JOB 7
7
1Milai nunnak hi hranhram ih
ṭuantermi ralkap nunnak bangtuk,
Hnaṭuan khung lawng a ṭuantu ih
nunnak bangtuk le,
2Thinghnuai daihnem lawnglawng
a ngaitu sal ih nunnak vek le,
A hlawhman a hngak ringringtu
siahhlawh pa bangtuk a si.
3Thlakhat hnu thlakhat nun san
zianghman ka nei lo;
Zankhat hnu zankhat riahsiatnak
lawng i pe vivo.
4Itthat dingih ka zau tikah tikcu
a sau cuang;
Zanvarte ka lawng ka taal ih
khuafing cah ding lawng ka hngak.
5Ka taksa cu tholung in a khat,
Ka vun an puar ih an kek sal,
Ka hma in hnai an dok thluahthlo!
6Ka nunnak ni cu ruahsannak um
loin an liam vivo;
Thiamtaktu ih thiamhrolh hnakin
zamrang sawn in an liam.
7Maw Pathian, ka nunnak cu thaw
lawng a si hi thei ringring aw;
Ka lungawinak cu a cem zo.
8Atu-ahcun i hmu, a sinan i hmu
sal nawn lo ding.
I hawl khalle ka um nawn lo ding.
9Mero a kiang ih a hlohta bangin,
Milai cu a thi, a kirsal nawn lo. 10A inn a pan sal thei nawn lo ih,
A theitu khalin an hngilh thluh zo.
11Atu cu daiteón ka umthei nawn lo!
Ka thinheng in ka ṭong suak ding,
Ka lung a sia, ka dai nawn lo ding.
12Ziangah so i kil ringring?
Tipi sungih rulpi ah maw i ruah?
Tifinriat rulhrengah maw i ruah?
13Ka zau ih ihkhun ah colh ka tum,
Ka tuarmi hi deem deuh thei pang
sehla ka ti.
14Asinain nangmah hrimhrim in
mangsia in ka tuk i sumter!
Hmuhnak a phunphun i hmuh ih
ka thin i phangter.
15Hiti vekin harfualfo ih nun
cuahco hnak cun,
Ka hngawng ih deek tahrat in
thih ka duh sawn.
16Ka thin a pit! Nun ka zuam
nawn lo.
Keimah lawngte in i taan aw,
Nun man ka nei lo.
17Milai hi ziangso a si ih
hitluk lawmmam in na thupitter?
Amah cu ziangruangah so na seherh
ringring?
18Zingtinte na veh ih tu le tu
na hniksak ringring hi!
19Ka cil ka lem caan sungte tal
khawdang na hoi lo ding maw?
20Nang, milai thinlung zohhliahtu,
Ka sualnak in a lo tuahmawh mawsi?
Na hmuibahmi ah ziangah so i tuah?
Kei hi na hrang thilrit maw ka si?
21Ka sualnak cu i ngaithiam thei
dah lo maw?
Ka mawhnak cu i ngaidam thei
hrimhrim lo maw?
Reilote ah thlaansung ah ka it ding;
I ra hawl hman cila ka um nawn
lo ding.
Currently Selected:
JOB 7: FCL
Highlight
Share
Copy
Want to have your highlights saved across all your devices? Sign up or sign in
Falam Bible Revision © Bible Society of Myanmar, 2002.
