JOEL 3
3
Miphun Hmuahhmuah Thu A ṭhen Ding
1Judah le Jerusalem mivannei ih ka tuah ni le tikcu ahcun, 2miphun hmuahhmuah cu hmunkhat ah ka ko khawm ding ih, Bawipa ih Thuṭhennak Horkuam#3.2 Bawipa ih Thuṭhennak Horkuam timi hi a hmin ngaingai cu Jehoshafat ti a si. Bawipa in thu a ṭhen, tican a si. ah ka vun hruai hai ding. Ka miphun a si mi Israel ai-awh in an thu ka ṭhen ding. Ziangahtile ka minung pawl an ram sung ciar ah an ṭhekdarh hai ih ka ram cu an ṭhen aw ṭheh. 3Ka minung pawl cu camcawhfung zuuk in an zem aw. Cuih tlunah mipa nauhak le nunau nauhak salah an zuar ih an ngahmi paisa in hlawhhlang an leeng ih zu in dingah zu an lei.
4Ka hrangah ziangso nan si nannih Ṭaiar le Sidon le Filistin ram pawl? Ka parah phuba lak nan tum maw si? Ka parah ziangtal phuba lak theimi nan nei maw? Nan neih a si ahcun cakzet le zamrang zetin nan thil tuahmi cu nan lu parah ka kirter ding. 5Ziangahtile ka sui le ka ngun le ka hlawnthil sunglawi pawl cu nan biakinn ah nan thiar ṭheh. 6Judah le Jerusalem mi pawl cu an ram ihsin lamhlapi ah nan fehpi ih Grik mi pawl hnenah nan zuar. 7Sikhalsehla nan zuarnak hmun ahcun ka forh hai ding ih cuih hmun cu an tlansan ding. Nan thil tuahmi cu nan lu parah ka kirter ding. 8Nan fanu le nan fapa pawl Judah mi hnenah ka zuar ding ih annih in lamhlapi ih a ummi Seba mi hnenah an zorh ding. Bawipa in a sim zo.
9“Hi thu hi miphun hmuahhmuah
hnenah than uh;
Raldo dingah timtuah uhla
nan ralkap tho hai seh.
Raldo ding hmuahhmuah cu hmunkhat
ah tong aw in feh hai seh.
10Nan lei lehnak tuhmui pawl cu
ralnam ah ser uh;
Nan thingfa cehnak cehrep cu
feipi ah tuah uh.
Mi derdai bik khal in do ve
hai seh.
11Zamrang in ra suak uh,
Kiangkap miphun hmuahhmuah,
Cutawkah tongkhawm aw uh,” a ti.
Maw Bawipa, na ralkap pawl,
raldo dingah run kuat aw.
12“Miphun hmuahhmuah in raldo
dingah pok hai seh;
Bawipa ih Thuṭhennak Horkuam
ah feh hai seh.
Ziangahtile miphun hmuahhmuah
thuṭhen dingah,
Cutawkah ka to ding.
13“Rawl ah a cu, namkawi suah uh;
Ra uh, sabit ra sawr uh.
Sabit sawrnak khur a khat,
ralca beel an liam.
An sualnak a nasa ngaingai a si.
14Mi thawng tampi an um,
Thuṭhennak Horkuam sungah.
Thuṭhennak Horkuam ah Bawipa ih
ni a nai zo.
15Ni le thlapi cu an thim.
Arsi an tleu nawn lo.
Pathian In A Milai A Thlawsuah Ding
16 Bawipa cu Zion ihsin a hruum
ding;
Jerusalem ihsin a aw a suah ding.
Cutikah lei le van an hnin ṭheh
ding;
Asinain a minung hrangah Bawipa
cu an beunak a si;
Israel hrangah amah cu an himnak
ṭanhmun a si.
17“Cutiin keimah cu Bawipa nan
Pathian ka si kha nan thei ding;
Ka tlang thianghlim Zion ih
a ummi ka si!
Jerusalem cu khua thianghlim
a si ding;
Ram dangmi zohman in,
Jerusalem khua sung an pal
thei lo ding.
18Cuih ni ahcun tlangsaang ihsin
Sabitti a puut ding;
Tlang fatete ihsin cawhnawi
a luang ding.
Judah ram tiva hmuahhmuah ah
tidai an luang ding;
Bawipa ih inn ihsin cirhti
a puut ding ih,
Sittim phairawn in tidai a ngah
ding.
19“Asinain Izipt cu nelrawn ro ah
a cang ding ih,
Edom ram cu thlaler ramṭhing ah
a cang ding.
Ziangahtile Judah ramah thil
poimawh an tuah ih,
Mawh neilo thisen an suahter
ruangah a si.
20Sikhalsehla Judah ramah kumkhua
in minung an tlangleng ding;
Jerusalem ah cat loin minung
an um ding.
21An thisen man cu keimah in phuba
ka la ding;
Bawipa keimah cu Zion ah
ka um ding,” a ti.
Currently Selected:
JOEL 3: FCL
Highlight
Share
Copy
Want to have your highlights saved across all your devices? Sign up or sign in
Falam Bible Revision © Bible Society of Myanmar, 2002.
