Josué 15
15
Sc'oplal yosilal Judá
1Ti bu ic'ot ta stojolic li jchop liquemic ta Judae, ja' ti c'u yepal oy ta jujutsobique, te xc'ot c'alal to ta sts'aquil yosilal Edom xchi'uc ta stuq'uil sur c'alal to ta xocol banamil Zin. 2Li jot ta sts'aquil yosilal Edome; te xc'ot spajeb ta stuq'uil sur ta Nab Muerto. 3Ts'acal xjoyij batel ta muyebaltic ta Acrabim; te xjelov batel ta xocol banamil Zin xchi'uc ta stuq'uil sur ta Cades-barnea. Ts'acal te stsac batel c'alal ta Hezrón; te xmuy batel c'alal ta Adar;#15.3 Adar - Q'uelo Yotol Israeletic. te xjoyij tal ta stuq'uil Carca. 4Te stsac batel noxtoc, xc'ot c'alal ta Asmón; te xloc' batel ta bevo' yu'un Egipto; te xpaj ta muc'ta Nab Mediterráneo. Le'e ja' te xc'ot sti' ta stuq'uil sur. 5Li sts'aquil ta stuq'uil sloq'ueb c'ac'ale#15.5 C'ac'ale - Oy boch'o chalic jtotic. ja' li Nab Muertoe c'alal to yo' bu x'och batel ta nab li uc'um Jordane. Ts'acal te xlic batel noxtoc li sts'aquil ta stuq'uil nortee. 6Te xmuy batel ta Bet-hogla; te xjelov batel ta stuq'uil norte yu'un li Bet-arabae. Te xlic batel noxtoc; te xc'ot ta ch'entic yu'un Bohán, ja' li xnich'on Rubene. 7Ts'acal te xmuy batel ta stenlejaltic yu'un Acor xc'ot ta Debir. Ts'acal te xjoyij tal ta stuq'uil Gilgal ta stuq'uil muyeltic yu'un Adumín; te xcom ta stuq'uil sur yu'un li bevo'tique. Te xjelov batel noxtoc xc'ot c'alal to ta vo'etic ta En-semes; te xjelov ta nio' ta En-rogel. 8Ts'acal te xjelov batel noxtoc ta stenlejaltic Ben-hinom te ta stuq'uil sur yu'un li jebusetique, ja' li Jerusalene. Ts'acal te xmuy batel ta jolvits ta stuq'uil stenlejaltic yu'un Hinom te ta stuq'uil smaleb c'ac'al,#15.8 C'ac'al - Oy boch'o chalic jtotic. xchi'uc ta stuq'uil norte ta stenlejaltic Refaim. 9Te xjoyij tal ta jolvits c'alal to ta nio'etic ta Neftoa. Ts'acal te xc'ot ta lumetic ta vits Efrón; te xjelov batel ta Baala, ti Quiriat-jearim yan sbie. 10Ts'acal te xjoyij batel ta Baala ta stuq'uil smaleb c'ac'al#15.10 C'ac'al - Oy boch'o chalic jtotic. ta vits Seir. Te xjelov batel ta Quesalón ta xocon vits Jearim ta stuq'uil norte. Ts'acal te xyal batel ta Bet-semes; te xjelov batel ta Timna. 11Te xc'ot ta loq'uel ta Ecrón ta stuq'uil norte; te xjoyij batel ta Sicrón; te xjelov batel ta vits Baala; te xc'ot ta loq'uel ta Jabneel te xpaj ta nab. 12Li sti' ta smaleb c'ac'ale#15.12 C'ac'ale - Oy boch'o chalic jtotique. ja' li muc'ta Nab Mediterraneoe. Le'e ja' sts'aquil yosilalic ta xnich'nab Judae. Ja' jech laj yich'ic voc'bel ti c'u yepal oyic ta jujuchop sbiique.
Li Calebe la spoj Hebrón xchi'uc Debir
(Jue 1.10-15)
13Li Josuee te laj yac'be spuculal osil ec li Caleb yo' bu laj yich' yosilic li jchop liquemic ta Judae. Yu'un jech ono'ox mantal albil yu'un Muc'ul Dios li Josuee. Ja' laj yich' li Quiriat-arba, ja' li lum Hebrón ti toj muc' ta scotol lum yu'unic li smomnich'nab muc'ta vinic Anaque. 14Li Calebe la snuts loq'uel li oxib smomnich'nab Anac te nacajtique; ja' li Sesai, Ahimán, xchi'uc Talmaie.#Jue 1.20. 15Ts'acal bat snuts loq'uel noxtoc li boch'otic te nacajtic ta Debire. Li Debire ja' Quiriat-sefer sbi to'ox ta ba'yuc. 16Li Calebe jech laj yal: “Li boch'o chbat stsal, chbat spoj li jun lum le'e ja' ta xcac'be yic' li jtseb Acsae”, xi.
17Li boch'o ay spoj li lume ja' sjunich'on no'ox, Otoniel sbi. Ja' xnich'on xchi'il ta voq'uel li Calebe, Cenaz sbi. Jech li Calebe ja' laj yac'be yic' Otoniel li stsebe, ja' li Acsae. 18C'alal ta xa'ox xloq'uic batel ta snaic xchi'uc li yajnile, li Otoniele laj yalbe yajnil ti ac'o sc'anbe jutuc yosil li stote sventa c'usi xu' tsts'unic o. Jech li Acsae iyal ta sburo, jech ijac'bat yu'un li stote:
—¿C'usi chaval? —xut.
