Luke 2
2
Sa vakarota ko Akusito me volai ko ira na tamata, 1-5. Sa sucu ko Jisu, 6, 7. Sa tukuna e dua na agilose vei ira e so nai vakatawa ni sipi ni sa sucu nai Vakabula, 8-20. Sa cilivi ko Jisu, 21-24. Sa dui tukuni koya ko Simioni kei Ana, 25-38. Sa tubu ko Jisu e na kaukauwa kei na vuku, 40-52. Sa veitarogi kei ira na tamata vuku mai Jerusalemi ni sa gone ga, 41-50. Sa talairawarawa vei rau ko Meri kei Josefa, 51.
1A SA yaco e na gauna ko ya, sa tukuni yani na vosa i Sisari Akusito, me volai na lewe ni vanua taucoko. ( 2Sa vakaoti mada nai vola o qo ni sa turaga mai Siria ko Kirinio.) 3A ra sa dui lako kecega na tamata me ra volai, o ira yadua ki na nona koro. 4Sa lako cake talega ko Josefa e Kalili, mai na koro ko Nasareci, ki Jutia, ki na koro i Tavita, a yacana ko Peceleema: (ni sa mai na mataqali i Tavita, ka sa tubu mai vua:) 5me volai kei Meri, ko koya sa musu vua me watina, a sa bukete tiko.
6Ia ni rau sa tiko maikea, sa yaco na nona siga me vakasucu kina. 7A sa vakasucuma na nona ulumatua na gonetagane, a sa viviraka vua nai sulu ni gone, ka vakadavora e na nodra yasana na manumanu e yavai va; ni sa sega na tiki ni bure me nodratou.
8A sa so nai vakatawa ni sipi e na vanua ko ya, era sa tiko mai na veico, a ra veivuke me vakatawa na sipi e na bogi.
9Ka raica, sa dua na agilose ni Turaga sa rairai vei ira, a sa cila vakavolivoliti ira nai ukuuku ni Turaga, a ra sa rere vakalevu. 10A sa kaya vei ira na agilose, Dou kakua ni rere; raica, au sa kauta mai vei kemudou e dua nai tukutuku vinaka mo dou reki vakalevu kina, kei ira kecega na tamata. 11Ni sa sucu vei kemudou e na siga o qo, e na koro i Tavita, nai Vakabula, o koya na Karisito na Turaga. 12Ia na ka o qo na nomudoui vakatakilakila: Dou na kunea na gone sa viviraki vua nai sulu ni gone, a sa davo e na nodra yasana na manumanu e yavai va.
13A ra sa lewe vuqa na kai lomalagi, era sa toka vakasauri vata kaya na agilose, a ra sa doka na Kalou, ka kaya, 14Sa nona na Kalou na vakarokoroko e na veiyasana ecake sara! a sa veivinakati rawa ko ira e vuravura: sa lomani ko ira na tamata.
15A sa yaco, ni sa lako tani vei ira ko ira na agilose ki lomalagi, era sa kaya vakai ira nai vakatawa ni sipi, Me da mai lako ki Peceleema, me raica na ka o qo sa qai yaco mai, a ya sa vakatakila mai vei kedatou na Turaga. 16A ra sa lako vakasauri mai, a ra sa kunei Meri, kei Josefa, kei na gone sa davo e na nodra yasana na manumanu e yavai va. 17Ia ni ra sa raica, era sa tukuna yani na vosa sa tukuni vei ira e na vuku ni gone o qo.
18A ra sa kidacala kecega era sa rogoca na veika sa tukuna vei ira ko ira nai vakatawa ni sipi. 19A sa taura na ka kecega o qo ko Meri, a sa vakananuma e na lomana. 20Ia ko ira nai vakatawa ni sipi era sa lesu tale, a ra sa vakarokorokotaka ka doka na Kalou e na vuku ni ka kecega era sa rogoca ka raica, me vaka sa tukuni oti vei ira.
21Ia ni sa oti na bogi e walu, me cilivi kina na gone lailai, sa vakatokai na yacana ko Jisu, me vaka ka vakatoka ko na agilose ni sa bera ni kunekunetaki.
22Ia ni sa oti na veisiga ni vakasavasavataki i tinana me vaka na vunau i Mosese, erau sa kauti koya ki Jerusalemi, me vakacabora ki na Turaga; ( 23me vaka sa volai e na vunau ni Turaga, A gonetagane kecega sa ulumatua ena vakatokai me tabu me nei Jiova;) 24me rau vakacabora talega nai madrali me vaka na ka sa kaya na vunau ni Turaga, Me rua na soqe, se rua na luve ni ruve.
