1 Crónicas 2
2
Sc'oplal xnich'nabtac Israel
(Gn 35.22-26)
1Li xnich'nabtac Israele ja' li'i: Rubén, Simeón, Leví, Judá, Isacar, Zabulón, 2Dan, José, Benjamín, Neftalí, Gad, xchi'uc Aser.
Sc'oplal smomnich'nab Judá
3Li xnich'nab Judae ja' li'i: Er, Onán, xchi'uc Sela. Li oxibic le'e ja' yalab li Súa, canaán antse. Li Ere, ja' li sba xnich'on Judae, toj chopol c'usi la spas ta stojol li Muc'ul Diose jech imilat yu'un Dios. 4Li Tamar yalib Judae ivoc' chib yol; ja' Fares xchi'uc Zera. Li xnich'nab Judae ja' vo'ob ic'ot ta scotol. 5Li xnich'nab Farese ja' Hezrón xchi'uc Hamul. 6Li xnich'nab Zerae ja' Zimri, Etán, Hemán, Calcol, xchi'uc Dara. Ja' vo'ob ta scotol.
7Li xnich'on Carmie ja' Acán. Ja' li boch'o laj yich' batel ta sna li c'usi yaloj Dios ac'o yich' ulesel oe, ti jech la sta o svocol li israeletique.#Jos 7.1. 8Li Azariase ja' xnich'on Etán.
9Li xnich'nab Hezrone ja' Jerameel, Ram, xchi'uc Queluba.
10Li Rame inich'naj, Aminadab sbi. Li Aminadabe inich'naj, Naasón sbi. Ja' banquilal ic'ot yu'un li smomnich'nab Judae. 11Li Naasone inich'naj, ja' li Salmone. Inich'naj li Salmone, Booz sbi. 12Li Booze inich'naj, Obed sbi. Li Obede inich'naj, Isaí sbi. 13Li Isaie inich'naj, Eliab sbi li sba xnich'one. Li xchibale Abinadab sbi. Li yoxibale Simea sbi. 14Li xchanibale Natanael sbi. Li yo'bale Radai sbi. 15Li svaquibale Ozem sbi. Li svucubale David sbi.#Rt 4.18-22. 16Li yixlalique ja' Sarvia xchi'uc Abigail. Li yalab Sarviae oxibic. Ja' Abisai, Joab, xchi'uc Asael. 17Li yol Abigaile Amasa sbi; ja' stot li Jeter ismael vinique.
18Li Caleb xnich'on Hezrone inich'naj, Jeriot sbi. Ja' yol li Azubae. Li yantic yalabe ja' Jeser, Sobab, xchi'uc Ardón. 19C'alal icham li Azubae, li Calebe la sa' yan yajnil, Efrata sbi. Ivoc' jun yol, Hur sbi. 20Li Hure inich'naj, Uri sbi. Inich'naj li Urie, Bezaleel sbi.
21C'alal yich'oj xa'ox oxvinic (60) jabil li Hezrone, laj yic'be stseb Maquir, ja' li stot Galaade. Ivoc' jun yol, Segub sbi. 22Inich'naj li Segube, Jair sbi. Li Jaire oy oxib xcha'vinic (23) lumetic yu'un te ta yosilal Galaad. 23Pero li Gesur xchi'uc Arame laj yich'beic li lumetic yu'un Jaire. Laj yich'ic noxtoc li lum Kenat xchi'uc li bic'tal lumetique. Ja' oxvinic (60) lumetic laj yich'ic ta scotol. Ja' te inaquiic li smomnich'nabtac Maquir stot Galaade.
24C'alal icham te ta Caleb Efrata li Hezrone, li Abías, ja' li yajnil Hezrone, ivoc' to yol, Asur sbi. Ja' stot li Tecoae.
25Li Jerameel sba xnich'on Hezrone, inich'naj, Ram sbi li sbae. Ja'o ital Buna, Orén, Ozem, xchi'uc Ahías. 26Li Jerameele laj yic' yan yajnil, Atara sbi; ja' sme' li Oname.
27Li Ram sba xnich'on Jerameele, inich'naj. Ja' Maaz, Jamín, xchi'uc Equer. 28Li xnich'nab Oname ja' Samai xchi'uc Jada.
