Zakarià Sava lalana
Sava lalana
–Ny bokin’i Zakarià dia azo antsoina hoe ny bokin’ny fanantenana. Asehony amintsika manokana ny fomba nampisoritra sy nampisongadina miandalana ny fanantenàn’ny Israelita.
Mizara roa miavaka tsara io boky io.
Ny fizaràna voalohany (toko 1–8) dia misy ireo faminaniana niseho tany amin’ny taona 520 ka hatramin’ny 518 tal J.K. ary noho izany dia nambaran’olona niara-belona tamin’ny mpaminany Hagay. Ireo faminaniana ireo matetika dia manana endrika tantaram-pahitana. Ambarany fa ny fanorenana indray ny tempoly sy ny fanarenana an’i Jerosalema amin’ny maha ivotoerana azy no manamarika ny fidirana amin’ny vanim-potoana iray vaovao. Mba hanokatra izany indrindra no nifidianan’Andriamanitra ny governora Zerobabela ary ny mpisorombe Josoa.
–Tsikelikely ny fanantenàn’i Israely dia hifantoka tanteraka amin’ny fiandrasana ny fotoana izay hanjakan’Andriamanitra amin’ny tany manontolo. Izany fanantenana izany koa anefa dia mifamatotra amin’ny asan’ny olona anankiray voafidin’Andriamanitra.
Ny fizaràna faharoa amin’ny bokin’i Zakarià (toko 9–10), izay voasoratra taoriana kokoa noho ny fizaràna voalohany, dia mbola manamafy ireo foto-javatra roa ireo. Manome filazalazana manokana momba ilay hampijoro ny fanjakan’Andriamanitra izy amin’ny fanehoana azy mifandimby ho mpanjaka malemy fanahy sy mpandresy ary koa ho mpiandry na koa ho iraka hovonoina. Ireo mpanoratra ny Vaovao Mahafaly dia nandray ireo toetra ireo mba hanehoana kosa ny tenan’i Jesoa sy ny iraka nampanaovina Azy, indrindra ao amin’ireo tantaran’ny fahafatesany (jereo Mt 21.4-5; 26.31; Mk 14.27; Jôh 19.37).
Currently Selected:
Zakarià Sava lalana: DIEMDC
Highlight
Share
Copy
Want to have your highlights saved across all your devices? Sign up or sign in
Dikanteny Iombonana Eto Madagasikara © Malagasy Bible Society, 2004.