25Ka raica, sa dua na tamata mai Jerusalemi, o Simioni na yacana; a sa yalodo donu ka daumasu na tamata o qo, a sa waraka na nodrai vakacegu na Isireli; a sa tiko na Yalo Tabu vei koya. 26A sa vakatakila oti na Yalo Tabu vei koya, ni na sega ni raica mada na mate, ena kunea mada eliu na Karisito ni Turaga. 27A sa vakavuna ko na Yalo na nona lako ki na vale ni soro; ia ni rau sa kauta mai na gone ko Jisu koi rau na nona qase, me cakacaka vei koya me vaka nai valavala ni vunau, 28sa qai keveta cake e ligana ko koya, ka vakarokorokotaka na Kalou, ka kaya, 29Turaga, ko sa qai biuta na nomu tamata me lako e na vakacegu, me vaka na nomu vosa: 30ni sa qai raica na vu ni bula maivei iko ko na mataqu, 31io, ko koya ko sa vakarautaka e na matadra na tamata kecega; 32a rarama me vakararamataki ira na veimatanitu kisau, me nodrai ukuuku talega na nomu tamata na Isireli.
33A rau sa kidacala ko Josefa kei na tinana e na vuku ni veika sa tukuni e vukuna. 34A sa vosavakalougatataki rau ko Simioni, a sa kaya vei Meri na tina i koya, Raica, o koya o qo sa virikoto me ra lewe vuqa vei ira na Isireli era sa bale sobu kina, se tu cake kina; ka mei vakatakilakila e vosavakacacataki; 35me vakaraitaki kina na nanuma ni yalodra era lewe vuqa: ia ena laubasikataka na yalomu talega nai seleiwau.
36A sa dua na parofita yalewa, ko Ana, a luve i Fanueli, e na yavusa i Aseri: sa vuqa sara na nona yabaki, a rau sa bula vata kei na watina ka yabaki vitu, ni sa oti mada na nona gonealewa: 37a sa yada, a sa walusagavulu ka va na nona yabaki, a sa sega ni lako tani e na vale ni soro, a sa daulotu e na lolo kei na masu e na siga kei na bogi. 38A sa lako mai ko koya e na tiki-ni-siga ko ya, a sa vakarokorokotaka talega na Turaga, a sa vosataki koya vei ira kecega efa tiko mai Jerusalemi era waraka nai Vakabula.
39Ia ni rau sa cakava oti na ka kecega me vaka na vunau ni Turaga, eratou sa lesu tale ki Kalili, ki na nodratou koro ko Nasareci.
40A sa tubu cake na gone, a sa yalomatua mai, sa sinai e na vuku; a sa tu ga na loloma ni Kalou vei koya.
41A rau sa daulako na nona qase e na veiyabaki ki Jerusalemi ki na solevu ni lako-sivia. 42Ia ni sa qai tinikarua na nona yabaki, eratou sa lako ki Jerusalemi, me vaka nai valavala ni solevu; 43ia ni ratou sa vakaotia na veisiga, ka rau sa lesu tale, sa mai tiko ga na gone ko Jisu mai Jerusalemi; a rau sa sega ni kila ko Josefa kei tinana. 44A rau sa vakasama ni sa tiko ko koya kei ira sa lako tu, a rau sa lako ga e na dua na siga ka bogi; a rau sa vakasaqarai koya vei ira na kai nodra, kei ira era veikilai kei rau. 45Ta ni rau sa sega ni kunea, erau sa lesu tale ki Jerusalemi, ni rau sa vakasaqarai koya tiko.
46A sa yaco, ni sa oti na bogi e tolu, erau sa qai kunei koya e na vale ni soro, ni sa tiko e na kedra maliwa nai vakavuvuli, sa rogoci ira tiko, ka vakatarotarogi ira. 47A sa kidacala ko ira keco era sa rogoca, e na nona vuku kei na nona vosa. 48Ia ni rau sa raica, erau sa kidacala; a sa kaya vua ko tinana, Na luvequ, o sa valavala vakaoqo vei keirau o ua vuku ni cava? raica, keirau kei tamamu keirau sa vakasaqarai iko vakararawa. 49A sa kaya vei rau ko koya, Drau sa vakasaqarai au o na vuku ni cava? drau sa sega beka ni kila ni sa kilikili kei au meʼu tiko e na vale nei Tamaqu? 50A rau sa sega ni kila nai balebale ni vosa sa kaya vei rau ko koya.
51A sa lako sobu ko koya vata kei rau, a sa yaco ki Nasareci, a sa talairawarawa vei rau: a sa maroroya ko tinana na vosa kecega o qo e lomana.
52A sa tubu cake ko Jisu e na vuku kei na yagona talega, a sa vinakati koya vakalevu cake tikoga ko na Kalou kei ira na tamata talega.
Currently Selected:
Luke 2: FIJ1864
Highlight
Share
Copy
Want to have your highlights saved across all your devices? Sign up or sign in
First full Bible in the Fijian language © British and Foreign Bible Society, 1864.
