SOLOMON HLA 6
6
Nunau pawl
1Nunau lakih mimawi hleice,
Na ngai mi cu khui ah a feh?
Kan lo hawlpi theinak dingah,
A fehnak lam in sim hnik.
Nunau
2Lung ka duh val a hmuan ah kal,
Balsam zihmui thing tla a
ciinnak ah.
Lili pangpar tla khawm phah in,
A hmuan sungah tuurual a kil.
3Lung ka duh bik, ka ta a si,
Kei khal a ta ka si,
Lili pangpar lakah a tuurual tla
a khal.
Hla Fingnganak
Mipa
4Lungtak ka duh, Jerusalem khua
bang na mawi,
An sim Tirzah khawpi bangin duh
na nung ce;
Hi khua pawl bang na mawinak in,
Lungmolh thawthawt lo tiang
i tuah.
5Na mit a dang zoh thlang hram aw,
Caang thiam lo in i kaih
taang tak.
Gilead tlang in merual tlan bang,
Na sam thlairem zam sialso
hai.
6Meh le kholhfai mi tuuhmul bangin,
Na ha tianrem vaarte in an fai;
A beuh um lon rem thliahthli hai.
7Na lu khuhnak puan naal phen in,
Na biang note a lang cemci.
8A duh ahcun siangpahrang in,
Nupi sawmruk, nusuun
sawmriat va nei ko seh.
Lengdawh note siar cawk lo in
neita ko seh.
9Hmanseh kei cun pakhat lawngte
duh in ngai ing,
Cu nute cu thuro bang duhnung a si.
A nuih fa neih hman ih neihsun,
A duh hleimi fanu a si.
A zohtu hmuah nunau tla in an fak
cio thluh;
Siangpahrang nupi, nungai, nusun,
hman in amah faknak hla
an sak cio a si.
10Zing khawtleu bang mit-men
mawite zo a si ta?
A mawi sersi, a pan veuvi;
Ni le thla iang in a tle mawi.
11Ṭhuangkung lakah ka ra thleng zo,
Phaivun rawn ih zanthing note,
Sabit parih hnah no cerh le,
Taleti par ra zoh dingah.
12Raldo dingih rangleng mawngtu,
Daite ih a um thei lo bangin,
Ngai awknak in i thirter thluh.
Nunau pawl
13Lam aw, lam aw, Shulam leengdawh;
Na lam lai cu kan lo
zoh ding.
Nunau
I zohtu pawl tlar le tlar lakih
ka lam hi,
Ziangruangah maw a zoh nan duh?
Currently Selected:
SOLOMON HLA 6: FCL
Highlight
Share
Copy
Want to have your highlights saved across all your devices? Sign up or sign in
Falam Bible Revision © Bible Society of Myanmar, 2002.
