Phŭn Blŭng 15

Ơi Adai kă klơi uăn bơgop hr̂ŏm Abram

1Dơdơi mơ̆ng klơi nŭn, Yêhôwa pơƀôh br̂ơi Abram, pah anŭn klơi pơhiăp Yêhôwa hmĭ nao pơ Abram: «Ơ Abram, anăm huĭ ôh. Kâo yơh hyŏl bơging ih, ih ti hmâo dr̂ăm bơni dŭt jat.» 2Plai Abram kơña glaĭ: «Ơ Khua Yang Yêhôwa, hiư̆m, nŏ yĕt ih ti pha br̂ơi kâo? Yua kâo ti djai boih, kâo ka hmâo nă ôh. Nĭng nŭn yơh, pô ti tô̆ dr̂ăm pơđŏk mơ̆ng sang kâo djơ̆ Êli-êsơ, nă plơi Đamah ne đơč.» 3Abram laĭ dŏng: «Ne! Yua ih ka pha br̂ơi kâo hmâo djuoi ôh, nŭn hlŭn a pơpôn mơ̆ng sang kâo, ñu yơh ti tô̆ dr̂ăm pơđŏk kâo.» 4Jr̂ŏng nŭn, klơi pơhiăp Yêhôwa hmĭ nao pơ Abram dŏng: «Pô nŭn bĭ tô̆ dr̂ăm pơđŏk ih ôh. Nă đahkơi biă mơ̆ng ih pô, ñu yơh ti tô̆ dr̂ăm pơđŏk ih.» 5Jr̂ŏng nŭn Yêhôwa ba ñu biă gah ia-wang, dăp pơhiăp laĭ: «Br̂ơi ih lăng đĭ pơ adai, yap pơtŭ wŏ, jơ̆ laĭ ih anăm yap.» Jr̂ŏng nŭn Yêhôwa pơhiăp dŏng: «Djuoi ih ti hmâo lô-lĭn hla ti pơtŭ nŭn mơ̆n.»#15:5 Phŭn 12:1-3; 17:1-27; 18:10-15; 22:16-18 r̂ă r̂oi mơ̆ng klơi Ơi Adai pơhiăp uăn hr̂ŏm Abram mơ̆n. An Rôm 4:18; Hêb 11:12 mơ̆n. 6Abram ngư̆ Yêhôwa, nŭn Yêhôwa yap ñu mơnuih kơpă, yua ñu ngư̆ klơi Yêhôwa uăn.#An Rôm 4:1-5; Kal 3:5-9.

7Jr̂ŏng nŭn Yêhôwa pơhiăp hr̂ŏm ñu: «Kâo Yêhôwa, pô ba ih biă mơ̆ng plơi Ơ, plơi môt sô̆n-sat Khălđê, čiăng pha br̂ơi ih lŏn-ia ne jr̂ŏng dr̂ăm pơđŏk ih.» 8Plai Abram til glaĭ: «Ơ Khua Yang Yêhôwa, ngă hiư̆m pă kâo mơ̆ng thâo kr̂ăn laĭ kâo ti hmâo lŏn-ia ne jr̂ŏng dr̂ăm pơđŏk kâo?» 9Nŭn Yêhôwa pơhiăp hr̂ŏm Abram: «Br̂ơi ih tô̆ wŏ, mo dr̂a ha dr̂ơi ayŭ klâo thŭn, be ña ha dr̂ơi ayŭ klâo thŭn, triw kơno ha dr̂ơi ayŭ klâo thŭn, čĭm kơtr̂âo ha dr̂ơi, dăp čĭm bơgŏm ha dr̂ơi pah čă čăng, ba r̂ai pơ kâo.» 10Nŭn Abram tô̆ bih čĭm nŭn ba nao pơ Yêhôwa, jr̂ŏng nŭn blah pah kr̂ah čĭm nŭn jr̂ŏng dua, jr̂ŏng nŭn ñu čr̂oh ha bơnah ha gah, ha bơnah ha gah, pơtŏ gŏp ñu, plai čĭm pŏl ñu bĭ blah ôh. 11Tơl čĭm gr̂ĭ tr̂ŭn r̂ai găm ngŏ săl čĭm, nŭn Abram ñu hyuh lôi.

