लूका 8

कुछ स्त्रियुन जो येशुअ जे पोयां हलण ऐं सेवा करण

1उन खां पो येशु परमेश्वरअ जे राज॒अ जी ख़ुशख़बरीअ जो प्रचार कंदे नगर-नगर ऐं गाम-गामअ में फिरंदो रयो ऐं उहे बा॒रहां प्रेरितअ बी हुन सां गड॒ हुवा#लूका 4:43, 2ऐं थोड़ियूं स्त्रीयूं बी येशुअ सां गड॒ हुयूं, जेके हुन जे द्वारा दुष्‍टआत्माउन ऐं बीमारियुन मां छडा॒ई वयूं हुयूं ऐं उहे इहे आइनः मरियम जेकी मगदलीनी चवाएजंदी आहे, जेमां सतअ दुष्‍टआत्माऊं निकत्यूं हुयूं#मत्ती 27:55-56; मर 15:40-41; लूका 23:49, 3ऐं योअन्ना जेकी हेरोदअ जे भण्डारी खूज़ा जी ज़ालअ हुई ऐं सूसन्नाह ऐं घणहीं बि॒यूं बी स्त्रीयूं हुन सां गड॒ हुयूं। इहे येशु ऐं हुन जे चेलन जी पांजन पैसन जे द्वारा सेवा कंदियूं हुयूं।

बि॒ज पोखण वारे जी मिसालअ

(मत्ती 13:1-9; मर 4:1-9)

4जड॒ऐं हिकअ वडी॒ भीड़अ अलग-अलग नगरन मां निकरी करे येशुअ वट अची इकट्ठी थी, त हुन भीड़अ खे इयो मिसाल डीं॒दे चयो। 5“हिक बि॒ज पोखण वारो बि॒ज पोखण निकतो। पोखण जे वक़्त कुछ बि॒जअ रस्ते जे किनारे ते किरया ऐं लताड़िया वया ऐं उनन खे आकाशअ जा पखी अची खाई वया। 6कुछ बि॒जअ पथरीली ज़मीनअ ते किरया ऐं उभरिया, परअ नमी न मिलण जे करे सुकी वया। 7कुछ बि॒जअ कंडेदार जाड़िन में वञी किरया ऐं जाड़िन उनन सां गड॒-गड॒ वधी करे उनन खे दबा॒ए छड॒यो। 8परअ कुछ बि॒जअ सुठी ज़मीनअ ते किरया ऐं उगजी करे सौ गुणा फल खणी आया।” इयो चई करे पो हुन वडे॒ आवाज़ सां चयईं, “जेको बी बु॒धो ता, उन खे समझो।”

मिसालुन जो मकसद

(मत्ती 13:10-17; मर 4:10-12)

9येशुअ जे चेलन संदस खां पुछो, के इन मिसालअ जो मतलब छा आहे? 10येशुअ उनन खे चयईं, “तवां खे परमेश्वरअ जे राज॒अ जे रहस्यन जी सम्झअ डि॒नी वई आहे, परअ बा॒हिर वारन खे सब गा॒ल्यूं मिसालुन में बु॒धायूं वेंदियूं आइन। इन करे

‘के उहे डि॒सी करे बी डि॒सी न सग॒न

ऐं बु॒धी करे बी न समझन।’#यशा 6:9,10 ”

बि॒ज पोखण वारे मिसालअ जो मतलब

(मत्ती 13:18-23; मर 4:13-20)

11“इन मिसालअ जो मतलब इयो आहे, बि॒ज परमेश्वरअ जो वचन आहे।#1 पत 1:23 12रस्ते जे किनारे जा किरयल बि॒जअ उनन मांणुन खे ता डे॒खारन जैं वचन बु॒धो; परअ किथे इंय न थे, के उहे विश्वास करे मुक्‍ती पाइन, इन करे शैतान अची उनन जे दिल मां वचनअ खे खणी तो वञे। 13पथरीली ज़मीनअ ते किरयल बि॒जअ उनन मांणुन खे ता डे॒खारन जैं वचन बु॒धी आनंदअ सां मञी त वरतो परअ पांजे पाण में जड़ न रखण जे करे थोड़े वक़्तअ जे लाए विश्वास ता कन, परअ परीक्षा#8:13 परीक्षा माना जेमें शामिल आइन मुसीबतूं ऐं सताव। अचण जे वक़्त पोयां ता हटी वञन। 14कंडेदार जाड़िन में किरयल बि॒जअ उनन मांणुन खे ता डे॒खारन जैं वचन बु॒धो परअ अग॒यां हली जीविका जी चिंता ऐं धन-दौलतअ ऐं दुनिया जे शयुन जूं खुवाहिशूं ऐं एशो-आरामअ में फासी ता पवन ऐं इन करे उहे फल नथा खणीं अचन। 15सुठी ज़मीनअ ते किरयल बि॒जअ उनन मांणुन खे ता डे॒खारन जैं वचन बु॒धी करे उन खे पांजे सच्‍चे ऐं साफ दिल में संभाले रख्यो ऐं सबुर रखण जे करे फल ता खणीं अचन।#प्रेरि 16:14; इब्रा 10:36; प्रका 3:10”