Li xnich'nab Samaie ja' Nadab xchi'uc Abisur. 29Li yajnil Abisure Abihail sbi. Ja' Ahbán xchi'uc Molid sbi li yalabe.
30Li xnich'nab Nadabe ja' Seled xchi'uc Apaim. Li Selede mu junuc xnich'on icom. 31Li Apaime Isi sbi li xnich'one. Li Isie Sesán sbi li xnich'one. Li Sesane Ahlai sbi li xnich'one.
32Li xnich'on Jada, ja' li yits'in Samaie, ja' Jeter xchi'uc Jonatán. Li Jetere mu junuc xnich'on icom. 33Li xnich'nab Jonatane ja' Pelet xchi'uc Zaza.
Le'e ja' smomnich'nabtac li Jerameele.
34Li Sesane mu'yuc squeremetic; ja' no'ox oy stsebetic. Pero oy jun smozo, Jarha sbi; ja' egipto vinic. 35Ja' laj yac'be yic' jun stseb, jech ivoc' jun squerem, Atai sbi. 36Li Ataie inich'naj, Natán sbi. Li Natane inich'naj, Zabad sbi. 37Li Zabade inich'naj, Eflal sbi. Li Eflale inich'naj, Obed sbi. 38Li Obede inich'naj, Jehú sbi. Li Jehue inich'naj, Azarías sbi. 39Li Azariase inich'naj, Heles sbi. Li Helese inich'naj, Elasa sbi. 40Li Elasae inich'naj, Sismai sbi. Li Sismaie inich'naj, Salum sbi. 41Li Salume inich'naj, Jecamías sbi. Li Jecamiase inich'naj, Elisama sbi.
42Li xnich'nab Caleb, ja' li yits'in Jerameele, ja' Mesa sbi li sba xnich'one; ja' stot Sif ic'ot. Li xchibal xnich'one Maresa sbi, ja' stot Hebrón ic'ot. 43Li xnich'nab Hebrone ja' Coré, Tapúa, Requem, xchi'uc Sema. 44Li Semae inich'naj, Raham sbi; ja' stot li Jorcoame. Li Requem inich'naj ec, Samai sbi. 45Li Samaie Maón sbi li xnich'one. Li Maone Bet-sur sbi li xnich'one.
46Li Efa, ja' li yan ants yu'un Calebe, i'alaj. Ja' Harán, Mosa, xchi'uc Gazez. Li Harane inich'naj, Gazez sbi.
47Li xnich'nab Jahdaie ja' Regem, Jotam, Gesán, Pelet, Efa, xchi'uc Saaf.
48Li Maaca yan ants yu'un Calebe i'alaj; ja' Seber xchi'uc Tirhana, 49xchi'uc Saaf. Li Saafe ja' stot Madmana ic'ot, xchi'uc Seva ja' stot Macbena xchi'uc Gibea ic'ot. Xchi'uc oy jun stseb li Calebe, Acsa sbi.
50Scotol le'e ja' smomnich'nabtac li Calebe.
Li xnich'nabtac Hur, ja' li sba yol Efratae, ja' Sobal stot Quiriat-jearim, 51xchi'uc Salma stot Belén, xchi'uc Haref stot Bet-gader.
52Li xnich'nab Sobal, ja' li stot Quiriat-jearime, ja' Haroe sbi. Ja' te ilic sts'unubal j'o'lol li manahetetique. 53Li jujuchop smomnich'nab Quiriat-jearime ja' jech sbi ibatic: itretic, futetic, sumatetic, xchi'uc misraetic. Ja' te iloc' sts'unubal noxtoc li zoratetic xchi'uc li estaoletique.
54Li xnich'nab Salmae ja' Belén, netofaetic, Atrot-bet-joab, xchi'uc zoraetic, xchi'uc j'o'lol manahetetic. 55Li jujuchop smomnich'nab soferetic ti te to'ox nacalic ta Jabese ja' tiratetic, simeatetic, xchi'uc sucatetic. Le'e ja' totil yu'unic li Ceneo ti ilic tal ta Hamate; ja' li stot Recabe.
Currently Selected:
1 Crónicas 2: TZE97
Highlight
Share
Copy
Want to have your highlights saved across all your devices? Sign up or sign in
Tzotzil Chenalhó DC Bible © Sociedad Bíblica de México, a. c., 2002.