Markosi Phrinzangpo 2

1Yang Jaqma khachigi Jukna Kho Kapernahumiang yang juks. Yang Kho khangma-a yod zere thsor. 2Yang dyana bangs khurika mi mangmo dyatsek zdamse malsa chikchigang zgoeka-ang malus, yang khos khonga sperao hagochuks. 3Yang khongis changgu chikchik mingga Jbjia khurchukse khoranga khyonged.

4Yang khonga mibongs mangmo yodchaos base khoe shitia yongma manyanmana khongis Kho Jukse yodsi thoqpo krols, yang do krolena changgu-u nyale yodkhan thingchaspo phyalla tangse phabs. 5Ni Yeshua khongi chhoslukspo ziksena changgu-ula moled : Wa phru, khyeri nyespaunla skyonzod songsed! 6Amma deka dukse yodkhan chhoszbrikhan kaṯo rangi snyingiang sams : 7Dyurus ḏinḏa chia zered ? Khos rshmunmo tabed Ashipa-a tsa-a mene nyespa-a sua skyonzod ba nyaned ? 8Yang dyana tho kh rika Yeshus rangi semsiangnuk khongunis rangi snyinuniang ḏinḏasamed zerchao rshtaḵẖspa base khongunla mols: Khyentes rangi snyinguniang ḏinḏaun chia samed ? 9Ltsamo chi in ? Changgu-wa khyori nyespaun skyonzod songsed zerchao ina ? Hana : Longs, yang rangi thingchaspo khure yang drul zerchao ina ? 10Ni, khyentanga Adami buthsaola serdongika nyespaun daqchukchi bashan yod zere … khos de changguwa moled. 11Ngas khyeranga zered : Longs, yang rangi thingchaspo khur yang rangi khangma-a song! 12Yang dyana bangs khurika kho langs, yang thingchaspo khure khongun saqi dunla bingse song. Dephya Jung mangmo rgyal, yang Ashipa-a stodkha base zes : Ona, ngacha-a ḏinḏa mana mathong!

13Yang kho yang bingse thsoo zurika skyods, yang mibongs Jung khoe shitia yongs, yang khos khongunla ltsabs. 14Yang kho skyoden yodtsana khoa Alphayosi buthsa Lewis shokral lenkhan malseka dukse thong, yang khoa moled: Ngi lza-a yong! Yang kho langsena khoe lza-a song. 15Yang ḏinḏek song : Kho khuri khangmaola sangma donma Juktsana shokral lenkhanun mangmo nang nyespachanun Yeshu nang khuri lzadrulbakhanun nanyambo zacha zen dukspin chiazorbana khong mangmo yodpin yang khoe lza-a songminsuk. 16Yang chhoszbrikhanun nang Pharisyapaunla khos nyespachanun nang shokral lenkhanun nanyambo sangma donen khonga thongmana khoe lzadrulbakhanunla zos: Khos na shokral lenkhanun nang nyespachanun nadrese zed yang thungoda ? 17Yang gosena Yoshus khonga mols : Ngadchanunla smanpa rgospamed, dobasang zirmo yongskhanunla rgosed ; nga khadrang yodkhanunla yong zorba yongskhan men dobasang nyespachanunla gyodluksiang yong zerba yongskhan in.

18Yang Yoannasi lzadrulbakhanun nang Pharisyapaun khastonga yodpin. Yang khongun yongs, yang khoa Jus: Yoannas nang Pharisyapi lzadrulbakhanun khastonga chia duged, amma yeri lzadrulbakhanun dukpa minduk. 19Yang Yeshus khonga mols : Nyopauhla baqpo khong nanyambo yodpana khastonga dukpa nyaneda ? Baqpo khong nanyambo yodyod thsaqpa khong khastonga dukpa nyanma med. 20Amma baqpo khongika phese khyerchi Jaqun hlebcha in, yang dyatsana khong khastonga dukcha in. 21Soma hlanma rshnyingma gonchika sus tsema med; tsemsna de soma hlanmaos rshnyingmikana chhaduk, yang thep mangmo chhaduk.

22Yang soma rgunchhang rshnyingma chhangrkyaliang susang tangmamed; tangsna chhangrkyalun rgunchhangika chhaqpa chhok, yang rgunchhang bose chhok yang chhangrkyalun Jikcha chhok; amma soma rgunchhang soma chhangrkyaliang tangcha yod.

23Yang ḏinḏek song: Kho dalmoe Jaqa kroe Jinguni phres skyods, yang khoe lzadrulbakhanunis lama drultsana snyegoun chadpa ryaḵẖs. 24Ni, Pharisyapaunis khoa Jus : Ziksang, khongis dalmoe, jaqa ba miḏodcha yodkhan chia bed ? 25Yang khos khongunla mols : Khyontos, Dawidis khorang nang rangi phropaunla rgosha chhatsana yang khong ltoqsen yodtsana chi basuk zere mana masilsa ? 26Kho gatsuk gowa kohonpo Abiathari dusiang Ashipi Khangmeang song, yang kohenunla tsa mene yang sua za dodpa medkhan Ashipi skali ṯakiun zos, yang rangi phropaunla-ang tangs ? 27Yang khos khonga mols : Dalbi Jaqpo mi-i phya rchoskhan inmin yang mi dalbi jaqi phya rchoskhan menmin.

28De phya Adami buthsao dalbi Jaqi ashipa-ang in.

Currently Selected:

Markosi Phrinzangpo 2: SOMA

Highlight

Copy