Nai Vakatekivu 11

Sa vosa e dua ga ko vuravura, 1, 2. Era sa ia me tara e dua na vale cecere: ka vakataqaya-taka na vosa ko Jiova, 3-9. A kaica i Semi, 10-26. A kawa i Tera, kei na nona lako ki Karana, 27-32.

1ASA tebenigusu e dua ga ko vuravura kecega, a sa dua ga na kena vosa. 2A sa yaco, ni ra a lako vaka mai cake, era kunea e dua na buca mai na vanua ko Sainari; a ra sa tiko kina.

3A ra sa veikayaki vakai ira, Tou ia mada, tou cakava na vatu-buli, ka tavuna vaka vinaka. A sai sosomi ni vata na vatu-buli, a sai sosomi ni lase na qele dregadre-gata, vei ira. 4A ra sa kaya, Tou ia mada, tou tara vei keda e dua na koro, ka dua na vale cecere, me yacori lomalagi na delana; tou cakava me rogo kina na yacada, de da sa dui vakasevi yani e dela i vuravura kecega. 5A sa lako sobu ko Jiova me raica na koro kei na vale cecere, era tara na luve ni tamata. 6A sa kaya ko Jiova, Raica, sa dua ga ko ira na tamata, a sa dua ga na vosa vei ira kecega; a ra sa vakatekivu ni kitaka na ka o qo: ia o qo, ena sega e dua na ka me tarovi ira e na ka era nakita me cakava: 7tou ia mada, tou lako sobu, ka vakataqayataka maikea na nodra vosa, me ra kakua kina ni veiki-laki vosa. 8A sa dui vakasevi ira maikina ko Jiova, ki dela i vuravura kecega: a ra sa cegu ni tara tiko na koro. 9O koya sa kacivi kina na yacana ko Pepeli [Taqava]; ni sa vakataqayataka maikea na vosa i vuravura kecega ko Jiova: a sa dui vakasevi ira maikina ko Jiova, ki dela i vuravura kecega.

10O QO na kawa i Semi: Sa dua na drau na yabaki i Semi, a sa qai sucu vua ko Arifakisati, ni sa oti na waluvu ka yabaki rua: 11a sa bula tiko ko Semi, ni sa sucu oti vua ko Arifakisati, ka lima na drau na yabaki, a sa sucu tiko vua na luvena tagane kei na luvena alewa. 12A sa bula ko Arifakisati ka tolusagavulu ka lima na yabaki, a sa qai sucu vua ko Sela: 13a sa bula tiko ko Arifakisati, ni sa sucu oti vua ko Sela, ka va na drau ka tolu na yabaki, a sa sucu tiko vua na luvena tagane kei na luvena alewa. 14A sa bula ko Sela ka tolusagavulu na yabaki, a sa qai sucu vua ko Iperi: 15a sa bula tiko ko Sela, ni sa sucu oti vua ko Iperi, ka va na drau ka tolu na yabaki, a sa sucu tiko vua na luvena tagane kei na luvena alewa. 16A sa bula ko Iperi ka tolusagavulu ka va na yabaki, a sa qai sucu vua ko Peleki: 17a sa bula tiko ko Iperi, ni sa sucu oti vua ko Peleki, ka va na drau ka tolusagavulu na yabaki, a sa sucu tiko vua na luvena tagane kei na luvena alewa. 18A sa bula ko Peleki ka yabaki e tolusagavulu, a sa qai sucu vua ko Riku: 19a sa bula tiko ko Peleki, ni sa sucu oti vua ko Riku, ka rua na drau ka ciwa na yabaki, a sa sucu tiko vua na luvena tagane kei na luvena alewa. 20A sa bula ko Riku ka tolusagavulu ka rua na yabaki, a sa qai sucu vua ko Seruke: 21a sa bula tiko ko Riku, ni sa sucu oti vua ko Seruke, ka rua na drau ka vitu na yabaki, a sa sucu tiko vua na luvena tagane kei na luvena alewa. 22A sa bula ko Seruke ka tolusagavulu na yabaki, a sa qai sucu vua ko Neori: 23a sa bula tiko ko Seruke, ni sa sucu oti vua ko Neori, ka rua na drau na yabaki, a sa sucu tiko vua na luvena tagane kei na luvena alewa. 24A sa bula ko Neori ka ruasagavulu ka ciwa na yabaki, a sa qai sucu vua ko Tera: 25a sa bula tiko ko Neori, ni sa sucu oti vua ko Tera, ka yabaki e dua na drau ka ti-nikaciwa, a sa sucu tiko vua na luvena tagane kei na luvena alewa. 26A sa bula ko Tera ka vitusagavulu na yabaki, a sa qai sucu vua ko Eparama, ko Neori, kei Erani.

27A sa vakaoqo na kawa i Tera: Sa sucu vei Tera ko Eparama, ko Neori, kei Erani; a sa sucu vei Erani ko Loti. 28A sa ciba ko Erani e na mata i tamana ko Tera, e na vanua ka sucu kina, io mai Uri mai Kalitia. 29A rau a laʼki taura na watidrau ko Eparama kei Neori, a yaca ni wati i Eparama ko Serei: ia na yaca ni wati i Neori ko Milika, na luve i Erani, o ko va na tama i Milika kei na tama i Isika. 30A sa yava ko Serei; sa sega na luvena. 31A sa kauti Eparama na luvena ko Tera, kei Loti na luve i Erani, na luve i luvena, kei Serei na vugona, a wati i Eparama na luvena; a ratou a lako tani vata mai Uri mai Kalitia, ka me ratou lako ki na vanua ko Kenani: a ratou a yaco ki Karana, a ratou a tiko mai kina. 32Ia na siga i Tera sa rua na drau ka lima na yabaki: a sa ciba ko Tera mai Karana.

Currently Selected:

Nai Vakatekivu 11: FIJ1864

Highlight

Copy