THUFIM 14
14
1Nunau fim pawl in an inn an sak;
Asinain a aa pawl in anmah kut lala
in an balsiat.
2Miding pawl in Bawipa an ṭihzah;
Asinain mi hrokhrawl pawl cun
ziangah an siar lo.
3Mi aa hngal in tamtuk an ṭong ih,
Mifim pa ih ṭongkam in amah kha
a humhim.
4Hnaṭuantu ding cawcang pawl an
um lo ahcun,
na cuam cu a lawng ding;
Asinain cawcang pawl ih thazaang in
rawl tampi a suah ding.
5Rintlak mi thutheitu in thudik a
sim ṭheu;
Asinain rintlak lomi cun thuphan
lawnglawng a sim.
6Mi puarthau pawl cu mifim an cang
thei dah lo;
Asinain mifim pawl cun ol ngaiten
thu an zir.
7Mi aa pawl kiangkap ah um hlah;
Nangmah lo zirh ding zianghman
an nei lo.
8Ziangruangah mifim cu a fim?
Ziang ka tuah ding ti a theih
ruangah a fim.
Ziangruangah mi aa cu a aat?
Ka thei a si tiah a ruah awk
ruangah a aa.
9Mi aa pawl cu an sual khalah
sual sir awk ti an thei lo.
Asinain miding cun ngaihthiam mi
si ding kha an duh.
10Na lungawinak cu nangmah ih ta
a si;
Na riahsiatnak khal nangmah ih ta
a si;
Zohman in an lo ṭawmpi thei
lo ding.
11Mi ṭha lo pa ih inn a siat ṭheh
hnu hmanah,
Mi ṭha pa ih deu cu a fek ringring
hrih ding.
12Mihrek in lamzin dik tiih an ruahmi
A netnak ah thihnak ih mi hruaitu
lamzin a um.
13Hnih-nak aw in riahsiatnak aw a
thup thei;
Sikhalsehla lungawinak a cem tikah,
Riahsiatnak cu a taang ringring
ding.
14Mi ṭha lo in an ṭhat lo man an
ngah ding ih,
Mi ṭha in an ṭhat man an ngah ding.
15Ruahnak mal pawl in ziang
hmuahhmuah an zum;
Mifim pawl cun an fehnak kha
ṭhatein an zohta ṭheu.
16Mifim pawl cu ralring tein an um ih
ṭhat lonak kha an hrial;
Asinain mi aa cun ralrinnak nei loin
zamrang tukin an tuah ṭheu.
17Mi thintawi pawl cu at-hlawh zetin
thil an tuah;
Asinain mifim deuh pawl cu
tangdorte in an um.
18Ruahnak mal pawl cu aat man an
ngah ding;
Asinain mifim cun an fim man ah
fimthiamnak an co ding.
19Mi ṭha lo pawl cu mi ṭha pawl
hmaiah an kun ih,
Mithmai ṭha ngah dingin zaangfah
an dil.
20Mifarah pawl cu an innhnen hman
in an hrial;
Asinain milian pawl cu rualpi tampi
an nei.
21Mi lungawi si na duh ahcun,
mi farah va zaangfah aw;
Midang hmuhsuam cu sualnak a si.
22Ṭhatnak hrang lawng khua na
khan ahcun,
Mi in an lo zum ding ih an lo
upat ding.
Asinain ṭhat lonak hrang khuakhan
cu palhnak a si.
23Hnaṭuan khung ṭuan awla na cawm
aw thei ding;
To men ih ṭong rero cu farahnak
a si.
24Mifim pawl cu lennak laksawng pek
an si ding;
Asinain mi aa pawl cu an aatnak in
theih thei an si.
25Thudik simtu thutheitu cun nunnak
a humhim ding;
Asinain thuphan a pertu cu mi
zuartu a si.
26Pathian ṭihzahnak in mi pakhat
le a innsang hnenah,
mah le mah rinsan awknak le
humhimnak a pek.
27Thihnak in luat na duh maw?
Bawipa ṭihzah cu nunnak cerhti
a si.
28Siangpahrang ih hu le thawm cu,
a ukmi tam le mal parah a um;
A ukmi an um lo ahcun amah lawng
cu zianghman a si lo.
29Thinsau mi cu mifim a si;
Asinain na thin a tawi ahcun na
aatnak kha na langter.
30Thindaihnak in pumsa a damter;
Asinain iksiiknak cu ruh hrangah
khensar natnak vek a si.
31Mi farah pawl na hrem ahcun,
mi farah pawl sersiamtu Pathian
na nautat a si;
Asinain farah pawl zaangfahtu cu
Pathian ṭihzahtu a si.
32Mi ṭha lo pawl cu anmah ih tuahmi
ṭhatlonak in siatnak a
thlenpi;
Asinain mi ṭha pawl cu anmah ih
felnak in a humhim.
33Fimnak cu mifim pawl ih lung
sungah a um ih,
Mi aa pawl ih lung sungah cun
umnak hmun a nei lo.
34Dingnak in miphun a cawisaang;
Sualnak cun miphun mual a photer.
35Siangpahrang in a felmi a
hnaṭuantu pawl a lawm;
Asinain a fel lomi hnaṭuantu
pawl cu a hrem.
Currently Selected:
THUFIM 14: FCL
Highlight
Share
Copy
Want to have your highlights saved across all your devices? Sign up or sign in
Falam Bible Revision © Bible Society of Myanmar, 2002.
