Mareka 6

1A tloha teng, a ya naheng ya habo; mme barutuwa ba hae ba mo latela.

2Eitse ha Sabatha e se e le Sabatha, a qala ho ruta ka tlung ya thapelo; Mme bohlale boo ke bofe boo a bo neilweng, ha e le moo mehlolo e kalo e etswa ka matsoho a hae?

3Na eo hase mmetli, mora Maria, ngwanabo Jakobo, le Jose, Juda, le Simone? le dikgaitsedi tsa hae na ha di na le rona mona? Mme ba ne ba kgopeha ke yena.

4Jesu a re ho bona: Moporofeta ha a hlomphuwe, haese naheng ya habo, le hara ba habo, le tlung ya hae.

5Mme ha a ka a kgona ho etsa mosebetsi o matla teng, haese ho bea matsoho hodima ba kulang ba seng bakae, mme a ba fodisa.

6Mme a hlollwa ke ho se dumele ha bona. A ya le metse le metsana, a ruta.

7Yaba o bitsa ba leshome le metso e mmedi, a qala ho ba roma ka bobedi le bobedi; a ba nea matla hodima meya e ditshila;

8A ba laela hore ba se ke ba nka letho la leeto, haese lere feela; leha e le mokotla, leha e le bohobe, leha e le chelete mekotleng ea bona;

9Empa le roale meqathatso; le se ke la apara diaparo tse pedi.

10A re ho bona: Hohle moo le kenang tlung, le dule teng ho fihlela le tloha teng.

11Mang le mang ya sa le amoheleng, leha e le ho le utlwa, mohla le tlohang teng, le hlohlore lerole le katlasa maoto a lona, e be bopaki ho bona. Kannete ke re ho lona: Ho tla ba bonolo ho Sodoma le Gomora ka letsatsi la kahlolo ho feta motse oo.

12Ba tswa, ba bolela hore batho ba bake.

13Ba leleka batemona ba bangata, ba tlotsa ba kulang ka oli, mme ba ba fodisa.

14Morena Heroda a utlwa taba tsa hae; (hobane lebitso la hae le ne le tumile) mme a re: Johanne Mokolobetsi o tsohile bafung, mme ke ka baka leo mesebetsi e matla e bonahalang ho yena.

15Ba bang ba re: Ke Elia. Ba bang ba re: Ke moporofeta, kapa o jwaloka e mong wa baporofeta.

16Empa Heroda ha a utlwa, a re: Ke Johanne, eo ke mo kgaotseng hlooho, o tsohile bafung.

17Hobane Heroda ka boeena o ne a romile hore a tshware Johanne, mme a mo tlama tjhankaneng ka baka la Herodiase, mosadi wa Filipi ngwanabo, kaha o ne a mo nyetse.

18Hobane Johanne o ne a itse ho Heroda: Ha o a dumellwa ho nka mosadi wa ngwaneno.

19Ka baka leo, Herodiase a mo soma, a rata ho mmolaya; empa a sitwa:

20Hobane Heroda o ne a tshaba Johanne, a tseba hobane ke monna ya lokileng, ya halalelang, mme a mo boloka mme ha a mo utlwa, a etsa tse ngata, a mo utlwa ka thabo.

21Eitse ha letsatsi le loketseng le fihla, leo ka lona Heroda a etsetsang mahosana a hae, le balaodi ba mabotho, le baholo ba Galelea mokete wa tswalo ya hae;

22Yare ha moradi wa Herodiase a kena, a tjeka, mme a kgahlisa Heroda le ba dutseng le yena, morena a re ho morwetsana: Nkope seo o se batlang, mme ke tla o fa sona.

23A mo hlapanyetsa, a re: Tsohle tseo o di kopang ho nna, ke tla o nea tsona, ho isa halofong ya mmuso wa ka.

24A tloha, a re ho mmae: Ke kopa eng? Mme are, Hlooho ya Johanne Mokolobetsi.

25A phakisa a kena ho morena, a kopa, a re: Ke rata hore o nnee hona jwale ka mokeke hlooho ya Johanne Mokolobetsi.

26Morena a swaba haholo; leha ho le jwalo, ka baka la kano ya hae, le ka baka la ba dutseng le yena, ha a ka a hana ho mo lahla.

