Proverbios 10
10
Sc'oplal c'usi tsta li boch'o lec xchi'uc boch'o chopole
1Li bic'tal lequil chanubtaseletic laj yal Salomone ja' li'i:
Li bijil ol-nich'onile toj xcuxet no'ox yo'nton yu'un li stot sme'e;
yan li bol ol-nich'onile chac'be svocol li stot sme'e.#Pr 15.20.
2Me ta chopol c'u x'elan ta jtatic jc'ulejaltique, mu'yuc stu chc'ot;
yan me ta lec c'u x'elan ta jtatique, jun co'ntontic.#Pr 11.4.
3Li Muc'ul Diose mu xac' lajuc ta vi'nal li boch'otic tuc' yo'ntonique;
yan li boch'otic chopol yo'ntonique mu xac' nojuc xch'utic.#Sal 34.10.
4Li boch'o mu x'abteje me'on no'ox;
li boch'o lec x'abteje lec jc'ulej.
5Li boch'o tstsob c'usi chloc' yu'un ta yorail c'aoje ja' bijil vinic, yu'un lec sna' snopel;
yan li boch'o ta xvay ta yorail c'aoje ta xac' sba ta q'uexlal.
6Li boch'o tuc' yo'ntone tsta ep bendición;
yan li boch'o chopole xu' chmacbat ye ta sventa li vocol tstae.
7Li lequil vinique mu xlaj ta na'el o;
yan li chopol vinique chch'ay ta o'ntonal o.
8Li boch'o bije chich' ta muc' li mantal ch-albate;
yan li boch'o bol xlo'ilaje ta sta ep svocol.
9Li boch'o stamoj batel tuq'uil bee jun no'ox yo'nton;
yan li boch'o yan be stamoj batele ta soc o sc'oplal.
10Li boch'o chquem-sativane ta xlic c'op yu'un;
li boch'o toj bol xlo'ilaje ta soques sc'oplal stuc.
11Li boch'o tuc' yo'ntone ja' jech chac c'u cha'al nio' sventa cuxlejal li c'usi chloc' ta yee;
yan li boch'o chopol yo'ntone chmac ye o ta scoj li vocol tstae.
12Li c'ac'al o'ntonale ta xlic c'op yu'un;
yan li c'anvaneje chch'ayes ta co'ntontic li c'usi chopol chc'ot ta pasele.#Stg 5.20; 1 P 4.8.
13Li sc'op boch'o bije te ta jta o jbijiltic;
yan li boch'o bole ja' no'ox tsta vach'te'.
14Li boch'o bije ta to x'epaj li sbijile;
yan li boch'o bol xlo'ilaje jeche' no'ox chac' svocol.
15Li spojobbail jc'ulejetique ja' li sc'ulejalique;
li slajel xchamel me'onetique ja' li sme'onalique.
16Li stojol chich' boch'o tuc' yo'ntone ja' li cuxlejale;
li c'usi tsc'aj jun chopol vinique ja' li smule.
17Li boch'o chch'un chanubtasele ja' chanov batel ta sbelal cuxlejal;
yan li boch'o mu sc'an chanubtasele ch'ayem ta be.
18Li boch'o xti'et yo'nton ta mucule xco'laj xchi'uc epalc'op tspas;
li boch'o tspucbe sc'oplal xchi'ile ja' bol cristiano.
19Li boch'o toj ep chlo'ilaje ep tsta smul;
yan li boch'o tspajes yee ja' bij.
20Li boch'o tuc' yo'ntone ja' jech chac c'u cha'al lequil c'anal taq'uin li yoq'ue;
yan li boch'o chopole mu'yuc c'usi stu o li yo'ntone.
21Li sc'op boch'o tuc' yo'ntone ep boch'otic chbijub yu'un;
yan li boch'o bole te chcham o ta scoj li sbolile.
22Li bendición yu'un Muc'ul Diose ja' jc'ulejaltic chc'ot;
mu jta jvocoltic yu'un.
23Li boch'o bole xcuxet no'ox yo'nton tspas li c'usi chopole;
yan li boch'o tuc' yo'ntone ja' xcuxet yo'nton yu'un li sbijile.
24Li boch'o chopole ja' chtal ta stojol li c'usi chi' yu'une;
yan li boch'o tuc' yo'ntone ja' tsta li c'usi tsc'ane.
25Li boch'o chopole ja' jech chch'ay batel jech chac c'u cha'al li c'usi chcuch batel sutub iq'ue;
yan li boch'o tuc' yo'ntone te oy o sbatel osil.
26Me chavac'be yabtel jun ch'ajil vinique ja' jech chc'ot jech chac c'u cha'al tstsic' stanal ave yu'un li c'usi toj poje;
ja' jech chc'ot jech chac c'u cha'al c'alal ch-och ch'ayil ta asat.
27Li yich'el ta muc' Muc'ul Diose ja' chijcuxi yu'un;
yan li boch'o chopole ta xtuch' no'ox yorail.
28Li c'usi smalaojic li boch'o tuc' yo'ntonique ja' sventa xcuxet yo'ntonic;
yan li c'usi smalaojic boch'otic chopolique ja' li lajebale.
29Li Muc'ul Diose chchabi li boch'otic lec c'usi tspasique;
yan li boch'otic chopol c'usi tspasique ta xules.
30Li boch'otic tuc' yo'ntonique mu xloc' o ti bu tsta yavilique;
yan li boch'otic chopol yo'ntonique mu xnaquiic o te ta banamil.
31Li sc'op boch'o tuc' yo'ntone chijbijub yu'un;#Sal 37.30.
yan li boch'o chopole chlic yich' macbel ye.
32Li boch'o tuc' yo'ntone puru lec c'usi chloc' ta ye;
yan li boch'o chopol yo'ntone puru chopol c'usi chal.
Currently Selected:
Proverbios 10: TZE97
Highlight
Share
Copy
Want to have your highlights saved across all your devices? Sign up or sign in
Tzotzil Chenalhó DC Bible © Sociedad Bíblica de México, a. c., 2002.
