Luka 1
1
Etteri ono Awaraga
1Jyo illaŋ Tiopilo:
Owoni egyorok arryai hul igyoroni’to erre hunya ihanie ihiji hohoi, 2bwo fe igyoroni isi erre huna ihwa iramani aati hul igonyuni’to t’etteri hul arai ahettiyanak ikyanita. 3Oyyu bwo fe jihoŋ igyoroniere erre huna jihoi, illaŋ ol oyyu, Tiopilo, nyo attifya nya ni erre huna many beryen. 4Egyoro ni jihoi jo oŋida iye imijak jo nerre hunya ittiyenie jihoi arai ahode.
Ekiluna ono Esiuna Yoane Batista
5To oŋitek huno Erode hobu olo Yudea owon nya obo ehumani afure honyi Sakaria otto woyo ba Abaija. Owon nya inyi iko aŋotte honyi an ara’to otto woyo ba Arone, afure honyi Elisabeta. 6Olibori nya isi ihosyere Hollum bwo fe adahai te efahita huno Hollum daŋ, bwo obeŋ obo epali. 7Ati obeŋi nya bu isi owoni iko obo leito nyo iholofi Elisabeta bwo fe imarwahi isi.
8Ninya ofwonni oŋitek hun isyoryere Sakaria ehumita jyo Hollum ihwa ihanie oŋitek daŋ, 9te emohiti huno laati ehumak, ottu noloŋ on ojiŋaniere inyi ihaji imojit eneittok ono Hobu iswahiniere ottogoŋ. 10Omojoi nya eluluŋ wati hul olwaji ilet ta asaa on oswahinierek ottogoŋ. 11Attati anjelo olo Hobu leyo jyo Sakaria ol owotya ta aŋati iŋet ono etityek on oswahinierek ottogoŋ. 12Idyaŋa ataji Sakaria bebe al igonyu inyi anjelo ette baŋi bebe. 13Ati ojo anjelo jihonyi, Sakaria, hebaŋ, nyo itaniŋu Hollum amojo hoi, bwo fe isiu adi ŋorwoi hoi Elisabeta leito bwo ifurak adi iye inyi Yoane.
14Iwon adi iye iko netahabuyo iko amuno,
Bwo fe olwaji adi laati hul omunoi’to liholoŋ an isiunierek inyi.
15Ara adi inyi atulo eleittok ihomon Hobu.
Obeŋ adi inyi amata abalu kuyya erre omuk hun ayafutai’to.
Hesiuni inyi ifut adi inyi iko Oloyiri ol Olibo.
16Iloit adi inyi laati Israele arryai jyo Hobu Hollum hosi.
17Olo adi inyi ihosyere Hollum to oloyiri iko ta adwaran ihwa ono Elija,
Iloicere atajya monyye jyo onyirok hosi.
Bwo fe iloit adi inyi hul omesye’to jyo nelofyoro ono abisak,
Ihuhumyere atajya wati to Hobu.
18Ojo Sakaria jyo anjelo, ?Aŋai adi amijak ni ana, nyo emarwak ni bwo fe ŋorwoi hoŋ imarwak? 19Ojo anjelo jihonyi, Ani Gabriele. Awotya ni ihosyere Hollum al ifahu’to ani ikyanari jihoi asayyo hun oyiji’to huna. 20Ihwania ogoro adi ogolok hoi bwo ibeŋ adi iye ikyana many oloŋ an idwoŋorik nerre huna, nyo ibeŋ iye iruk nekyanita hoŋ hun ofwonni adi rahan ahode to nasaa nya. 21Itilai nya aati Sakaria attati isi illilliha te elliŋya honyi ihaji imojit eneittok. 22Ninya attu inyi alet, obeŋ inyi oremik ikyana jihosi, attati isi mijana jo igonyu inyi omuk erre ihwa arigya to haji ania. Bwo ihuhuta inyi jihosi ta ahas nyo ittallik inyi ikyana. 23Al isid asaa an igyamari inyi acaharo inyi imiji hosi.
