साल्तेङ दिङगिल्का किताब नाल्पाका
किताब नाल्पाका
इदोइ “साल्तेङ दिङगिल्कालाइको काम” लुकाको लेखेका इतिहासको न्हे आसि रो लाङ आसिचाहिँ “लुकाको रेम्काबानाल” एइ। वाको रेम्काबानालता लुका इसु ख्रिस्टको बारेता लेखेका हिघाखे रो इदोइ “साल्तेङ दिङगिल्कालाइको काम” को किताबता वा बिसेस पातेङ इसुको चात्या रो पावलको कामको बारेता लेखेका हि।
पावल रोम (एलाको युरोप बारामुलुकको माहेँ आसिता हिका इटालि सारभिको राजधानि) ता हानेतेङ ताइको मुदाको फाइसाला र्हुम्तेङ हिघाखे। इङको पहर रोमता हेअ्मि मुल द्याङगेलाइ इदोइ नावा ख्रिस्टियान धरम हिसिका धरम एइ, हितासो ओल्हेहि दोअ्तेङ हिअ्दोङघाखे। इङकोखातिर ख्रिस्टियन धरम हेसापा ओल्हेहि, इसु हासु हि, वाको रेम्काबानाल हेसापा यरुसलेमसो रोमथिकापा थुकालि दो:हि दोअ्तेङ लुका इतिहास लेखेलि निधो पाहि। इदोइ इतिहास लेखेकान्हुअ्सो लुका “माननिय थियोफिलस” हेङ पिगिल्हि (लुका १:१-४; साल्तेङ दिङगिल्का १:१)।
पावल लुकाहेङ “मोन्दाताका बोइद्या लुका” दोअ्खे (कलस्सि ४:१४)। लुका माझानुहेँको सिरिया मुलुकको एन्टिओखिया दोअ्का पुरको द्याङ हिघाखे। पावल एन्टिओखियाता हिलाउ लुकाहेङ दुसुका हिघाखे। जेलाउ पावल रोमता हानेहि, एन्सालाउ लुका बुङ पावल दोफाङ हानेका हिघाहि (साल्तेङ दिङगिल्का (२७:१; २८:१६)।
ख्रिस्टियान मन्डलिको लामफरतिको बारेता लेखेन्हाका इदोइ किताबहेङ “साल्तेङ दिङगिल्कालाइको काम” दोअ्न्हाका हि, कालाउ इदोइ किताबहेङ “पुनित हाङसाको काम” बुङ दोअ्लि द्वाङ। हाइदोनु जेदोइ काम इङको साल्तेङ दिङगिल्कालाइ पाहि, इङको कामगेलाइ पुनित हाङसाको निगाह रो सरबङहोइ दोङ पान्हाका हिघाखे। द्याङगेलाइको बारेता खिनिङ माको कुलाउ इङको द्याङगेलाइको माझाता काम पातेङहिका पुनित हाङसाको बारेता बुङ इदोइ किताब लेखेन्हाका हि।
पोतोका बिसइ नामेसि
दासिको भाअ्सिङ त्यारि १:१-२६
(क) इसुको आखिर हुकुम रो कबोल १:१-१४
(ख) यहुदाको बादालाता साल्तेङ दिङगिल्का खामाल १:१५-२६
यरुसलेमता दासि २:१-८:३
यहुदिया रो सामरियाता दासि ८:४-१२:२५
पावलको पारचार १३:१-२८:३१
(क) लाङ पारचारता हानेका १३:१-१४:२८
(ख) यरुसलेमता जोम्का १५:१-३५
(ग) न्हे पारचारता हानेका १५:३६-१८:२२
(घ) सुम पारचारता हानेका १८:२३-२१:१६
(ङ) यरुसलेम, कैसरिया रो रोमता पावल थुना निङचाका २१:१७-२८:३१
Currently Selected:
साल्तेङ दिङगिल्का किताब नाल्पाका: DHIM
Highlight
Share
Copy
Want to have your highlights saved across all your devices? Sign up or sign in
© 2024 (Active), Wycliffe Bible Translators, Inc. All rights reserved.