Yoane 7
7
Abyaŋan Illarak Yesu Iruhi
1Ihalu erre huna iddiddaha Yesu itwa misik huno Galilea. Obeŋ inyi awak adaha imisik Yudea nyo awahi Yudea ’tohoro inyi. 2Ihwania ilyaha eyom ono Yudea, inyi eyom ono asik. 3Ojori illarak honyi jihonyi, Heduhati tene efwo Yudea, jo oŋida leyiyanak hoi igonyuni egyama an ihanio iye. 4Nyo obeŋ obo atulo idimak erre hun ihanio inyi, al awak inyi laati omijani inyi. Al ihanio iye etamijanita, itahutak ahwan hoi jyo aati. 5Nyo ara dwo bu illarak honyi obeŋi iruhi jihonyi. 6Itarraŋ Yesu jihosi, Hobeŋ asaa hoŋ ottu ati ara asaa hatai ihwania. 7Obeŋi aati itai oswarik ati oswarik ani, nyo eramyo ni etamijanita jihosi jo orrohoji ehanita hosi. 8Ifwatta iyom ta ahwattek hatai. Habeŋ ni alo jyo eyom ania nyo hobeŋ asaa hoŋ ottu. 9Ikyana inyi erre huna ette inyi rasa Galilea.
Aleten Yesu Iyom Yerusalem
10Ihalu afwoi illarak honyi eyom ette inyi leten bwo fe, ati obeŋ aleten honyi oleyo ihomomite wati. 11Ottifyai Yudea inyi to maji ono eyom ania ette ifiyo ojori, ?Tali inyi? 12Omwaŋai eluluŋ wati inyi bebe. Ojori omuk, Oyyu atulo alya. Bwo omuk ojori, Obeŋ, itipalyo inyi laati. 13Obeŋ obo ikyana on okwat to Yesu nyo abaŋi isi Yudea.
14Ati al ara ehiji ono neyom olo Yesu ihaji imojit eneittok ittiyeniere. 15Illillihai Yudea ojori, ?Aŋai omijak atulo olo egyerita huno Hollum bwo hobeŋ iyiyana? 16Itarraŋ Yesu jihosi ojo, Ettiyenio hoŋ obeŋ ara onoŋ ati ara ono lya al ifahu’to ani. 17Al awak obo ihanio awahan ono Hollum, omijak adi inyi jo, arai ettiyenita hoŋ ahuno Hollum kuyya ani ekyana ta ahwan hoŋ. 18Al ikyana’to ta ahwan honyi ottifya inyi etahwo honyi. Ati atulo ol ottifya’to etahwo jyo alya al ifahu’to inyi ikyana inyi ahode, bwo fe obeŋ inyi inyobyo. 19?Obeŋ nya Mose isyo itai efahita? Ati obeŋ obo alatai ifaha efahita. ?Nyo iwahata tai ’tohoro ani? 20Itarraŋi neluluŋ ojori, Iwon iye iko ajok on orroho. ?Ŋai iye ejo ettoho? 21Itarraŋ Yesu jihosi ojo, Ehanio nya ni obo ariŋ ittata tai daŋ illilliha. 22Ikemijata, isyo nya Mose jihatai aŋoto#7:22 aŋotoAra ana efahi ninya isyo Hollum jyo Abramo jo oŋida isi obosye lonyirok hosi. ati obeŋ ara Mose itteryo, hohonyok hatai nya itterye. Bwo imohina tai ŋoco leito dwadi to oloŋ sabato. 23Kuyya ifwotu leito aŋoto to sabato jo oŋida efahi Mose obeŋ opwak, ?nyo iloŋojitati tai jihoŋ te etaŋidaryo hoŋ atulo to noloŋ sabato? 24Heŋocete hebyaŋata tai imijana awoyo hiram, ati oŋototo on obis.
?Inyi Alya Kristo?
