SAAM HLABU 149
149
Thangṭhatnak Hla
1 Bawipa cu thangṭhat uh!
Bawipa hnenah hla thar sa uh!
Amah a rinsantu a minung pawl ih,
tonkhawmnak ah thangṭhat uh!
2Maw Israel, a lo Siamtu ruangah
na lungawi aw!
Maw Zion mi pawl, nan siangpahrang
ruangah nan aipuang uh!
3Laam phah in a hmin cu
thangṭhat uh;
Amah thang ṭhatnak ah khuang le,
ṭingṭang pawl tum uh!
4A minung parah Bawipa a lung
a awi;
Mi tangdor pawl cu ral nehnak
thawn upatnak a pek hai.
5An nehnak ruangah Bawipa ih
mi pawl cu lungawi in um hai seh;
Aipuangzet in an puai caan ah
zanvar hla sak hai seh.
6Pathian thangṭhat phah in,
Ring zetin au ciamco hai seh;
A hriammi ralnam an kutah kengin,
7Miphun dangdang neh dingah le,
Mi hmuahhmuah hrem dingah;
8An siangpahrang pawl khit ding le
An hotu pawl thir cikcin in
ṭeem dingah;
9Pathian ih thupeknak vekin,
Miphun dang pawl hrem dingah a si.
Himi cu Pathian mi pawl ih
nehnak a si.
Bawipa cu thangṭhat uh!
Currently Selected:
SAAM HLABU 149: FCL
Highlight
Share
Copy
![None](/_next/image?url=https%3A%2F%2Fimageproxy.youversionapi.com%2F58%2Fhttps%3A%2F%2Fweb-assets.youversion.com%2Fapp-icons%2Fen.png&w=128&q=75)
Want to have your highlights saved across all your devices? Sign up or sign in
Falam Bible Revision © Bible Society of Myanmar, 2002.