27Yaba morena hanghang a romela molebedi, a laela hore hlooho ya hae e tliswe;

28A tlisa hlooho ya hae ka mokeke, a e nea morwetsana, mme morwetsana a e nea mmae.

29Eitse ha barutuwa ba hae ba utlwa, ba tla, ba nka setopo sa hae, ba se kenya lebitleng.

30Baapostola ba phuthehela ho Jesu, ba mmolella tsohle tseo ba di entseng, le tseo ba di rutileng.

31A re ho bona: “Tloong, lona le nnotshi nqalong e se nang batho, le phomole hanyenyane;

32Yaba ba tloha ka sekepe, ba ya sebakeng se lehwatata boinotshing.

33Letshwele la ba bona ha ba tloha, mme ba bangata ba mo tseba, mme ba mathela teng ka maoto, ba etswa metseng yohle, ba ba etella pele, ba phuthehela ho yena.

34Eitse ha Jesu a etswa, a bona letshwelehadi, a le utlwela bohloko, hobane le ne le le jwaloka dinku tse se nang modisa; mme a qala ho le ruta ditaba tse ngata.

35Yare ha letsatsi le se le ile, barutuwa ba hae ba tla ho yena, ba re: “Felo mona ke lehwatata, mme nako e se e ile.

36Ba lese hore ba ye naheng e mathoko le metsaneng e ka mathoko, ba ithekele bohobe; hobane ha ba na seo ba ka se jang.

37A araba, a re ho bona: Ba feng ke lona. Ba re ho yena: Hleka re ye ho reka mahobe ka disente tse makgolo a mabedi, re ba fe ho ja na?

38A re ho bona: Le na le mahobe a makae? tsamaya o bone. Yare ha ba tseba, ba re: Tse hlano, le ditlhapi tse pedi.

39A ba a ba laela hore bohle ba dule ka makgotla hodima jwang bo botala.

40Ba dula dihlopha tsa ba lekgolo le tsa ba mashome a mahlano.

41Eitse hobane a nke mahobe a mahlano le dihlapi tse pedi, a lelala lehodimong, a boka, a ngwatha mahobe, a a nea barutuwa ba hae, hore ba a behele batho; le dihlapi tse pedi a di arolela bohle.

42Ba ja bohle, ba kgora.

43Mme ba nka diroto tse leshome le metso e mmedi tse tletseng dingwathwana, le tsa dihlapi.

44Ba jeleng dinkgwa e ne e ka ba banna ba dikete tse hlano.

45A phakisa a laela barutuwa ba hae hore ba kene sekepaneng, ba etelle pele mose wane ho ya fihla Bethsaida, ha yena a ntse a phatlalatsa bongata.

46Eitse hobane a ba phatlalatse, a tloha a ya thabeng ho ya rapela.

47Eitse ha e se e le mantsiboya, sekepe se ne se le hara lewatle, yena a le mong lefatsheng.

48A ba bona ba sehla ka thata ho sokang; gonne phefo e ne e le kgatlhanong le bone;

49Empa ha ba mmona a tsamaya hodima lewatle, ba lekanya hore ke seriti, mme ba howa.

50Hobane bohle ba mmona, mme ba tshoha. A phakisa a bua le bona, a re ho bona: Betang dipelo; se tshoheng.

51Yaba o nyolohela ho bona sekepeng; mme moya wa kokobela: mme ba hlollwa haholo ka ho bona ka ho fetisisa, mme ba makala.

52Hobane ba ne ba sa ka ba lemoha mohlolo wa mahobe, kahobane dipelo tsa bona di ne di thatafetse.

53Eitse hobane ba tshelele mose wane, ba fihla naheng ya Genesareta, mme ba emisa lebopong la lewatle.

54Eitse hobane ba tswe sekepeng, ba phakisa ba mo tseba.

55Ba matha le naha eo yohle, ba qala ho jara ba kulang ka diphate, ba ba isa moo ba utlwang hore o teng.

56Hohle moo a neng a kena teng, metsaneng, kapa metseng, leha e le masimong, ba bea ba kulang diterateng, ba mo kopa hore ba ame feela mophetho wa seaparo sa hae; mme bohle ba mo amang ba fola.

Currently Selected:

Mareka 6: CSOB24

Highlight

Copy