Mpitsara 2
2
Fanomezan-tsiny nataon’ny Tompo tamin’ny vahoaka
1Dia niainga avy any Gilgala ka tonga tany Bokima#2.1 Gilgala: jereo Jos 4.19 sy nta. Bokima: tanàna tsy fantatra mazava izay misy azy. Ny Mpitomany no dikan’ny hoe Bokima ka azo ampifandraisana amin’ny Oakan’ny Fitomaniana izay eo akaikin’i Betela (Gen 35.8). ny anjelin’ny TOMPO ary nanambara tamin’ny Israelita hoe:
–Izaho no nampakatra anareo hiala tany Ejipta ka nampiditra anareo amin’ny tany izay nianianako homena ny razanareo. Ary nilaza Aho fa tsy hanapaka na oviana na oviana ny fanekempihavanako aminareo. 2Ianareo kosa tsy tokony hanao fifanekena amin’ny mponina amin’ity tany ity fa tokony handrava ny alitarany#2.2 Jereo Eks 34.12-13; Deot 7.2-5.. Kanjo tsy nanaraka ny teniko ianareo! Ahoana izao nataonareo izao? 3Noho izany tapa-kevitra Aho fa tsy handroaka azy eo anoloanareo. Ho fandrika hamely anareo izy; ary ho longoa hahavoa anareo koa ny andriamaniny.
4Rehefa avy nilaza izany teny izany ilay anjelin’ny TOMPO, dia nanandra-peo nitomany kosa ny Israelita rehetra. 5Ary izany toerana izany dia nantsoiny hoe Bokima na Mpitomany; dia nanao sorona teo izy ho an’ny TOMPO.
Ny nahafatesan’i Josoa
6Rehefa nampodin’i Josoa ny vahoaka#2.6 Jereo Jos 24.1-28., dia samy nandeha namonjy ny anjara taniny avy ny Israelita rehetra, ka nahazo ny tany. 7Ary ny vahoaka dia nanompo ny TOMPO nandritra ny andro rehetra niainan’i Josoa ary koa taorian’ny nahafatesany, izany hoe nandritra ny andro rehetra niainan’ireo loholona izay nahita ny zava-dehibe isan-karazany nataon’ny TOMPO ho an’i Israely. 8Ary maty i Josoa, zanakalahin’i Nona sady mpanompon’ny TOMPO, rehefa feno 110 taona. 9Dia tao amin’ny faritra anjara lovany no nandevenana azy, izany hoe tao Timnata-Heresa#2.9 Timnata-Heresa: tanàna izay antsoina koa hoe Timnata-Sera (Jos 19.50; 24.30)., any amin’ny tany be tendrombohitra any Efraîma, eo avaratry ny tendrombohitra Gahasa. 10Ary rehefa tapitra maty avokoa izany taranaka izany ka voaangona any amin’ny razany, dia taranaka hafa indray no nandimby azy, taranaka izay tsy nahalala akory ny TOMPO sy ny asa nataony ho an’i Israely.
Niala tamin’ny Tompo ny vahoaka
11Ary nanao izay ratsy eo imason’ny TOMPO ny Israelita fa nanompo ireo Bahala andriamani-tsiizy. 12Nandao ny TOMPO Andriamanitry ny razambeny Izay nitondra azy niala tany Ejipta izy ka nandeha nanompo andriamani-tsiizy, dia ny andriamanitr’ireo firenena manodidina azy. Andriamani-tsiizy no niankohofan’ny Israelita; ka nahatezitra ny TOMPO izany. 13Eny, nandao ny TOMPO tokoa ny Israelita mba hanompo ireo Bahala sy ireo Hastôreta#2.13 Ampiarahina amin’i Bahala i Hastôreta izay andriamani-bavin’ny fitiavana sy ny famokarana; niely fatratra ny fanajana an’i Hastôreta manerana ny Faritra Atsinanana manamorona ny Ranomasina Mediteranea. . 14Dia nirehi-pahatezerana tamin’ny Israelita ny TOMPO, ka namela azy ho azon’ireo andian-dahalo izay nandroba azy; natolony ho resin’ny fahavalo manodidina izy, hany ka tsy nahatohitra ireny intsony. 15Isaky ny nandeha nanafika ireo Israelita, dia nataon’ny TOMPO resy foana araka izay efa nambarany mialoha sady efa nianianany; ka nijaly mafy ireo. 16Dia nanangana mpitsara#2.16 Ny mpitsara resahina amin’ity boky ity dia olona anankinan’Andriamanitra andraikitra hitari-tafika na hifehy vahoaka na koa hanafaka foko anankiray na maromaro tojo fahasahiranana. ho azy ny TOMPO, ka ireny no nanafaka azy tamin’ny fahefàn’ny dahalo. 17Kanefa ny Israelita tsy nankatò ihany koa ireo mpitsara azy, fa nandeha nanao fanompoan-tsampy tamin’ireo andriamani-tsiizy ka niankohoka teo anatrehany. Nalaky niala ny lalana izay nizoran’ireo razany tamin’ny fankatoavana ny didin’ny TOMPO izy, fa tsy mba nanahaka azy. 18Koa isaky ny manangana mpitsara ho azy ny TOMPO, dia nomba izany mpitsara izany ka nanafaka ny Israelita tamin’ny fahefàn’ny fahavalony nandritra ny andro rehetra niainan’ilay mpitsara. Fa onena azy ny TOMPO, rehefa nitaraina izy noho ny nafitsok’ireo mpampahory sy mpampijaly azy. 19Kanjo raha vao maty ilay mpitsara, dia miverina indray amin’ny ratsy fanaony mihoatra noho ireo razany ny Israelita, ka manompo andriamani-tsiizy sy miankohoka eo anatrehany. Tsy nialany akory ny ratsy fanaony sy ny toetra maditra mahazatra azy.
Nizaha toetra ny Israelita ny Tompo
20Nirehi-pahatezerana tamin’ny Israelita ny TOMPO, ka niteny azy hoe:
–Ity firenena ity dia nandika ny fanekempihavanana izay nandidiako ny razany, fa tsy nankatò Ahy; 21koa tsy handroaka na dia olona iray eo anoloany intsony Aho amin’ireo firenena izay tsy mbola resy tamin’ny andro nahafatesan’i Josoa. 22Fa hampiasaiko ireny mba hizahako toetra azy na hanaraka ny sitrapoko ny Israelita ka hankatò Ahy tahaka izay nataon’ny razany na tsia.
23Koa navelan’ny TOMPO haharitra teo amin’ny tany ireo firenena izay tsy natolony teo an-tanan’i Josoa; ary tsy nahamaika Azy ny handroaka ireny.
Currently Selected:
Mpitsara 2: DIEMDC
Highlight
Share
Copy
Want to have your highlights saved across all your devices? Sign up or sign in
Dikanteny Iombonana Eto Madagasikara © Malagasy Bible Society, 2004.