24Ihalu oŋitek huna oyedu ŋorwoi honyi Elisabeta bwo fe ta ayafajin miet idimak inyi ahwan honyi bwo fe ojo, 25Ihanio Hollum erre huna bwo fe ihwania iya inyi ariri hoŋ t’ehiji wati addi.
Ekiluna ono Esiuna Yesu
26Ihalu ayafajin ille ifahu Hollum anjelo Gabriele imiji Galilea an anya Nasaret, 27jyo nobo odwoti on obeŋ’to ottironie iko obo alle on ocorok alle iyamari inyi, afure lya Yosefo. Ara odwoti otto woyo ba Davide bwo anya afure honyi Maria. 28Ottu anjelo jihonyi ette jaran jihonyi, Moŋ, iye an iyyu’to owon Hobu ikoye. 29Ati abaŋ inyi bebe te ekyana ana ette igigilo ta awoyo hiram ono efonyo ana. 30Ojo anjelo jihonyi, Maria, hebaŋ, nyo iyyu iye bwo omuno Hollum iye. 31Iyedu adi iye ette isiuna leito bwo ifurak adi iye inyi Yesu.
32Agalik adi inyi daŋ bwo iloŋoi adi inyi Lonyi lya al agalik’to daŋ.
Isyo adi Hobu Hollum jihonyi aseger ono monyonyi Davide.
33Ette inyi ilohobu lihaji Yakobo tulaŋ,
Bwo fe obeŋ adi nesidi lobye honyi.
34Ojo Maria jyo anjelo, ?Aŋai adi oremehini erre huna, nyo obeŋ ani ’le? 35Attati anjelo jaran jihonyi,
Ottu adi Oloyiri ol Olibo jihoi,
Bwo fe idisok adi adwaran ono Hollum iye.
Tania ifurani adi eito ol olibo’to al isiu adi iye,
Lonyi Hollum.
36Bwo fe ayedu soni hoi Elisabeta an imarwak’to leito. Iloŋoi nya inyi eholofi ati ihwania arai ayafajin honyi ille. 37Nyo obeŋi omuk nerre hun ogoli’to agalihini Hollum ’tuŋ. 38Attati Maria jaran jihonyi, Ani apit ono Hobu. Ijara hetehaniehe jihoŋ ihwa ikyana iye. Attati anjelo leten.
Aleten Maria Imijyere Elisabeta
39To oŋitek hwa odyoto Maria ette leten kwak liŋati doŋyok jyo obo amiji lifau ono Yudea. 40Ette jiŋana lihaji Sakaria ette ifony Elisabeta. 41Inya itaniŋu Elisabeta nefonyo Maria ette leito ididyaŋa ’totwa honyi, ette Elisabeta ifut iko Oloyiri ol Olibo, 42bwo fe ette inyi ikyana on okwat ojo, Hotomunohi iye lihiji ŋorwo. Hotomunohi leito otto hohe hoi. 43?Nyo ati idwoŋ eram ana jihoŋ jo oŋida honye Hobu hoŋ ottu jihoŋ? 44Nyo odwo etaniŋuniere ni nefonyo hoi ette leito ottotwa hoŋ ididyaŋa ta amuno. 45Hotomunohi nya an iruk’to jo idwoŋi adi erre hun iramak Hobu inyi ahode.
Etahabuyo Maria Hollum
46Attati Maria jaran,
Itahabuyo ataji hoŋ Hobu,
47Bwo fe omuno oloyiri hoŋ Hollum Etalahani hoŋ.
48Nyo igonyu inyi afyahaji hwan ono egyamani honyi.
Tania iloŋoi adi aati daŋ ani ahamunoni Hollum.
49Nyo ihanio lya al agalik’to daŋ erre hun obolori’to toni,
Bwo fe olibo afure honyi.
50Owon amehino honyi jyo hya hul abaŋi’to inyi
Iko lonyirok lonyok hul hobeŋi isiuni.
51Itahutak inyi agolon ta naani honyi
Bwo itisarrahi inyi etadarak iko egigilita hosi.
52Itusuru inyi hobwok hul ittaha’to imasik hosi,
Bwo itadet aati hinya ofyahaji’to.
53Itufutak inyi aati hul oniamai’to te erre hun oyiji’to,
Bwo ifuha inyi abarak addi ahania.
