THUFIM 16
16
1Minung in khua cu kan khaang
ko ding;
Asinain a cemnak ih thuneitu cu
Pathian a si.
2Na tuahmi hmuahhmuah cu a ṭha
ṭheh in na ruat ko ding;
Asinain Bawipa cun thinlung lam
a zoh sawn.
3Na tuahmi hmuahhmuah cu Bawipa
ih hnenah hlaan aw;
Na khawkhannak ah na hlawhtling
ding.
4 Bawipa in thil hmuahhmuah hi
cemnetnak nei in a tuah;
Cuvekin mi ṭha lo ih cemnetnak
cu siatralnak a si.
5 Bawipa in mi hngalhngawng pawl
cu a hua;
Cuvek pawl cu hremnak in a
luatter lo ding.
6Pathian hnenah felzet le zumtlak
zetin um awla na sualnak
a lo ngaithiam ding;
Bawipa ih thu ngai awla ṭhat
lonak na hrial thei ding.
7 Bawipa ih lung na awiter tikah
na ral pawl hman na rualpi ah
na tuah thei ding.
8Fel lonak thawn paisa tampi neih
hnakin,
Felte in hlawh ih paisa malte neih hi
a ṭha deuh.
9Khawkhannak cu na nei ko ding;
Asinain na tuahmi pawlah lam a lo
hruaitu cu Pathian a si.
10Siangpahrang cun Pathian ih hu le
ham thawn thu a rel;
A hmurka in a suakmi pawl cu a
dik ringring.
11Cuai le tahnak pawl cu Pathian in
dikteih tuah a duh;
Zuar mi hmuahhmuah khal felteih
tuah a duh.
12Ṭhat lonak tuah hi siangpahrang
pawl in an duh lo;
Ziangahtile uknak fektertu cu
dingnak a si.
13Siangpahrang in thudik theih
a duh ih,
Thudik ṭongtu kha mithmaiṭha
a pe ding.
14Mifim cun siangpahrang lungawiter
ding a zuam;
Siangpahrang a thin a hen ahcun
pakhatkhat an thi men thei.
15Siangpahrang ih mithmai a ṭhat
tikah nunnak a um;
A zaangfahnak cu ṭhalruah kengtu
khawdur bangtuk a si.
16Fimnak hi sui hnakin a ṭha deuh;
Theihthiamnak hi ngun hnakin hril
deuh ding a si.
17Mi ṭha pawl cun ṭhat lonak a
hrialtu lamzin an thlun;
Curuangah khuitawk lam na pan ti
kha zoh ṭha aw;
Na nunnak a lo run thei ding.
18Hngalnak in siatralnak a thlenter;
Porh awknak in ṭumsuknak ah
mi a hruai.
19Mifarah thawn tangdorte ih um cu,
Mi puarthau pawl thawn hransaw
ṭhen awk hnakin a ṭha deuh.
20An lo zirhmi kha ṭhatein ngai
awla na hlawhtling ding;
Bawipa kha rinsan awla na
lung a awi ding.
21Thinlung fimmi cu thil a thlei
dang theitu an si;
Awkaa thlum in mi a hiip thei.
22Mifim hrangah fimnak cu nunnak
cerhti a si;
Asinain mi aa fim zirh tum cu caan
a cem lak meen.
23Mifim pawl cun an ṭong hlanah
khua an ruat;
Curuangah an simmi cu hmual
a nei.
24Zaangfahnak ṭongkam cu khuaitizu
vek a si;
Kaa sungah a thlum ih harhdamnak
hrangah a ṭha.
25Lamzin dik a si tiih na ruahmi kha,
Thihnak ah a lo thlenpitu lamzin a si
thei meen.
26Hnaṭuantu cu rawl a hiarnak in
tam deuh hna a ṭuanter;
Ziangahtile a ril rawnnak kha
riamter a duh.
27Mi ṭha lo pawl cun midang harsatnak
pek ding lam an hawl;
An ṭongkam hman in mi a kaang.
28Mi ṭha lo pawl in mi relsiatnak
an karhter;
Harnak an suahter ih rualpi ṭha
hman an ṭhen-awter.
29Mi helhlong pawl in rualpi pawl
an bum ih,
siatralnak lamah mi an hruai.
30Mit a lo sin duapdotu le kam a
lo sehtu cu va ralring aw;
Ziangahtile ṭhat lonak ruattu
an si.
31Nunsaunak cu miding pawl ih
covo a si;
Sam par cu sunlawinak lukhuh a si.
32Thinsau cu thacahnak hnakin a
ṭha deuh;
Mah le mah uk theinak cu khawpi
tampi uk theinak hnakin
a ṭha deuh.
33Pathian ih tumtahnak thei dingah
camcawhfung an zuuk;
Asinain a thulehnak cu amah
Pathian ih lairelmi a si.
Currently Selected:
THUFIM 16: FCL
Highlight
Share
Copy
Want to have your highlights saved across all your devices? Sign up or sign in
Falam Bible Revision © Bible Society of Myanmar, 2002.
