Genesis 22

Caibidil XXII.

Orduġaḋ a dtimċeall Isaac a Ioḋbraḋ. 3 Uṁlaċd Abraham. 13 Saoraḋ Isaac.

1Agus tárla a ndíaiġ na neiṫeannso gur ṫeasduiġ Día Abraham, agus go nduḃairt ris, A Abrahaim: agus a duḃairt seision, Féuċ, mé annso. 2Agus a duḃairt seision, Glac annois do ṁac háonṁac aṁáin, Isaac, ar a ḃfuil gráḋ agad, agus eiriġ go criċ Ṁóriah; agus Ioḋbuir ann sin é mar offráil loisge air áon do na sléiḃtiḃ inneósus misi ḋuit. 3Agus do éiriġ Abraham go moċ ar maidin, agus do uġmuiḋ a asal, agus rug días dá óganaċuiḃ leís, agus a ṁac Isaac, agus do scoilt an connaḋ don offráil loisge, agus do éiriġ súas, agus do ċuáiḋ gus a náit a duḃairt Día ris. 4An sin ar an treas lá do ṫóg Abraham a ṡuile súas, agus do ċonnairc a náit a ḃfad uaḋ. 5Agus a duḃairt Abraham ré na óganaċuiḃ, Fanuiḋsi annso a ḃfoċair a násail; agus raċaiḋ misí agus an leanaṁ ann sud agus do ḋéanam aḋraḋ, agus tiucfam ċuguiḃ a rís. 6Agus do ġlac Abraham connaḋ na hoffrála loisge, agus do ċuir é ar muin a ṁic Isaac; agus do ġlac an teine na láiṁ, agus sgian; agus do ċúadur aráon le ċéile. 7Agus do laḃair Isaac re na aṫair Abraham, agus a duḃairt, A aṫair: agus a duḃairt seision, Ag so mé, a ṁic. Agus a duḃairt seision, Féuċ ag so an teine agus an connaḋ: aċ cáit a ḃfuil an túan ċum na hofrála loisge? 8Agus a duḃairt Abraham, A ṁic, do ġeaḃa Día úan dó féin ċum offrála loisge: do ċúadur mar sin aráon lé ċéile. 9Agus tangadar gus a náit do innis Día ḋósan; agus do rinne Abraham altóir ann sin, agus do ċuir an connaḋ go deas, agus do ċeangail a ṁac Isaac, agus do leag ar a naltóir é ar úaċdar an ċonnuiġ. 10Agus do ṡín Abraham a láṁ amaċ, agus do ġlac an sgían do ṁarḃaḋ a ṁic. 11Agus do ġoir aingeal an TIĠEARNA air ó neaṁ, agus a duḃairt, A Abrahaim, A Abrahaim: agus a duḃairt seision, Ag so mé. 12Agus a duḃairt sé, Ná beanaḋ do láṁ ris an leanaṁ, agus ná déun éinní ris: óir aiṫniġim a nóis go ḃfuil eagla Dé órt, ó nár ċonnuiṁ tú do ṁac, háonṁac aṁáin uáim. 13Agus do ṫóg Abraham a ṡúile súas, agus daṁairc sé, agus féuċ, do ḃí táoḃ ṡíar ḋe reiṫe ceanguilte lé na aḋarcuiḃ ann a ttor: agus do ċuáiḋ Abraham agus do ġlac an reiṫe, agus do íoḋbuir é mar offrail loisge a náit a ṁic. 14Agus do ġoir Abraham dainm do náitsin Iehoḃah-Iireh: mar a dearṫar gus a niuġ, a sliaḃ an TIĠEARNA do ċífiḋear é. 15Agus do ġoir aingeal an TIĠEARNA ar Abraham an dara huair ó neaṁ, 16Agus a duḃairt, Do ṁionnuiġ mé oram féin, arsa an TIĠEARNA, do ċionn go ndearna tú an ní si, agus nar ċoigil tú do ṁac, háonṁac aṁáin: 17A mbeannuġaḋ go mbeannoċad ṫú, agus a méoduġaḋ go méideoċuiḋ mé do ṡíol aṁuil reulta niṁe, agus mar an ngaineaṁ ar ṫráiġ na fairge; agus sealḃoċuid do ṡíol geataiḋe a náṁad. 18Agus ann do ṡiolsa ḃeid a nuile ċineaḋ ar talaṁ beannuiġe; do ċionn gur uṁluiġ tú dom ġlór. 19Mar sin do ḟill Abraham a ccionn a ógánaċ, agus do éirġeadur suas agus do ċúadar an néinḟeaċd go Beerséba; agus do ċoṁnuiḋ Abraham am Beerséba. 20Agus tárla tar éis na neiṫeannso, gur hinniseaḋ Dabraham, ag ráḋ, Feuċ Milcah mur rug sí mar an gcéudna clann dod ḋearḃraṫair Nahor; 21Hus a ċeidġin, agus Bus a ḋearḃraṫair, agus Cemuel aṫair Aram, 22Agus Ċesed, agus Haso, agus Pildas, agus Iidlaṗ, agus Betuel. 23Agus do ġein Betuel Rebecah, an toċdar so rug Milcah do Nahor dearḃraṫair Abraham. 24Agus a leannán, dá ngoirṫi Reumah, rug si mar an ccéudna Tébah, agus Gaham, agus Tahas, agus Maccah.

Currently Selected:

Genesis 22: BedellG

Highlight

Copy