Marc 6

Isus Ni-apruchiat tu Nazaret

1Apoea Isusul fudzi di aclo shi vini tu tsara a lui, shi ucenitsilji a lui u urmarã. 2Shi cãndu vini Sãmbãta, ahurhi sã li nvitsa tu sinagogã. Shi multsã cãndu lu-avdza, s-ciudisea shi dzãtsea: “Di iu lj-yinã aishtui aesti? Tsi mintiminiljii easti atsea tsi lj-easti datã? Shi cum s-facã aesti thavmati cu mãnjili a lui? 3Nu easti aestu lemnar, hiljilu ali Marii, fratili al Iacov, shi al Iose, al Iuda shi al Simon? Shi nu sãntu aoa namisa di noi surãrili a lui?” Shi si scandalizeascu ti itia a lui. 4Isusul lã dzãsi a lor: “Nitsiunu prufit nu easti dispretsuit dicãt mashi tu patria a lui, tu soia a lui sh-tu casa a lui.” 5Shi nu pãtu s-facã atsia nitsiunã thavmã, dicãt mashi s-vindicã vãrãndoi lãndzitsã bãgãnda mãna pri nãshi. 6Shi s-ciudisea ti nipistusirea a lor. Isusul imna avãrliga pri hoarili shi li-nvitsa.

Misionul a Doisprãdzãtsilor

7Sh-li acljimã atselji doisprãdzatsi shi ahurhi s-lji pitreacã doi cãti doi sh-u deadi puteari pristi duhurili nicurati. 8Sh-lã dimãndã s-nu ljea tsiva altã pri cali, dicãt mashi unã ciumagã, nitsi trastã, nitsi pãni, nitsi pãradzi tu brãn, 9Ma s-ncalcã mash sandalili shi s-nu bagã doauã pãreclji di tunicã. 10Shi lã dsãsi ninga: “Iutsido tsi s-intrats tu unã casã, armãnets aclo pãnã s-fudzit di aclo. 11Macã niscãntsi nu vã ashteaptã shi nu vã avdã, cãndu s-fudzits di aclo, ascuturats puhlu dit cicioarili-a voastri, ca mãrtirii contra-a lor. [Dealihea vã dzãc cã dzua a giudicarãljei Sodoma shi Gomora va si s-veadã cu ma multã lishuredz dicãt atselu i think socãsãbã.]”

12Ashã atselji s-dusirã shi-u predica a oamnjilor tsi s-mitãnjiuseascã 13Shi aĝuneascã mults demonji shi aungã cu untulem mults lãndzitsã shi-li vindica.

Moartea al Ioan Pãtidzãtorlu

14Tora amirãlu Herod avdzã si sbura di Isusul cã numa a lui eara faptã cunuscut shi elu dzãsi: “Ioan pãtidzãtorlu s-inje dit mortsã, trã atsea pri nãsu ma lucreazdzã putearili cu mari ciudii.” 15Niscãntsã altsã dzãtsea: “Easti Ilia.” Shi niscãnts altsã dzãtsea: “Easti un prufit icã un di prufitsilji.” 16Ma cãndu Herodul li avdzã tuti atseali, dzãsi: “A Ioanlui, u cui lji tãljai caplu, s-inje dit mortsã.” 17Cã Herodul avea datã ordin s-acãtsa Ioanulu shi s-tsãnea ligatã tu hapsi ti itia a Herodiadãljei, muljeara al Filip, fratli a lui, cãtse lu avea loatã ti muljearã. 18Ioanlu lj-dzitsea al Herod: “Nu ai ndreptate s-ai muljearea a fratilui a tãu.” 19Shi Herodiada lu aura shi vrea s-lu vãtãma, ma nu putea. 20Herodul s-afirea di Ioanlu tsi lu cunushtea ca om ndrept shi sãmtã, shi lu apãra, shi dupã tsi avdza multi lucri di nãsu, fãtsea multi lucri, shi lu asculta cu vreari. 21Ma vini dzua tsi lipsea shi Herodul, tu dzua a amintariljei a lui adãrã uspetsi ti mãrilji a lui, capitãnjilji shi tinjisitsilji a Galileiljei. 22Intrã hiljea a Herodiadãljei, giucã sh-lji arãsi al Irod shi a lor tsi shidea deadun cu nãsu la measã, atumtsea amirãlu lji-dzãsi a featiljei: “Caftã-nji itsi vrei shi mini va tsã dau.” 23Shi lji si spigiurã: “Itsido tsi va nji caftsã va tsã dau, pãn la giumitatea a amirãriljei-a mea.” 24Ea inshi afoarã sh-lji dsãsi a mumãljei: “Tsi prindi s-lji caftã?” Shi ea apãndisi: “Caplu al Ioan Pãtidzãtorlu!” 25Ea s-turnã trãoarã la amirãlu shi lji-cãftã aĝonjea: “Mini voi tsi tini s-nji dai trãoarã tu tãpsii caplu al Ioan Pitidzãtorlu.” 26Shi amirãlu cu tutã cã s-nvirinã multã di aestã, nu vrea s-arnisea ti itia cã eara spigiuratã shi ti tinjia a acljimatsilor. 27Ashã trãoarã amirãlu pitricu unã avigljitor s-lji aducã caplu al Iaon. 28Shi elu s-dusi tu hapsi, lj-tãljã caplu shi lji lu-adusi pri unã tãpsii, lji lu deadi ali feati shi feata lju deadi a mumãljei. 29Cãndu ucenitsilji al Ioan li avdzãrã aesti, vinirã, loarã truplu a lui shi lu bãgarã tu murmintu.

