22 Mơ̆ng pluh tô̆ kâo ti mă ha tô̆ Khme laĭ “យកមួយភាគដប់.” pơyŏl glaĭ ih.»

Currently Selected:

Phŭn Blŭng 28: JKB

Highlight

Copy