Gálatas 4
4
1Chacalboxuc ava'yic ti c'u to'ox xij'elanutique. Ja' jech chac c'u cha'al jun biq'uit querem ti ja' sc'oplal chich'be c'usi oy yu'un li anima stote. Pero ta sventa ti biq'uit to li quereme, mu to xu' chich', yu'un co'ol to c'otem jech chac c'u cha'al smozo li stote, ac'o me sc'oplal ja' yajval chc'ot ta ts'acal. 2Mu to xu' chich', yu'un ventainbil to, chabibil yu'un li boch'o tsts'itesvanique, ja' to me ista ti jayib jabil yaloj li totile. 3Ja' to'ox jechutic ec li vu'utique; xco'laj to'ox xchi'uc ololutic. Ja' to'ox smozoinojutic li c'usitic xch'unojic cristianoetic li' ta banamile.#Col 2.8,20. 4Pero c'alal ista yorail c'usi ora albile, li Diose la stac tal li Xnich'one. Ivoc' ta jun ants; ventainbil yu'un mantaletic ic'ot. 5Yu'un jech xu' tscolta li boch'otic mozoinbilic yu'un mantaletique, yu'un jech xu' chijc'ot ta mero xnich'on li Diose. 6Ta sventa ti lac'otic xa ta xnich'nab Diose, jech la stac tal li Ch'ul Espíritu yu'un Xnich'one; laj yac' ochuc ta avo'ntonic. Ja' ta sventa ti “Tati” xavutic xa li Diose. 7Jech muc xa mozoucoxuc, nich'oniloxuc xa. Ta sventa ti nich'oniloxuc xae, jech oy xa ta aventaic chavich'ic c'usi oy yu'un atotic ta sventa yutsil yo'nton li Diose.#Ro 8.15-17.
Taq'uiel ta sventa ti mu me xcac' jbatic ta mozoinel yan velta yu'un li c'usi mu xijcolutic yu'une
8Ta vo'one c'alal mu to'ox xavotquinic Diose, ja' to'ox latunic yu'un li c'usitic mu ja'uc diose. 9Pero li' ta orae laj xa avotquinic li Diose, o ja' lec chcal ti xayotquinoxuc xa li Diose. ¿C'u yu'un ti chac'an chbat atamic ta be yan velta li c'usi mu xcoltavane, ti altic no'oxe? ¿Me yu'un chac'an chasmozoinoxuc yan velta noxtoc? 10Yu'un ca'yoj ti oy xa c'usi chachabibeic sc'ac'aliltac, yualtac, yorailtac, xchi'uc sjabilaltaque. 11Chlo'ilaj co'nton avu'unic me altic laj cac' jvocol ta abtel te ta atojolique.
12Quermanotac, avocolicuc jech xapas abaic jech chac c'u cha'al vu'un, yu'un c'alal te oyun ta atojolique jech la jpas jba jech chac c'u cha'aloxuc ec. Mu yu'unuc oy c'usi chopol laj apasbicun ti jech chacalboxuque. 13Xana'ic lec ti c'alal la jcholboxuc Lequil A'yej ta sliquebe,#Hch 16.6. ja' ta sventa ti la staun tsots chamele. 14Pero muc xana'leicun, muc xabajicun ta sventa li tsots vocol oy ta jbec'tale. Laj avich'icun ta muc' jech chac c'u cha'al jun yaj'almantal Dios, jech chac c'u cha'al Cristo Jesús. 15¿Bu ibat li xcuxetel avo'nton ataojique? Vu'un laj quil jtuc ti chac aloq'ues ava'ay asatic sventa chavac'bicun ti oyuc c'uxi avutique. 16¿Me yu'un avajcontraicun xa lic'ot o ta sventa ti laj calboxuc c'usi melele?