25Tania ojori omuk hulo Yerusalem jo, ?Obyaŋara atulo olo ol ojori ottohori? 26Ikemijyete, ikyana inyi oŋerejai bwo tulo obeŋ ikyana jihonyi. ?Omijani adi eleittaha jo inyi alya Kristo? 27Emijak hohoi tai ottu atulo olo ati al ottu Kristo obeŋ adi tulo omijak tai ottu inyi. 28Tania itakwat Yesu nekyana al ittiyenio inyi itwa haji imojit eneittok ojo, Itai, imijana tai ani bwo fe tai attu ni. Ati abeŋ ni attu ta ahwan hoŋ. Lya al ifahu’to ani inyi elahode bwo fe ibyaŋata tai imijana inyi. 29Ati amijak ni inyi nyo attu ni jihonyi bwo ifahu inyi ani. 30Ottifyatye isi inyi inefuniere ati obeŋ tulo ottirok ahas jihonyi nyo hobeŋi oŋitek honyi ottubai. 31Ati iruhi hutteluluŋ arryai jihonyi bwo ojori, ?Al attu Kristo ihanio adi inyi etamijanita agalihini huno atulo olo?
Awahan Farisei Inefuna Yesu
32Ikikyanai eluluŋi wati te ehanita Yesu ette Farisei itaniŋuna, tania ifahini eleittaha iko Farisei surukali inefuniere inyi. 33Attati Yesu jaran jihosi, Harasa ni wanan ikatai kai bwo alo adi ni jyo lya al ifahu’to ani. 34Ittifyati adi itai ani bwo ibyaŋata adi itai irumana ani. Jyo amaji an alari ni ibyaŋata adi itai ifwanna. 35Ikikyanai Yudea ta ahwattek hosi ojori, ?Aja ojo atulo olo alo inyi jo oŋida hohoi ebeŋ erumak inyi? ?Olo ’tadi inyi jyo laati hohoi hul isarrahini’to huttehiji paganohyen bwo fe ittiyeniere laati Grik? 36Ojo inyi jo, Ittifyati adi itai ani bwo ibyaŋata adi itai irumana ani, bwo fe, Jo amaji an alari ni ibyaŋata adi itai ifwanna. ?Anyo ati nekyanita huna?
Aari Huno Nesu
37To oloŋ eneittok on otuhuniere eyom, owotya Yesu bwo ikyana on okwat ojo, Kuyya ibwoto obo atulo ijara hettu jihoŋ imatari. 38Ihwa igyoroni igyerita jo, “Totwa alya al iruk’to jihoŋ, odulori aari hun isui’to ŋettyo.” 39Ojo inyi ana to Oloyiri ol Olibo al ifwotuni adi eruhok. Nyo hobeŋi nya bu inyi isyarani Oloyiri ol Olibo nyo hobeŋ Yesu ifwotu etahwo honyi.
Abwanya ono Eluluŋ Wati
40Omuk hutteluluŋ hul itaniŋye’to ekyanita huna ojori, Ahode atulo alya inyi eyani sayyo. 41Bwo omuk ojori, Inyi Kristo. Ati ojori omuk, ?Ottu Kristo to Galilea? 42Ojori egyerita jo, “Odetuno adi Kristo to woyo Davide to miji ono Betlehem inya amanyari Davide.” 43Tania owon abwanya ihiji wati tenyi. 44Awahi omuk hulosi inefuna inyi ati obeŋ tulo ottir inyi.
Hobeŋ Tulo Ikyana Ihwa Atulo Alya
45Tania ette surukali caharu jyo eleittaha iko Farisei. Ifiye isi surukali ojori, ?Nyo ibyaŋata tai iyaŋuniete inyi? 46Itarraŋi surukali ojori, Hobeŋ tulo ikyana ihwa atulo lya. 47Itarraŋi Farisei jihosi ojori, ?Itai bwo fe, linyob bwo fe inyi itai? 48?Iruhi omuk eleittaha iko hulo Farisei jihonyi? 49Ati eluluŋ wati hulya obeŋi omijani efahita tania iha Hollum isi. 50Obo olosi Nikodemo linya olo’to mijo Yesu, ojo jihosi, 51?Oremehini efahita hohoi iŋot atulo ahosyere hobeŋi ekyanita honyi itaniŋunie bwo fe hebeŋ emijak anyo an ehan inyi? 52Itarraŋi isi jihonyi, ?Iye ta ahwan hoi, ira iye olo Galilea? Ottifyai bwo fe ilo imijye, hobeŋ obo eyani sayyo ottu to Galilea.
Aŋotte On Orumani Oroto
53Tania ofwoi aati daŋ ihaŋitek hosi.
Currently Selected:
Yoane 7: LOT1969
Highlight
Share
Copy
Want to have your highlights saved across all your devices? Sign up or sign in
This text was originally published by the British and Foreign Bible Society in 1969.
