Mercos 16
16
2iyemet YASOU3
1W-lamma kholis el-sabt, shtaret Maryam el-Majdaliyye, w-Maryam emm Ya3koub, w-Saloma, 7nout la-yejo y7annto jesm YASOU3.
2Yawm el-a7ad, el-sob7, 3a tlou3 el-daw, ejo 3al-2abr.
3W-keno 3am bi2oulo la-ba3don: "min ra7 yda7rejelna el-7ajar 3an beb el-2abr?"
4W-lamma ettalla3o le2o el-7ajar mda7raj, w-ken ktir kbir.
5Feto 3al-2abr, w-shefo shabb 2e3id 3al-yameen, lebis tawb abyad, fa-khafo.
62allon: "ma tkhafo! Ento badkon YASOU3 el-Nassire el-masloub. Manno hon, li2anno 2am. W-hayda matra7 ma 7attouh.
7Rou7o w-2oulo la-tlemizo w-la-Boutros: Ra7 yesba2kon 3al-Jaleel, w-honik bitshoufouh metl ma 2allkon."
8Tel3o min el-2abr herbenin min ketrit el-7ire wel-khawf. W-ma khabbaro 7ada shi li2annon keno khayfin.
YASOU3 byezhar la-Maryam el-Majdaliyye
9[Min ba3d ma 2am YASOU3 el-a7ad el-sob7, zahar awwal shi 3ala Maryam el-Majdaliyye yalle sha7at minna sab3 shyateen.
10Ra7et w-khabbarit tlemizo, yalle keno 3am yebko,
11wa2et yalle sem3o enno 3ayish w-enna shefeto ma sadda2ouwa.
YASOU3 byezhar la-telmizen
12W-min ba3da zahar YASOU3 bi-shakl tene la-tnen min tlemizo henne w-3al-tari2 ray7in sawb el-reef.
13Rej3o khabbaro el-be2yin, w-ma sadda2ouwon.
YASOU3 byezhar la-Tlemizo el-7da3sh
14W-zahar ekher marra la-tlemizo el-7da3sh, henne w-3am yeklo, se3eta lemon 3ala 2ellit imenon w-2asewet 2loubon, li2annon ma sadda2o el-ashkhas yalle shefouh min ba3d ma 2am.
15W-2allon: "rou7o 3al-3alam, w-bashro bel-injil la-kell el-nes.
16Yalle bi2ãmen w-byet3ammad ra7 yle2e el-khalãs, w-yalle ma bi2ãmen bitrou7 3le.
17W-yalle bi2ãmno ra7 ykoun 3endon 3alemet: byesh7ato el-shyateen bi-esme, w-bye7ko bi-loughat jdide,
18w-byel2ato bi-2ideyon el-7ayyet. W-eza sherbo el-samm ma bimouto, w-bi7otto 2ideyon 3al-marda w-byeshfouwon."
Sou3oud YASOU3 lal-Sama
19W-min ba3d ma 7eke el-RAB YASOU3 tlemizo, toli3 3al-sama w-2a3ad 3an yameen ALLAH.
20Wel-tlemiz, ra7o ta-ybashro wayn ma ken, wel-RAB ken 3am bise3edon w-ythabbet kalemon bel-3ajeyeb].
Currently Selected:
Mercos 16: BB3arabe
Highlight
Share
Copy
Want to have your highlights saved across all your devices? Sign up or sign in
Lebanese.bible © 2024 Bible Society Lebanon
Bible Society street Bible Society Center Sed El Bouchryeh Beirut - Lebanon P.O.Box: 11-0747 Riad El Solh, Beirut 1107 2060, Lebanon
All Rights Reserved.