17Li boch'o chaslo'laoxuque solel juteb xa yo'nton avu'unic yilel, pero ma'uc sventa chaslecubtasoxuc. Ja' no'ox oy ta yo'ntonic ti ac'o acomtsanuncutic li vu'uncutique, yu'un jech ac'o avich'ic ta muc' li stuquique. 18Lec ti chcac'tic ta ilel ti tsots sc'oplal chca'itic jchi'iltique, pero tsc'an ja'uc sventa slequilal, xchi'uc tsc'an jechuc co'ntontic o. Mu me ja'uc no'ox jun avo'ntonic ta jtojol ec ti c'alal te oyun ta atojolique. 19Jnich'nabtac, toj c'ux jvocol avu'unic yan velta jech chac c'u cha'al jun ants ti c'ux svocol c'alal chcuxe. Ja' to ch-ech' jvocol c'alal me laj quil ti chlic c'otuc lec ta avo'ntonic li Cristoe.#Ro 8.29; 2 Co 3.18; Fil 3.10. 20Toj chac te oyucun ca'ay ta atojolic ta ora, yu'un jech xu' ta jel c'u x'elan jnuc' chajc'opanoxuc. Yu'un mu jna' lec c'usi ta jpas ta aventaic.
Senyail lo'il ta sventa Agar xchi'uc Sara
21Vo'oxuc ti chac'an chasutic yan velta ta stojol li mantaletique, albicun ca'ay ¿me yu'un mu'yuc ava'yojbeic sc'oplal c'u x'elan li mantaletique? 22Yu'un ts'ibabil ta sc'op Dios ti oy ivoc' chib xnich'on li Abrahame. Li june me' quiara sme';#Gn 16.15. li yane mu quiarauc li sme'e.#Gn 21.2. 23Li boch'o ochem ta quiaraile, i'ayin yol ta sventa sbec'talic. Yan li boch'o muc ochemuc ta quiaraile, i'ayin yol ta sventa yu'un jech yaloj li Diose. 24Le'e oy lec smelol. Li chib antsetique ja' senyail ti chib c'usi la xchapan Diose. Li june ja' te la xchapan ta vits Sinaí. Ja' yu'un li boch'otic ja' oyic ta sventa li c'usi la xchapan Dios ta vits Sinaie, mozoinbilic yu'un li mantaletique; ja' yalabtac Agar c'otemic. 25Yu'un li Agare ja' senyail li vits Sinaí te ta Arábia banamile. Ja' senyail noxtoc li lum Jerusalén li' ta orae. Yu'un li Jerusalene ochemic ta mozoil xchi'uc jnaclumetic yu'un. 26Yan li lum Jerusalén ta toyole mu'yuc ochem ta mozoil; ja' jme'tic c'otem li vu'utique. 27Yu'un jech ts'ibabil ta sc'op Dios:
“Cuxetuc no'ox avo'nton, vo'ot ti mu xana' xa'alaje;
tse'inan no'ox, avetan no'ox ta xcuxetel avo'nton,
vo'ot ti mu'yuc ono'ox ava'yojbe xc'uxul alajele.
Yu'un li boch'o ictabil comele ja' x'ech' to yepal ta xbol yalab
jech chac c'u cha'al li boch'o lec nupul ts'acal xchi'uc smalale”,#Is 54.1. xi ts'ibabil.
28Ja' yu'un li vu'utique quermanotac, ja' jech c'otemutic jech chac c'u cha'al Isaac. Nich'onil lijc'ot ta sventa ti jech yaloj li Diose. 29Pero li boch'o ivoc' ta sventa sbec'talic stot sme'e, laj yuts'inta li boch'o ivoc' ta sventa Espíritu yu'un Diose.#Gn 21.9. Ja' yu'un ja' no'ox jech chijpasbat li' ta ora ec li vu'utique. 30Pero ¿c'usi chal li sc'op Diose?: “Taco loq'uel xchi'uc yol li me' quiarae. Yu'un li yol boch'o ochem ta quiaraile mu xu' tsvoc'be sbaic c'usi oy yu'un stotic xchi'uc yol li boch'o muc ochemuc ta quiaraile”,#Gn 21.10. xi ts'ibabil. 31Ja' yu'un quermanotac, ma'uc yolutic li boch'o ochem ta quiaraile; ja' yolutic li boch'o muc ochemuc ta quiaraile.
Currently Selected:
Gálatas 4: TZE97
Highlight
Share
Copy
Want to have your highlights saved across all your devices? Sign up or sign in
Tzotzil Chenalhó DC Bible © Sociedad Bíblica de México, a. c., 2002.