SAAM HLABU 147
147
Ziangkimtithei Pathian Thangṭhatnak
1 Bawipa cu thangṭhat uh!
Kan Pathian hnenih,
Thangṭhatnak hlasak cu a ṭha.
Amah thangṭhat cu a nuammi le
a dikmi a si.
2 Bawipa in Jerusalem cu
a din sal;
Saltaang Israel mi pawl a kirpi
sal a si.
3Thinlung kuaimi pawl a damter ih,
An hma pawl a tuam sak.
4 Bawipa in arsi um ding zat
a khiah;
Pakhat hnu pakhat an hmin ciar
in a ko.
5Kan Bawipa cu a nasa mi le
a maksak mi a si;
A thil theih theizia cu tah theih
ding rual a si lo.
6Mi tangdor pawl cu a cawisaang;
Asinain mi ṭha lo pawl cu,
leilung ah a palcih hai a si.
7 Bawipa hnenah thangṭhatnak
hla sak uh!
Ṭingṭang thawn kan Bawipa
hnenah hla mawi sak uh.
8Van ah khin khawdur a pharh ih,
Leilung hrangah ruah a surter.
Cule tlangpar ah hrampi a khoter.
9Amah in ramsa pawl rawl a pe ih,
Tlang-ak note pawl khal an ai
tikah rawl in a cawm hai.
10A lungawinak cu rang cak zetzet
parah a um lo;
A thinnomnak khal ralkap ralṭha
zetzet parah a um lo.
11Asinain amah a ṭihzahtu le,
A hmunmi a duhdawtnak a rinsantu
pawl parah a um sawn a si.
12Maw Jerusalem, Bawipa cu
thangṭhat aw!
Maw Zion, na Pathian cu
thangṭhat aw!
13Amah in na kotka a hngetter ih,
Na minung pawl thlawsuah a pek.
14Na ramri pawl a himter ih,
sangvut ṭha bik in a lo cawm.
15Amah in leilung cu thu a pek ih,
A thupekmi zamrang in tuah a si.
16Patpar bangin vur a tlakter;
Vur tla cu leivut bangin a
ṭhekdarh.
17Rial cu lungte hluum bangin a
tlakter;
A thlenter mi khawsik cu,
zohman in an tuar thei lo.
18Thu a pek sal ih tikhal pawl
an zup ṭheh;
Thli a hranter ih tidai a luang.
19A thu cu Jakob hnenah a pek ih,
A thu zirhmi le a daan pawl cu
Israel a pek.
20Hi bangtuk cun miphun dang
hnenah a tuah lo;
A daan pawl an thei lo a si.
Bawipa cu thangṭhat uh!
Currently Selected:
SAAM HLABU 147: FCL
Highlight
Share
Copy
Want to have your highlights saved across all your devices? Sign up or sign in
Falam Bible Revision © Bible Society of Myanmar, 2002.
