Marc 11

Intrarea al Isus tu Ierusalim

1Tora cãndu s-apruchiarã di Ierusalim, cãtrã Betfagã shi Betania, ningã Muntili a Masnjilor, Isus pitricu doi di ucenitsilji a lui, 2dzãcãnda: “Imnats tu hoara di dininti a-voastrã, shi ma cãt s-intrats aclo, va s-aflats un gumãric ligat, tsi nu ljã-avea ncãlicat vãr. Dizligats-lu shi adutsets-lu la mini. 3Shi macã vãr vã-dzãtsi: ‘Cãtse ma fãtsets ashã?’, apãndisits-lã: ‘Ljã-lipseashti a Domnului. Elu va u-toarnã trãoarã aoa.’” 4Elji s-dusirã shi aflarã gumãriclu ligat aproapi di unã ushã, pi cali shi u-dizligarã. 5Shi niscãnts di atselji tsi eara aclo lã dzãsirã a lor: “Tsi fãtsets? Cãtse u-dizligats gumãriclu?” 6Aeshtã l-apãndisirã ashã cum lã avea dzãsã Isus shi elji lã alãsarã s-fugã. 7Atumtsea ljã-adusirã al Isus cãricilu, bãgarã pi nãs mantolul a lor shi elu s-apunã pi nãs. 8Mults oaminj l-ashtirna stranjili a lor pri cali shi alantsilji tãlja alumãchi di ponj sh-li aruca pri cali. 9Shi cum atselji tsi nãdzea nãinti, shi atselji tsi yinjea dupã Isus, aurrla sh-dzãtsea:

“Hosana!#11:9 Hosana-vrea s-dzãc, Alãvdari a Dumnidzãului.

Vluyisitã easti atselu tsi yini tu numa a Domnului!

10 Vluyistã easti amirãriljea al David, tatãl a nostru tsi yini tu numa a Domnului.

Hosana tu locurili mult analti!”

11Ashã intrã Isus tu Ierusalim shi tu templu. Sh-dupã tsi vidzu ghini itsido, bãgã oarã cã eara amãnat, inshi deadun cu doispridzatsilji cãtrã Betania.

Hiclu Uscat

12Alantã dzuã, cãnd ishirã dit Betania el avea foami. 13Shi vidzãnda di diparti un hic tsi avea frãndzi, el s-dusi di videari nacã putea s-afla tsiva aclo. Ma cãnd s-apruchiã nu aflã tsiva, dicãt frãndzi, cã nu eara chirolu a hitsilor. 14Shi Isus ljã-gri a hiclui, dzãcãnda: “Nitsunã s-nu mãcã pute frut di la tini.” Sh-ucenitsilji a lui lu-avdzãrã.

Cãtãrsirea al Tempului

15Ashã agiumsirã tu Ierusalim. Isus dupã tsi intrã tu templu, apãrnji s-li aĝuneascã atselji tsi vindea shi acumpãra nãuntru a tempului sh-li rãsturnã measili a alãxitorilor di pãradzi shi scamnili a vinditorilor di purunghi. 16Sh-nu alãsa vãr tsi s-purta lucruri prit templu. 17Sh-lã nvitsa, dzãcãnda: “Vahi nu easti scriatã: ‘Casa a mea va s-acljeamã casa a pãrãcãlsirljei di tuti natsiunili’? Voi, lu avets adãratã ca unã pishtireauã di furlji!” 18Amu scriblji shi mãrlji a preftsilor cãndu li avdzãrã aesti sboari cãfta cã cum s-lu vãtãma, ma avea fricã di nãs, cã tutã multsãmea eara ciudisit di nvitsãtura a lui. 19Cãnd s-featsi searã, Isus ishi nafoarã di cãsãbã.

Pistipsirea Alihinoasã

20Tu alantã dzuã dimineatsa, tricãnda vidzurã cã hiclu eara uscatã dit radãtsinã. 21Shi Petrul adusi a-minti shi lj-dzãsi: “Nvitsãtore, ia, hiclu tsi tini blãstimash easti uscatã.” 22Sh-Isus apãndisinda u dzãsi a lor: “Avets pistipsirea al Dumnidzãu! 23Dealihea vã-dzacã macã vãr va ljã dzãc aishtui munti: ‘Scolã-ti shi arucã-ti tu amari’, sh-nu va s-aibã dilemã tu inima a lui, ma va s-pistipseascã cã atsea tsi ma dzãtsi va s-facã, itsido va s-lji si-adarã. 24Trã atsea ma vã dzãc, tuti atseali tsi voi cãftatsã pãrãcãlsinda, pistipsits cã va lã-loats shi a vauã va-sã si da. 25Shi cãndu ahurhits s-pãrãcãlsits, macã avets tsiva contra a vãrnui, ljirtats-lu tsi shi Tatãlu a vostru tsi easti tu tseruri, s-vã ljeãrtã amãrtiili a voastri. 26[Macã voi nu ljirtats, nits Tatãlu a vostru tsi easti tu tseruri, nu va-s-vã ljeartã amãrtiili a voastri.]”#11:26 Atselu stih nu s-aflã tu alti veaclji manuscrituri.

Ntrãbarea al Fariseilor

27Dapoea elji vinjirã nãpoi tu Ierusalim, shi cãndu el imna prit templu, mãrlji a preftsilor, scriblji, shi aushlji s-apruchiarã, 28Sh-lji dzãsirã: “Cu tsi puteari li fats tini aesti lucri? Cai ts-u deadi aestã puteari tsi s-li fats aesti lucri?” 29Sh-Isus apãndisinda u dzãsi a lor: “Sh-mini va vã ntrebã tsiva. Apãndisits-nji sh-mini va vã-dzãc cã cu tsi puteari li fac aesti lucri. 30Pãtidzarea a Ioanului eara dit tser ama di la oaminji? Apãndisits-nji.” 31Elji ahurhirã s-minduea namisa di nãsh: “Ma s-dzãtsem ‘dit tser’, elu va s-dzãc: ‘Atumtsea cãtse voi nu lji-pistipsitã?’ 32Ma s-ljã dzãtsem ‘di la oamnjili…’” (elji aveau fricã di populu, cã tuts dzãtsea cã Ioanlu easti dealihea un prufit). 33Trã atsea apãndisinda, lji dzãsirã al Isus: “Nu lu-shtim.” Sh-Isus apãndisinda, u dzãsi a lor: “Sh-nits mini nu ma vã-dzãc cã cu tsi puteari li fac aesti lucri.”

Currently Selected:

Marc 11: BLRR

Highlight

Copy