Cantares 4
4
Vinic
1Cunin c'upil tseb, toj alac' aba, toj lec c'oc'ot.
Li sbec' asate xco'laj xchi'uc stsumut ta q'uelel ta o'lol li velo apixoj oe;
li stsotsil ajole xco'laj xchi'uc me'tentsunetic
ti lec jmoj stsaletic yalel tal ta vitsetic ta Galaade.
2Li stanal avee ja' jech chac c'u cha'al saquil chijetic loc'bil stsotsilic,
ti ja' to chlaj tal yo'ntonic ta atimole,
ti lec ta chabchab snupoj sba chanovique,#Cnt 6.5-6.
ti mu jcotuc chanov stuque.
3Li sti' avee lec chac-ch'uban jech chac c'u cha'al tsajal no;
li ac'ope toj c'upil sba ta a'yel;
li xocon asate xco'laj xchi'uc javbil caranato c'otem ti amacoj ta aveloe.
4Li anuq'ue xco'laj xchi'uc q'uelub osil yu'un David ti toj alac' sba pasbile,
ti ep ta mil macubbailetic sventa pasc'op te joc'anbile,
ja' li smacubbailic tsatsal viniquetique.
5Li xchibal achu'e xco'laj xchi'uc loin;
ja' jech chac c'u cha'al sloin-ol te'tical me' chij,#Cnt 7.3.
te tsa' sve'elic ta yut nichimaltic.
6C'alal tsacub tal osil, c'alal chjelov batel li ac'ubale,
te chibat ta svitsal mirra, te chibat ta svitsal pom.
7Cunin c'upil tseb, toj lec alac' aba ta acotlijil;
me jutuc mu'yuc bu chopol pasbilot.
8Yalan me tal te ta Líbano, cunin elub;
yalan me tal te ta Líbano.
Yalan me tal te ta jol vits Amana,
ta jol vits Senir, ta jol vits Hermón,
te ta xch'en leonetic,
te ta svitsal bolometic.
9Laj xa alo'labun co'nton cunin ixlal, cunin elub;
ta jun no'ox velta laj aq'uelun ti laj avu'uninbun co'ntone,
xchi'uc ta jbej no'ox anats' laj apich'ajesbun co'nton.
10¡Toj c'upil aba ta c'upinel, cunin ixlal, cunin elub!
Toj lec chi' jech chac c'u cha'al ya'lel ts'usub.
Li yic' muil poxil avu'une xjelov to smuil jech chac c'u cha'al c'usitic toj mu yic'.
11Ta avee te chloc' tal spom muc'ta pom ya'yel;
ta yolon avoq'ue puru pom xchi'uc ya'lel xchu' vacax te oy ya'yel;
li smuil yic' ac'u' apoq'ue ja' jech chac c'u cha'al smuil yic' Líbano.
12Cunin ixlal, cunin elub, ja' jechot chac c'u cha'al ts'unubaltic ti lec macbil ta corale;
ja' jechot chac c'u cha'al nio' ti lec chabibil, ti mu'yuc to boch'o slupoje.
13Ja' jechot jech chac c'u cha'al ts'unubaltic ti bu chloc' lequil caranatoe;
ja' jechot jech chac c'u cha'al lequil alhenya nichimetic,
14nardo, azafrán, xchi'uc chi'il vale', xchi'uc canela,
xchi'uc scotol ste'eltac pom, mirra, aloeetic, xchi'uc scotol li c'usitic toj ven muic yiq'ue.
15Ja' jechot noxtoc jech chac c'u cha'al nio' ta ts'unubaltic,
jech chac c'u cha'al sloq'ueb vo' ti te xcholchun loq'uel tal ta Libanoe.
16Ic' ta norte, la' me;
ic' ta sur, li' xatale.
Juch'taic li ts'unubaltic cu'une;
pucbeic batel li smuil yiq'ue.
Ants
Jc'upil vinic, la' me li' ta ts'unubaltic avu'une;
la' lo'an li sat ti toj lec chi'ic ta lo'ele.
Currently Selected:
Cantares 4: TZE97
Highlight
Share
Copy
Want to have your highlights saved across all your devices? Sign up or sign in
Tzotzil Chenalhó DC Bible © Sociedad Bíblica de México, a. c., 2002.