Prota Multsirea a Pãnjilor

30Tora apostoljilji s-adunarã ningã Isus shi lji spusirã tuti atseali tsi avea faptã shi tsi lj-avea nvitsatã. 31Shi elu lã dzãsi a lor: “Haidets tu un loc tu irnjii shi discurmats-vã.” Cã oamnjilji tsi yinea shi s-dutsea eara ahãnt multsã cãt nu avea chiro di mãcari.

32S-nchisirã cu unã varcã cãtrã un loc ermu shi dipãrtat. 33Ma cãt multsãmea lã vidzu tsi s-nchisirã, multsi di atselji lu cunuscurã, sh-di tuti cãsãbadzli vinirã aclo pi cicioari shi agiumsirã dininti a lor shi s-adunarã avãrliga di nãsu. 34Cãndu Isus inshi dit varcã, vidzu unã multsãmi marã shi ljã-vini rãu, cã era ca oili fãrã picurar. Shi ahurhi s-lã nveatsã multã lucri. 35Shi cum tricu mult chiro, ucenitsilji a lui s-apruchearã shi lji-dzãsirã: “Aestu loc easti ermu shi tora easti amãnatã. 36Dã-lã cali aishtoru oaminji si s-ducã tu cãmpurili shi hoarili di avãrliga tsi s-acumpãrã pãni, cã nu au tsiva ti mãcari.” 37Iar elu apãndisinda lã dzãsi a lor: “Dats-lã voi s-mãcã!” Shi elji lji-dzãsirã: “Prindi s-nidzem noi s-acumpãrãm cu doauã sutã di denari#6:37 200 di denari easti ma putsãn di plãtirea a unui an. shi s-lã dãm ti mãcari?” 38Shi elu lã dzãsi a lor: “Cãt pãnji avets? Imnats-vã shi mutrits!” Dupã cã vidzurã dzãsirã: “Tsintsi pãnji sh-doi peshtsã.” 39Atumtsea elu deadi ordinã a lor tsi s-li ndreagã tuts, apunats pi grupuri pri yiarba veardã. 40Ashã atselji s-apunarã tu grupuri cãti unã sutã sh-cãti tsindzãtsi. 41Apoea elu lo tsintsi pãnjili shi doi peshtsãlji, sculã ochljilji cãtrã tser, ghinicuvãntã, li pãrtsã panjili sh-u deadi a ucenitsilor a lui, tsi s-u pãrtsa a lor, tutashã u pãrtsã a lor shi peshtsãlji. 42Tuts mãcarã pãn s-fãntirã 43Shi adunarã doisprãdzatsi di cãneastri cu sãrmi di pãnji shi cu armãnturi di peshtsã. 44Atselji tsi mãcarã pãnjili eara tsintsi njiljã di bãrbats.

Isus Imnã Pristi Apã

45Trãoarã Isusul lã ursi ucenitsilji a lui s-intra tu varcã shi si s-ducã tu alantã parti cãtrã Betsaida, pãn-cãnd elu s-alãsa s-dispãrtsea mutsãmea. 46Macãt li salutã, elu s-alinã tu munti ti pãrãcãlsiri.

47Cãndu tunicã varca eara namisa di amari shi elu singur eara pri uscatã. 48Cãndu li vidzu ucenitsilji, elji ma s-pidipsea nãftãnda, cã yinea vintu contra lor. Tu a patrulu avigljitor a noaptãljei Isusul s-nchisi cãtrã nãshi imnãnda pri amari shi elu vrea s-li tritsea. 49Ma elji, cãndu lu-vidzurã cã ma tritsea pri amari, mintuirã cã eara unã fantazmã shi ahurhirã sã aurlã. 50Cã tuts lu vidzurã shi eara lãhtãrsitsã, ma elu trãoarã ahurhi s-greascã cu nãshi, sh-dsãsi: “Curaiu! Mini escu, nu vã-aspãrats!” 51Dapoea s-alinã tu varcã cu nãshi shi vimtul pãpsi. Shi atselji armasirã ciudisits shi si thãvmãtisirã. 52Cã nu lu-avea aduchitã thavma a pãnjilor cãtse inima a lor eara chitrisitã. 53Dupã tsi tricurã, agiumsirã tu loclu a Ghenezaretlui, shi aclo u-ligarã varca. 54Shi cãndu ishirã dit varcã, oaminjilji lu-cunuscurã dinãoarã. 55Shi trãcãnda trãoarã pisti tutã locurili di avãrligã, ahurhirã s-aducã tuts lãndzitsilji pri paturi iutsido tsi avdza cã s-afla. 56Shi iutsido tsi elu yinea, tu hoari, tu cãsãbadz icã tu mãhãladz oaminjilji bãga lãndzitslji tu padi, shi lu pãrãcãlsea tsi s-bãga mãna pi stranjili a lui. Sh-tuts atselji tsi bãgarã mãna s-vindicarã.

Currently Selected:

Marc 6: BLRR

Highlight

Copy