19Itac'ov li stsebe:
—Yu'un ta jc'anbot vocol ta atojol. Laj xa avac'bun li banamil te ta xocol banamil ta Negueve; ac'bun noxtoc li nio'etic tee —xut.
Jech laj yac'be li nio'etic te ta cajal xchi'uc ta olone.
Sc'oplal lumetic laj yich'ic li jchop liquemic ta Judae
20Li'i ja' sc'oplal bu inaquiic li jchop liquemic ta Judá ti ja' jech laj yich'ic voc'bel c'u yepal oyic ta jujuchop sbiique. 21Li lumetic ti laj yich'ic te ta stuq'uil sur ta sts'aquil yosilal Edome ja' li'i: Cabseel, Edar, Jagur, 22Cina, Dimona, Adada, 23Cedes, Hazor, Itnán, 24Sif, Telem, Bealot, 25Hazor-hadata, Queriot, Hezrón (ja' li Hazor yan sbie), 26xchi'uc Amán, Sema, Molada, 27Hazar-gada, Hesmón, Bet-pelet, 28Hazar-sual, Beerseba, Bizotia, 29Baala, Iim, Esem, 30Eltolad, Quesil, Horma, 31Siclag, Madmana, Sansana, 32Lebaot, Silhim, Aín, xchi'uc Rimón. Ja' baluneb xcha'vinic (29) lumetic ta scotol xchi'uc bic'tal tsobtsobnaetic yu'un.
33Li lumetic la staic te ta stenlejaltique ja' li'i: Estaol, Zora, Asena, 34Zanoa, En-ganim, Tapúa, Enam, 35Jarmut, Adulam, Soco, Azeca, 36Saaraim, Aditaim, Gedera, xchi'uc Gederotaim. Ja' chanlajuneb (14) lumetic ta scotol xchi'uc bic'tal tsobtsobnaetic yu'un.
37Li yan lumetique ja' Zenán, Hadasa, Migdal-gad, 38Dileán, Mizpa, Jocteel, 39Laquis, Boscat, Eglón 40Cabón, Lahmam, Quitlis, 41Gederot, Bet-dagón, Naama, xchi'uc Maceda. Ja' vaclajuneb (16) lumetic ta scotol xchi'uc bic'tal tsobtsobnaetic yu'un.
42Li yantic lumetique ja' Libna, Eter, Asán, 43Jifta, Asena, Nezib, 44Keila, Aczib, xchi'uc Maresa. Ja' baluneb lumetic ta scotol xchi'uc tsobtsobnaetic yu'un.
45Xchi'uc ja' laj yich'ic noxtoc li lum Ecrón, xchi'uc li bic'tal lumetic, xchi'uc li tsobtsobnaetic yu'une. 46Te xlic ta Ecrón c'alal ta nab, xchi'uc scotol li lumetic ti nopol ta Asdod, xchi'uc li tsobtsobnaetic yu'une.
47Ja' laj yich'ic noxtoc li lum Asdod, xchi'uc li bic'tal lumetic, xchi'uc li tsobtsobnaetic yu'une. Xchi'uc laj yich'ic li lum Gazae, xchi'uc li bic'tal lumetic, xchi'uc li tsobtsobnaetic yu'une. Laj yich'ic c'alal to ta bevo' yu'un Egipto; te xpaj sti' ta muc'ta Nab Mediterráneo.
48Li lumetic ta toyolaltic ta vitsetique ja' Samir, Jatir, Soco, 49Dana, Quiriat-sana (ja' li Debire), 50xchi'uc Anab, Estemoa, Anim, 51Gosén, Holón, xchi'uc Gilo. Ja' buluchib (11) lumetic ta scotol xchi'uc tsobtsobnaetic yu'un.
52Xchi'uc ja' laj yich'ic noxtoc li lum Arab, Duma, Esán, 53Janum, Bet-tapúa, Afeca, 54Humta, Quiriat-arba (ja' li Hebrone), xchi'uc Sior. Ja' baluneb lumetic ta scotol xchi'uc tsobtsobnaetic yu'un.
55Xchi'uc ja' laj yich'ic noxtoc li lumetic Maón, Carmel, Zif, Juta, 56Jezreel, Jocdeam, Zanoa, 57Caín, Gabaa, xchi'uc Timna. Ja' lajuneb lumetic ta scotol xchi'uc tsobtsobnaetic yu'un.
58Xchi'uc ja' laj yich'ic noxtoc li lumetic Halhul, Bet-sur, Gedor, 59Maarat, Bet-anot, xchi'uc Eltecón. Ja' vaquib lumetic ta scotol xchi'uc tsobtsobnaetic yu'un.
60Xchi'uc ja' laj yich'ic li lumetic Quiriat-baal, ja' li Quiriat-jearim yan sbie, xchi'uc Rabá. Ja' chib lumetic xchi'uc tsobtsobnaetic yu'un.
61Li lumetic laj yich'ic te ta xocol banamile ja' Bet-arabá, Midín, Secaca, 62Nibsán, ja' li slumal Ats'am, xchi'uc li lum En-gadie. Ja' vaquib lumetic xchi'uc tsobtsobnaetic yu'un.
63Li smomnich'nabtac Judae muc xu' yu'unic la snutsic loq'uel ta Jerusalén li jebusetique, jech te xchi'uquic o ta naclej ta Jerusalén c'alal to tana li smomnich'nab Judae.#Jue 1.21; 2 S 5.6; 1 Cr 11.4.
Currently Selected:
Josué 15: TZE97
Highlight
Share
Copy
Want to have your highlights saved across all your devices? Sign up or sign in
Tzotzil Chenalhó DC Bible © Sociedad Bíblica de México, a. c., 2002.
