Zakarià 14
14
Ny ady farany sy ny fahatongavan’ny Tompo
1Indro akaiky ny andron’ny Tompo#14.1 Ny andron’ny Tompo: jereo Jl 1.15 sy nta..
Ka eo imasonareo, ry mponin’i Jerosalema,
no hifampizaràn’ny hafa ny fanananareo.
2Ary hangonin’ny Tompo ny firenen-drehetra
hamely an’i Jerosalema;
dia azon’ireo ny tanàna,
ka horobainy ny trano
ary hanaovany an-keriny ny vehivavy;
ny antsasaky ny mponina dia ho lasan-ko babo
fa ny vahoaka sisa kosa ho afa-mijanona ao an-tanàna.
3Dia hiainga hiady amin’ireny firenena ireny ny Tompo,
ka hiady toy izay fanaony amin’ny andro fiadiana.
4Amin’izany andro izany Izy dia hitsangana
eo amin’ny tendrombohitra Analanôliva
izay eo atsinanan’i Jerosalema.
Ary hitresaka roa ny tendrombohitra Analanôliva
ka hisy lohasaha lehibe iray hiseho eo afovoany,
manomboka avy any atsinanana no miankandrefana;
ny antsasaky ny tendrombohitra
dia hifindra hianavaratra,
fa ny antsasany kosa hianatsimo.
5Dia io lohasaha nampivaky tendrombohitra io
no lalana handosiranareo,
satria hipaka hatrany Atsala#14.5 Atsala: toerana tsy voafaritra, angamba ao atsinanana na atsimo atsinanan’i Jerosalema. izany.
Eny, handositra ianareo,
dia tahaka ny razanareo
nandositra ny horohorontany
tamin’ny andron’i Hozià mpanjakan’i Joda.
Ary ho avy ny Tompo Andriamanitro
miaraka amin’ireo anjeliny rehetra.
6Amin’izany andro izany
dia tsy hilaina intsony
ny fahazavan’ny masoandro;
tsy hisy intsony koa na ny hatsiaka na ny fanala.
7Dia ho andro fahizay lalandava;
ka tsy hisy andro sy alina miavaka intsony,
fa hazava hatrany na dia ny alina aza.
Ary ny Tompo irery no mahalala
ny fotoana hisehoan’izany.
8Ary amin’izany andro izany
dia hisy loharano hifantsitsitra
mandavantaona avy ao Jerosalema;
ka ny antsasany hivarina any amin’ny Ranomasina Maty
ary ny antsasany any amin’ny Ranomasina Mediteranea.
9Amin’izany andro izany ny Tompo
dia hanjaka amin’ny tany manontolo.
Izy irery ihany no Andriamanitra hivavahana,
ary ny anarany irery no hoeken’ny olon-drehetra.
10Hovana lemaka ny faritra manontolo
manodidina an’i Jerosalema,
manomboka any Gebà any avaratra
ka hatrany Rimôna any atsimo.
I Jerosalema dia hisandratra
ambonin’ireo tany manodidina azy;
ary ny tanàna dia hitatra
manomboka eo amin’ny vavahadin’i Benjamîna
ka hatramin’ny vavahadin-joro,
dia eo amin’ny toeran’ny vavahady tranainy,
ary koa manomboka eo amin’ny tilikambon’i Hananehela
ka hatramin’ireo famiazam-boaloboky ny mpanjaka#14.10 ny vavahadin’i Benjamîna: eo amin’ny lafy avaratry ny manda. –ny vavahadin-joro: ao amin’ny manda andrefan-tanàna. –ny tilikambon’i Hananehela: ao avaratr’atsinanan’ny tanàna. –famiazam-boaloboky ny mpanjaka: tokony ho ao amin’ny «zaridainan’ny mpanjaka» (2 Mp 25.4), izany hoe ao atsimo atsinanan’ny tanàna..
11Ho azo ipetrahana fahizay ao an-tanàna,
fa tsy hisy intsony ny fandravana azy;
ary dia handry fahalemana i Jerosalema.
12Ary izao no aretim-be hamelezan’ny Tompo
ny firenen-drehetra izay niady tamin’i Jerosalema:
ho simba nofo dieny mbola velona ny olona,
ho levona ho azy ao amin’ny fitoerany ny masony,
ho tahaka izany koa ny lela ao am-bavany.
13Amin’izany andro izany dia hasian’ny Tompo
fifanjevoana tsy hifankahitana ao aminy,
fa samy hanainga tanana hifamely izy.
14Ny lehilahin’i Joda hiady mba hiaro an’i Jerosalema,
ary haka ny haren’ny firenena rehetra manodidina:
koa dia hangoniny ny volamena sy ny volafotsy
mbamin’ireo fitafiana marobe.
15Ary hisy aretim-be toy izany koa
hamely ny biby rehetra ao an-tobim-pahavalo,
dia ny soavaly sy ny ampondra
ary ny rameva sy ny boriky
mbamin’ny biby fiompy hafa rehetra ao#14.15 Jereo and 12..
16Amin’izany andro izany, ny sisa amin’ireo firenena,
izay niady tamin’i Jerosalema,
dia hiakatra isan-taona ao amin’io tanàna io
hiankohoka eo anatrehan’ilay Mpanjaka,
izany hoe ny Tompon’izao rehetra izao,
ary koa hankalaza ny fetin’ny Tranotomboka#14.16 fetin’ny Tranotomboka: jereo ny FTS amin’ny voambolana hoe FANISANANDRO..
17Raha misy firenena amin’ny tany
tsy mety hiakatra any Jerosalema
mba hiankohoka eo anatrehan’ilay Mpanjaka,
izany hoe ny Tompon’izao rehetra izao,
dia tsy mba hisy orana hilatsaka eo amin’ny taniny.
18Ary raha ny firenen’i Ejipta kosa
no tsy tonga miakatra ao Jerosalema
mba hankalaza ny fetin’ny Tranotomboka,
dia tsy hisy koa ranonorana hilatsaka any aminy
sady hanjo azy ny areti-mandoza
izay namelezan’ny Tompo ireo firenena
izay tsy niakatra nankalaza io fety io.
19Izany no hanasaziana an’i Ejipta
sy ny firenena hafa rehetra
tsy mba hankalaza ny fetin’ny Tranotomboka.
20Amin’izany andro izany,
na dia ny lakolosin-tsoavaly aza
dia hisy soratra hoe: «Voatokana ho an’ny Tompo».
Ny vilany tsotra ao amin’ny tempoly
dia hoheverina ho masina
tahaka ny tsatokaty famafazana
izay eo anoloan’ny alitara.
21Eny, ny vilany rehetra izay any Jerosalema sy Joda
dia ho voatokana ho an’ny Tompon’izao rehetra izao.
Ary izay rehetra tonga hanolotra sorona
no hampiasa ireny mba hahandroan-kena.
Ary amin’izay fotoana izay
dia tsy hisy mpivarotra intsony
ao an-tranon’ny Tompon’izao rehetra izao.
Currently Selected:
Zakarià 14: DIEMDC
Highlight
Share
Copy
Want to have your highlights saved across all your devices? Sign up or sign in
Dikanteny Iombonana Eto Madagasikara © Malagasy Bible Society, 2004.
