साल्तेङ दिङगिल्का 6
6
न्हिअ्मि सेवापाकालाइहेङ साल्का
1इङको पहरता जेलाउ चात्यागेलाइको अङक बार्हितेङ हानेलाउ हिब्रुगेलाइको बिरुदता ग्रिक यहुदिगेलाइ कचकच पालितेङहि। हाइदोनु दिनाङ चाका चिज बाखाराइलाउ एम्बालाइको रान्दिगेलाइहेङ घाइपाङ चाका चिज मानिङघाखे। 2एन्सा जेङलाउ तेन्हे साल्तेङ दिङगिल्कालाइ चात्यागेलाइ झाराङहेङ काइतेङ दोअ्हि, “परमेस्वरको कथन पारचार पालि लाअ्तेङ चाका आम्का काथाता आवाइलि केलाइहेङ मानासिप माज्याङ। 3एन्साङ नेलाइको माझासो पुनित हाङसा, आकिलहोइ पोङघाका रो झाराङ मानेका न्हिअ्मि द्याङ साल्सु, जाइहेङ केलाइ इदोइ कामता भरना पाइने। 4कालाउ बुङ केलाइचाहिँ पुकार रो कथनको सेवाता गोताङ पहर प्याङ।”
5इदोइ काथा हुलको झाराङहेङ मोन्दाताहि, जोम्का झाराङहेङ रेम्नाङ गेहि, एम्बालाइ पुनित हाङसा रो खान्धुरहोइ पोङघाका स्तिफनस, फिलिप, प्रखरस, निकनोर, तिमोन, पर्मिनास रो एन्टिओखियाको यहुदि धरम मानेका निकोलाउसहेङ साल्हि। 6एम्बालाइ इदोइ द्याङगेलाइहेङ साल्तेङ दिङगिल्कालाइको आगाता चुमाहि। साल्तेङ दिङगिल्कालाइ पुकार पाहि रो एबालाइर्हुता ताइको खुर ताअ्हि।
7परमेस्वरको कथन बार्हेतेङ हानेहि रो चात्यागेलाइको अङक यरुसलेमता हेन्जाङ बार्हेहि। धामिगेलाइता हेन्जाङ इदोइ खान्धुरहेङ र्हुहि।
स्तिफनसहेङ रिम्का
8स्तिफनस सहसाम्पा रो सरबङ निङतेङ द्याङगेलाइको माझाता बाबारका सरबङ हिका काम रो चिनोगेलाइ पाहि। 9कुलाउ हेथे द्याङगेलाइ चाहिँ वाको बिरोध पालि तेङहि। एम्बालाइ कचहरिसाअ्को फुका हुलको द्याङगेलाइ कालाउ कुरेनि, अलेक्जेन्ड्रिया, किलिकिया रो एसियाको द्याङगेलाइ हिघाखे। एम्बालाइ झाराङ मिलितेङ स्तिफनसदोफा भनाभन पालि तेङहि। 10इङको जेदोङ आकिल रो हङससो धुइघाखे, एम्बालाइ वाको काथा पोलि मादोहि। 11कोलाउ एम्बालाइ सिपापा द्याङगेलाइहेङ तोल्हेतेङ एसा दोअ्लि लागाइहि, “मोसा रो परमेस्वरको खिलापता या बादनामि काथा धुइका केलाइ हिङन्हाहि।”
12एसापा एम्बालाइ राइति, बाराकचहरिता योम्का आगुवा रो धरम मास्टरगेलाइहेङ बुङ तोल्हेहि। एम्बालाइ स्तिफनसहेङ रिम्तेङ बाराकचहरिको आगाता चुमाहि। 13इङकोन्हुअ्सो एम्बालाइ एसा दोअ्का असत दासिगेलाइहेङ आगा सारेहि, “इदोइ द्याङ पुनित थामे रो नियमको खिलापता काथागेलाइ पालि मालाअ्खे। 14हाइदोनु या एसा दोअ्का केलाइ हिङन्हाहि, ‘नासरतको इसु इदोइ थानहेङ मुअ्पावा रो मोसा केलाइहेङ पिका चालचलन बुङ फेरेन्हा पाप्यावा।’”
15इङको पहर बाराकचहरिता योम्तेङ हिकालाइ झाराङ स्तिफनसहेङ खाङहि। वाको र्हाइ सादेलको काथा चुमाकाको र्हाइभाइपाङ चोहोचोहोका तिङहि।
Currently Selected:
साल्तेङ दिङगिल्का 6: DHIM
Highlight
Share
Copy
Want to have your highlights saved across all your devices? Sign up or sign in
© 2024 (Active), Wycliffe Bible Translators, Inc. All rights reserved.
