Marc 15

Isusul Nãinti al Pilat, Guvernatorlu Romac

1Cãrund dimineatsa mãrilji a preftsilor cu aushlji, scriblji shi tut Sinedrul fãtsea consiliu, u ligarã Isusul, lu adusirã nafoarã shi lji-lu-deadirã al Pilat. 2Shi Pilat lu ntribã: “Tini eshti amirãlu a Iudenjilor?” Shi elu apãndisinda lji dzãsi: “Tini dzãts!” 3Shi mãrilji a preftsilor lu acuza di multi lucri, ma elu nu apãndisea dip. 4Pilatul lu ntribã nãpoi dzãcãnda: “Nu apãndiseshti dip? Vedz ti cãti lucri ti acuzeascã!” 5Ma Isusul nu apãndisi dip, ahãtãt cãt Pilatlu arãmasi ciudisitã. 6Tu cathi sãrbãtoari eara ca adet tsi su-alãsa atsilor un hãpsãnit, caitsido tsi populu cãfta. 7Shi eara tu hapsi un om acljimatã Baraba, deadun cu sotsilji a lui rebilj, tsi avea faptã un vãtãmãri la un ribiljusiri. 8Shi multsãmea, aurlãnda, ahurhi tsi s-caftã s-facã ashã cum avea faptã totãna cu nãsh. 9Iar Pilatul lã apãndisi a lor dzãcanda: “Vrets s-vã sãlghescu amirãlu a Iudenjilor?” 10Cã lu shtiea tsi mãrilji a preftsilor lu avea pridatã di inati. 11Ma mãrilji a preftsilor pimsãr multsãmea s-cãfta tsi s-lã sãlghea Baraba. 12Shi Pilatul u lo zborlu nãpoi shi lã dzãsi a lor: “Tsi vrets s-fac cu atselu tsi voi lu acljimats amirãlu a Iudenjilor?” 13Elji aurlarã nãpoi: “Crutsisits-lu!” 14Shi Pilatul lã dzãsi a lor: “Ma tsi arãu ari faptã?” Atumtsea elji aurlarã shi ma multã: “Crutsisits-lu?” 15Tr-atsea Pilatul vrãnda s-lji arãsea a multsãmiljei, lu deadi Baraba. Shi dupã tsi lu zãpãlirã Isusul, lu deadir a lor tsi s-lu crutsisea.

Pizuirea Nãinti di Crutsisiri

16Shi suldatsilji lu-dusirã Isusul tu uborlu di nãntru tu pãlat, shi adunarã tutã cohorta. 17Lu-nviscurã cu sirmã, shi mplãtirã unã cãruni di schinj shi lj-u bãgarã pri capã 18Dapoea ahurhirã s-lu saluteascã, dzãcãnda: “Sãnãtati amirãlu a Iudenjilor!” 19Shi lu agudea pri capã cu un cãlam, u scuchea shi dzinucljãnda diniti a lui, lu alãvda. 20Dupã tsi arãsirã cu nãs, lu disviscurã purpura, lu nviscurã cu stranjili a lui, shi lu scoasirã afoarã s-u crutsisea.

Crutsisirea

21Elji ursirã un cãlãtor, Simonul di Cyrenea tsi s-turna dit agru, tatilu a Alexandrului shi a Rufiljei, tsi s-lu tsãnea crutsea a lui. 22Dapoea lu adusirã Isusul tu loclu acljimatã Golgota, tsi va s-dzãcã “Loclu a Cafcãljei.” 23Lji deadirã s-bea yinã misticat cu mirã, ma elu nu u lo. 24Shi dupã tsi lu crutsisirã, li pãrtsãrã stranjili a lui shi arucarã soarti tsi s-shtiea tsi va avea cathiunã. 25Eara oara a treia#15:25 Ora a treia va s-dzãc ora noauã dimineatsa cãndu lu crutsisirã. 26Shi scritura tsi spunea itia a cãtiĝurisiriljei tsi eare bãgatã pri nãsu dzãtsea: “Amirãlu a Iudeilor.” 27Deadun cu nãs crutsisrã doi furi, unlu tu nadreptea a lui shi alantu tu nastãnga a lui. 28[Shi ashã s-mplinã Scritura tsi dzãtsi: “Elu s-luguri cu urutsilji.”]#15:28 dit Isaia 53:12 29Shi elji tsi tritsea atsia aproapi lu ngiura shi giucãnda caplu, dzitsea: “Tini tsi aspãrdzeai templu shi lu adãrai di trei dzãli, 30ascapã vetea a ta shi dipunã di crutsi.” 31Tutashã shi mãrilji a preftsilor shi scriblji arãdãnda dzãtsea cu un alantu: “Alantsilji lã ascãpã, ma vetea a lui nu putu s-lu ascapã. 32Hristolu, amirãlu a Israelui, s-dipunã di crutsã tsi s-lu videm shi s-lu pistipsim.” Shi atselji tsi eara crutsisit deadun cu nãsu, lu ngiura.

Moartea al Isus

33Dapoea cãndu vini a shasea oarã, ntuneariclu amvãli tut loclu pãn la a noaua oarã. 34Shi tu a noaua oarã Isusul aurlã cu boatsã analtã: “Eloi, Eloi lama sabacthani?”, tsi va s-dsãcã: “Dumnidzãlu a meu, Dumnidzãlu a meu cãtse mi ai alãsat?” 35Shi niscãnts di atselji di aproapi, cãndu lu avdzãrã, dzãsirã: “Ia, elu ma greashti Ilia!” 36Atumtsea un di nãshi vini trãoarã sh-muljã un sfungar tu puscã, dupã tsi u bãgã tu un cãlami lji-lu deadi s-bea, dzãcãnda: “Alãsats-lu, s-videm ma cã va yinã Ilia s-lu dipun nghios.” 37Ma Isusul cum featsi un sghileari marã deadi suflitlu. 38Shi velul#15:38 Velul easti unã pãndzã tsi dipartsi doauã udãdzili tu templu s-disicã pi dau di nsus pãn nghios. 39Shi centurionul tsi stãtea nãinti al Isus, cãndu vidzu cã Isusul zghili ashã, shi avea datã suflitlu, dzãsi: “Dealihea aestu om eara Hiljilu a Dumnidzãului!” 40Atsia eara tutashã shi muljerili tsi videa di diparti, namisa di nãsi eara Maria Magdalena shi Maria, muma a Iacovul njiclu shi al Iose, shi Salomeia, 41tsi lu avea urmat shi lã avea servitã di cãndu eara tu Galile, shi eara multi alti tsi avea vinit deadun cu elu tu Ierusalim.

Ngruparea

42Tora s-apruchiã seara, cã eara Etimãsirea, tsi va s-dzãcã apãrirea di Sãmbãtã, 43Iosif din Arimatea, un consilier respectat, cai ashtãpta amirãriljea a Dunmidzãului, cu curaiu intrã la Pilatul shi cãftã truplu al Isus. 44Shi Pilatul s-ciudisi tsi tora elu avea murit. Lu acljimã centurionlu shi lu ntribã macã avea murit di mult chiro. 45Shi cum sã siguripsi di centurionlu, lji lu alãsã truplu al Iosif. 46Aestu, dupã tsi acumpãrã unã pãndzã, lu dipunã Isusul di crutsi, lu amvãrti cu pãndzã shi lu bãgã tu un murmintu tsi erea disfapt tu chiatrã, deapoea arucã un chiatrã dininti di usha a murmintului. 47Shi Maria Magdalena shi Maria, muma al Iose mutrea iu lu bãgarã.

Currently Selected:

Marc 15: BLRR

Highlight

Copy