Salmos 146
146
Ja' no'ox stuc xu' yu'un li Diose
1Quich'tic ta muc' li Diose.
Scotol jol co'nton ta xcalbe slequilal li Muc'ul Diose.
2Ti c'alal li' to cuxulune, ta xquich' o ta muc' li Muc'ul Diose.
Ti c'alal li' to chquich' iq'ue, ta jq'uejinta ta q'ueoj li Dios cu'une.#Sal 104.33.
3Mu xapat avo'ntonic yu'un li banquilaletique,
yu'un cristianoetic no'ox; mu xu' yu'un chcoltavanic.
4Sna' xchamic, chc'atajic ta lum yan velta,
jech te chlaj sc'oplal o li c'usi snopojique.
5Xcuxet no'ox yo'nton li boch'o ja' jcoltavanej yu'un li Dios yu'un Jacobe,
ti ja' spatoj o yo'nton yu'un li Muc'ul Dios yu'une.
6Ja' li boch'o la spas vinajel banamile,
xchi'uc li nabetique xchi'uc scotol li c'usitic te oye;#Gn 1.
ja' li boch'o puru melelic c'usi chal sbatel osile.
7Ja' li boch'o tuc' chchapan li boch'otic abul sbaic ta uts'intaele,#Sal 103.6.
ti chac'be sve'el li boch'otic oy vi'nal cha'yique.
Li Muc'ul Diose tscolta li boch'otic chucbilique;
8li Muc'ul Diose tsjambe sat li ma'satetique;
li Muc'ul Diose tstoy liquel li boch'otic yalemic ta lume;
li Muc'ul Diose c'ux ta yo'nton li boch'otic tuc' yo'ntonique.
9Li Muc'ul Diose ta xchabi li yanlumetic li' nacalique,
tscolta li me'on ololetic xchi'uc li me'on antsetique;
yan li boch'otic chopolique chac' ch'ayicuc o ta be.
10Sbatel osil ja' Ajvalil o stuc li Muc'ul Diose.
Vo'ote Sión, li Dios avu'une ja' tspas mantal o ti jayc'ol cristianoetic chjelovic li' ta banamile.
Coliyal Dios.
Currently Selected:
Salmos 146: TZE97
Highlight
Share
Copy
Want to have your highlights saved across all your devices? Sign up or sign in
Tzotzil Chenalhó DC Bible © Sociedad Bíblica de México, a. c., 2002.