12Tơl yang r̂ơi jiăm ti lĕ, Abram pĕt hơ-et, jr̂ŏng nŭn hmâo klơi kơnăm-hyeng gom lôi ñu, nŭn ñu huĭ tơtĭ-djĭl. 13Pah anŭn Yêhôwa pơhiăp hr̂ŏm Abram: «Br̂ơi ih thâo kr̂ăn dơdi laĭ, djuoi ih ti jr̂ŏng tuai dŏ mơ̆ng lŏn-ia bĭ djơ̆ lŏn-ia gơñu pô, gơñu ti jr̂ŏng hlŭn r̂ăng pơ anŭn, wŏt nă plơi lan čal nŭn ti bơjăm bơjuă ngă pơkơnap gơñu pă tuh thŭn.#An Biă 1:1-14. 14Plai dŏng, kâo ti tr̂ĕ kơđi môt sô̆n-sat čal gơñu ngă hlŭn nŭn, jr̂ŏng nŭn gơñu ti biă glaĭ dăp hmâo dr̂ăm-gơnăm lô-lĭn.#An Biă 12:40-41. 15Gah ih dŏng, ih ti hmâo ayŭ wĭ jat, nŭn ih ti djai, jr̂ŏng nŭn a ti dŏl lôi ih. Nĭng nŭn yơh, ih ti tui nao pơtŭm hr̂ŏm môt ơi ih mơ̆ng klơi nŭk-nua. 16Tơl nôk ti pă#15:16 Nôk ti pă ñu yap ha nôk dơmô ha tuh thŭn. kơñ, djuoi ih ti wŏt glaĭ pơ ane dŏng, yua nêne klơi glaĭ môt sô̆n-sat Amôri ngă, ka tơl kâo ti tr̂ĕ kơđi gơñu ôh.»#15:16 Nêne klơi glaĭ môt sô̆n-sat Amôri ngă, ka tơl kâo ti tr̂ĕ kơđi gơñu ôh Hêbrơ laĭ «Nêne klơi glaĭ môt sô̆n-sat Amôri ngă ka bŏ ôh.» Ñu pơhiăp klơi ne čiăng laĭ Ơi Adai dŏ gon môt gơñu ngă klơi set tơl ñu bŏ ƀơĭ, nŭn Ơi Adai ti ba glaĭ môt nă čo Abram br̂ơi gơñu bơblah bơr̂ăm lôi môt sô̆n-sat Amôri, hla nŭn yơh Ơi Adai ti tr̂ĕ kơđi klơi glaĭ môt sô̆n-sat Amôri ngă. An Yap 21:21-25.

17Tơl yang r̂ơi lĕ klăm r̂ai boih, nŭn hmâo lo a r̂ŏm phui biă săp, dăp r̂ok hmâo glah phui, dr̂ong plah-wah săl čĭm nŭn. 18Mơ̆ng r̂ơi nŭn Yêhôwa kă klơi uăn bơgop hr̂ŏm Abram, ñu laĭ: «Kâo ti pha br̂ơi djuoi ih lŏn-ia ne, tô̆ mơ̆ng goi čal Êjĭp,#15:18 Goi čal Êjĭp Hêbrơ laĭ «Ia kr̂ong Êjĭp» lơ «Hnoh ia Êjĭp.» khă tơl ia kr̂ong dŭt a iâo ia kr̂ong Ơprat, 19lŏn-ia nŭn lŏn-ia môt sô̆n-sat Ken, môt sô̆n-sat Kênĭsit, môt sô̆n-sat Kăt-môni, 20môt sô̆n-sat Hêt, môt sô̆n-sat Pêrĭsit, môt sô̆n-sat Rêphem, 21môt sô̆n-sat Amôri, môt sô̆n-sat Kanan, môt sô̆n-sat Kơkasi, dăp môt sô̆n-sat Yêƀuh.»

Currently Selected:

Phŭn Blŭng 15: JKB

Highlight

Copy