SEEMTIRNAK 10
10
Noah Fapa Pawlih Tesinfa
1Tilik a tlun hnu, Noah ih fapa Shem, Ham le Jafet tla-ih hrinmi tefa pawl cu a hnuailam vekin an si.
2Jafet ih fapa pawl cu Gomer, Magog, Madai, Javan, Tubal, Meshek le Tiras tla an si. 3Gomer ih fapa pawl cu Ashkenaz, Rifath le Togarmah an si. 4Javan ih fapa pawl cu Elishah, Tarshish, Kit mi le Dodan mi pawl tla an si. 5Anmah cu tipikap le tikulh parih a ummi miphun pawl cithlahtu an si. Jafet ih tesinfa an si ih an hrin ciar in anmah ih ṭong ciar hmangin ram dangdang ah an um.
6Cun Ham ih fapa pawl cu Kush, Izipt, Libia le Kanaan an si. 7Kush ih fapa pawl cu Seba, Havilah, Sabtah, Raamah le Sabteka an si. Raamah ih fapa cu Sheba le Dedan tla an si. 8Kush ih fapa pakhat cu Nimrod a si ih amah cu leilung tlunah a hmaisa bik minehtu hminthang a si. 9Bawipa ih bomnak in amah cu sakap hminthang ah a cang ih, curuangah mi in, “Nimrod bangin Bawipa in sakap hminthang ah lo tuah seh,” an ti ṭheu. 10Nimrod ih a ukmi ram hmaisa bik pawl cu Babilonia#10.10 Babilonia: timi hi ‘Shinar’ ti tla in an ko. ram sungih a ummi Babilon, Erek le Akkad ram thum tla an si. 11Cuih ram ihsin Assiria ramah a feh ih Nineveh, Rehoboth-Ir, Kalah le, 12Nineveh le Kalah khawpi karlakih a ummi Reson timi khawpi tla a toh.
13Izipt cu Lidia mi, Anam mi, Lehab mi, Naftuh mi, 14Patrus mi, Kasluh mi le Kaftor mi pawl ih pa a si. Filistin mi pawl cu Kaftor ih cithlahmi an si.
15Cule Kanaan cu a fapa upa bik Sidon le a nau Heth, 16cuih hnuah Jebus mi, Amor mi, Girgash mi, 17Hiv mi le Arka mi, Sin mi, 18Arvad mi, Zemar mi le Hamath mi pawl ih pa a si. Cuih hnuah Kanaan ih tefa pawl cu an karhzai ih, 19an ram cu Gerar lamah Sidon in Gaza tiang, cun Sadom, Gomorrah, Admah le Zeboiim lamah Lasha tiang a kau. 20A tlunih miphun pawl hi Ham ih tesinfa pawl an si ih ram dangdang ah anmah an hrin ciar in anmah ih an ṭong ciar hmangin an um.
21Jafet ih u-pa Shem cu faate dang tla a nei ih Hebru mi pawl hmuahhmuah ih cithlahtu a si. 22Shem ih fapa pawl cu Elam, Asshur, Arpakshad, Lud le Aram an si. 23Aram ih fapa pawl cu Uz, Hul, Gether le Mash an si. 24Arpakshad cu Shelah ih pa a si ih Shelah cu Eber ih pa a si. 25Cun Eber in fapa pahnih a nei. Pakhat cu Peleg ti ah an ko, ziangahtile Peleg san laiah leilungih milai pawl cu an ṭhen-aw thluh. Cule a naupa ih hmin cu Joktan a si. 26Joktan ih tesinfa pawl cu Almodad, Shelef, Hazarmaveth, Jerah, 27Hadoram, Uzal, Diklah, 28Obal, Abimael, Sheba, 29Ofir, Havilah le Jobab an si. Hi pawl hi an zatein Joktan ih tesinfa an si. 30An umnak ram cu Mesha ihsin Sefar lamah nisuahnak lamih tlangram tiang a si. 31A tlunih miphun pawl cu Shem ih tesinfa pawl an si ih ram dangdang ah anmah an hrin ciar in anmah ih ṭong ciar hmangin an um.
32A tlunih hrin le hnam pawl cu Noah ih tesinfa an si ih anmah ih an hrin ciar in miphun tampi ah an cang. Leilung tlun miphun hmuahhmuah cu tilik hnu Noah fapa pawl ih cithlahmi an si.
Currently Selected:
SEEMTIRNAK 10: FCL
Highlight
Share
Copy
![None](/_next/image?url=https%3A%2F%2Fimageproxy.youversionapi.com%2F58%2Fhttps%3A%2F%2Fweb-assets.youversion.com%2Fapp-icons%2Fen.png&w=128&q=75)
Want to have your highlights saved across all your devices? Sign up or sign in
Falam Bible Revision © Bible Society of Myanmar, 2002.