54Olwak inyi egyamani honyi Israele
Bwo fe obeŋ inyi itapwak ecoriti hunya acorok inyi jyo hohonyok hohoi.
55Omehita inyi jyo Abramo
Iko jyo lonyirok honyi tulaŋ.
56Arasa Maria iko Elisabeta ta ayafajin hunihoi many ocohuniere inyi limaji hosi.
Esiuna ono Yoane Batista
57Tania ette nasaa ’tuna an isyori Elisabeta, ette inyi isiuna leito ’le. 58Attati aati hutta haŋ hosi iko hutto onyihari itaniŋuna jo itahutak Hobu amehino honyi jihonyi ette isi muno ikonyi. 59Attati oloŋ itahottohunihi ’tuna on oŋocerek#1:59 aŋoto hwanAra ana efahi ninya isyo Hollum jyo Abramo jo oŋida isi obosye lonyirok hosi. isi leito ette isi jaran, Efurak inyi Sakaria, ihwa monyonyi. 60Ati ojo honyonyi, Obeŋ, oŋida ifurani inyi Yoane. 61Attati isi jaran jihonyi, Obeŋ obo atta haŋ hatai anya Yoane. 62Ette isi ihanio etahutita jyo monyonyi imijaniere jo ifurani adi inyi ŋai. 63Attati inyi mojuna egyeri jihosi ette igyoronia, Afure honyi Yoane. Tania illillihai isi daŋ bebe. 64Kwak ette aŋadyef Sakaria ikyana attati inyi itteryo itahabuyo Hollum. 65Teyya ette abaŋi wanan jyo aati hutta haŋ hosi, bwo aati daŋ hutto misihi hutto doŋyok ette ikyanari erre hunia daŋ ifau Yudea. 66Bwo fe ihanani nya hul itaniŋuni’to daŋ ekyanita huna itajya hosi ette jaran, ?Ara ’tadi leito olo ŋai? Nyo owon aani Hobu jihonyi.
Ekiluna ono Sakaria
67Ifut nya monyonyi Sakaria iko Oloyiri ol Olibo bwo fe ette ikiluna ojo,
68Hotohwo Hobu, Hollum olo Israele
Nyo ottu inyi mijo ette italahuna aati honyi.
69Bwo fe itadet inyi Etalahani ol obolo’to tohohoi,
Inyi otto woyo ba Davide egyamani honyi,
70Ihwa ikyana nya inyi beryen lihutuhe heyak sayyo honyi hul olibori’to.
71Ojo inyi jo, Italwahuni adi hohoi to myorok hohoi,
Iko to dwaran hya hul oliwarik’to hohoi.
72Omehino inyi jyo hohonyok hohoi
Bwo fe ogotyere inyi ecoriti honyi hun olibori.
73Ocorok inyi necorit jyo hohonyi hohoi Abramo,
74On ojo italwahu adi inyi hohoi to has myorok,
Ette hohoi igyama jihonyi ta abyaŋan baŋi
75Bwo fe itoŋori awati hul obisi ihosyere honyi
To oŋitek daŋ hun eswori hohoi.
76Leito hoŋ, iloŋoi adi iye aheyani sayyo olo lya al agalik’to daŋ,
Nyo ikyomoro adi iye ahosyere Hobu
Ihuhumyere nekoi honyi.
77Bwo fe iramak adi iye laati honyi jo
Italahuni adi isi ta ahohina ono neyyata hosi.
78Nyo obolo amehino ono Hollum
An idwoŋ’to jihohoi t’edou an ara afaŋan
79Itafaŋyere hya hul itoŋoi’to idumele iko imaji an ara’to ihwa abali ono naye
Ette rihoro ejek hohoi te ekoi ono nelik tajya.
80Oboboloro leito alya bwo fe ette golon to oloyiri, bwo fe owon nya inyi limur many oloŋ an italeyehinierek inyi jyo Israele.
Currently Selected:
Luka 1: LOT1969
Highlight
Share
Copy
Want to have your highlights saved across all your devices? Sign up or sign in
This text was originally published by the British and Foreign Bible Society in 1969.
