JOB 5
5
1“Job, hun ko hnik! A lo awitu
zotal an um pei maw?
Na va pan dingah vancungmi pakhat
tal an um maw?
2Thinheng ringring ih nun cu
Mi aa pawl thattu a si.
Iksiknak cu thinlung mal pawl
philtu a si.
3Mi aa pawl hnangamzet ih an um
ka hmu zo;
Asinain rinlopi-ah an innsang cu
siatcamnak a tong.
4An faate pawl cu humhimnak
an tong thei dah lo;
Thuṭhennak hmunah zohman in
anmah ṭan ah an ding lo.
5Mi aa pawl ih lorawl cu rilrawng
mi pawl in an ei ding;
Hling lakih a khomi rawl tiangin;
An lennak cu tihal pawl in
an halhsik a si
6Ṭhatlonak cu leilung sungin
a kho lo;
Harsatnak khal leilung sungin
a ṭhangmi a si lo.
7Meici cu meisa sung ihsin a suak
ṭheu bangin,
Minung parih a thlengmi harnak cu
amah minung lala-ih suahter a si.
8Kei cu nang si ningla, Pathian
lam ka hoikir ding,
Ka thu cu a hnen ka thlenter ding.
9Thilmak zetzet a tuahmi pawl cu
kan thei thei dah lo ding;
Mangbangza a tuahmi pawl cu cemni
a nei dah lo ding.
10Leiram parah ruah a surter ih
loram pawl a ciarter.
11A si, milungnem a cawisaangtu le
riahsia mi hmuahhmuah hnenih
lungawinak a petu cu Pathian a si.
12-13Mi depde pawl ih tumtah mi cu
a siatsuah sak ih,
Mifim pawl cu an khawkhannak in
a awkter a si.
Cutin an tuah mi ziangvek hmanah
an hlawh a tling lo ih,
14Sun vang hmanah zan khawthim
sung bangin an tawivak.
15Sikhalsehla Pathian in mifarah
pawl cu thihnak in a hum ih,
Mi tlasam pawl cu namsuknak
sungin a run hai a si.
16Mi zonzai pawl hnenah
ruahsannak a pek,
Asinain miṭha lo pawl cu
a vuakdai hai a si.
17Pathian ih nun a simmi cu
milungawi an si!
Nun a lo sim asile na ninghang
duh hlah.
18Pathian in a tuahmawh mi cu
amah lala in a tuamhlawm;
A kut in hma a baih ih a kut
lala in a damter sal.
19Amah in harnak phun ruk sungin
a lo hum ding,
Pasarih sung khalah ṭhat lonak
zianghman in a lo dai thei lo ding.
20Paam a thlen khalle a lo thiter
lo ding;
Raldo a um hmanah thihnak ralnam
sungin a lo run ding.
21Mi-ih relsiatnak sungin Pathian
in a lo hum ih,
Siatsuahnak a thlen hmanah na him
ko ding.
22Thisen luannak le rilrawnnak
na hmu ṭheh ding naón,
Na hnihsan men ding ih,
Sahraang khal na ṭih lo ding.
23Na thlawh mi loram ah lungto
a um lo ding ih,
Sahraang pawl thawn tla rualrem
tein na um ding.
24Na puanthlam sungah thlangam
tein na um ding ih,
Na tuu pawl na zoh tik khalah
an himdam kim kha na hmu ding.
25Na tefa pawl cu an tamzet ding,
Leilung ih hrampi zat an si ding.
26Rawl lak tikcu tiang himte ih
a nungmi sangvut bangin,
Kum reipi le san ṭha zetin
na nung ding.
27Job, hi thu pawl cu kum reipi
kan zir ih kan theih mi a si.
Thudik a si, curuangah pom
thlang aw,” a ti.
Currently Selected:
JOB 5: FCL
Highlight
Share
Copy
Want to have your highlights saved across all your devices? Sign up or sign in
Falam Bible Revision © Bible Society of Myanmar, 2002.