डी॒ए जी मिसालअ

(मर 4:21-25)

16“कोई बी डी॒ओ बा॒रे करे बासण सां न ढकींदो आहे ऐं न हीं खटअ जे हेठां रखंदो आहे, परअ डी॒ए खे उहो ज्॒यारीअ ते रखंदो आहे ताकि अंदर अचण वारन खे रोशनी मिले।#मत्ती 5:15; लूका 11:33 17कुछ बी एड़ो लिक्यल कोने जेको ज़ाहिर न थींदो ऐं न हीं कोई एड़ो रहस्य आहे जेको जा॒ण्यो ऐं खोल्यो न वेंदो।#मत्ती 10:26; लूका 12:2 18इन करे सावधान रहो जेको कुछ बु॒धो ता उन खे ध्यानअ सां बु॒धो, छो त जैं वट बी आहे उन खे अञा बी डि॒नो वेंदो परअ जैं वट कोने उन खां उहो बी वापस वरतो वेंदो जेको उन वट आहे, जेंखे उहो पांजो तो समझे#8:18 इन वचनअ जे बे॒ं भाग॒अ जो मतलब आहे, के जैं येशुअ जी सिख्या बु॒धी त उन खे इंय लगे॒तो के उन खे सम्झअ में अची वयो आहे परअ हिक डी॒ंह उन खे इयो एहसास थींदो के उहो गलत आहे, छोके उन कुछ न समझो हो।।”#मत्ती 25:29; लूका 19:26

येशुअ जी माता ऐं भावरअ

(मत्ती 12:46-50; मर 3:31-35)

19येशुअ जी माता ऐं भावरअ संदस वट आया परअ भीड़अ जे करे संदस सां मिली न सग॒या। 20कुछ मांणुन येशुअ खे चयो, “तुंजी माता ऐं तुंजा भावरअ बा॒हिर बीठा तई, उहे तोसां मिलण ता चाहिन।” 21इन ते येशुअ उनन खे चयईं, “मुंजी माता ऐं मुंजा भावरअ त इहे आइन जेके परमेश्वरअ जो वचन बु॒धनता ऐं उन ते हलन ता।”

येशुअ जो तूफानअ खे शांत करण

(मत्ती 8:23-27; मर 4:35-41)

22हिक डी॒ंह येशुअ पांजे चेलन खे चयईं, “हलो, असां झील जे उन पार हलऊं।” सो उहे बे॒ड़ीअ में वई करे उन पार वञण जे लाए निकता। 23जड॒ऐं उहे रस्ते में ही हुवा त येशु सुम पयो हो ऐं इंय थ्यो के उन झील में हिक वडो॒ तूफान आयो ऐं बे॒ड़ी पाणीअ सां भरजण लगी॒ ऐं उनन जी जान ख़तरे में पेजी वई। 24तड॒ऐं चेला येशुअ जे अग॒यां वञी हुन खे उथारे करे चवण लगा॒ त, “गुरू! हे गुरू! असां बु॒डी॒ रया आयूं।” तड॒ऐं येशुअ उथी करे तूफानअ खे ऐं पाणीअ जी लहेरुन खे दड़को डि॒नईं। सो तूफान बिल्कुल शांत थी वयो ऐं उते राहतअ थी वई। 25इन ते येशुअ उनन खे चयो, “केडा॒ं वयो तवां जो विश्वास?” परअ उहे डा॒ढो ड॒की वया ऐं पाण में हिकअ बे॒ खे ताजुब करे चवण लगा॒, “हे केर आहे के तूफान ऐं पाणी बी हुन जो हुकुम ता मञन?”

दुष्‍टआत्माउन खां सतायलअ हिकअ ज॒णे खे छुटकारो डि॒यण

(मत्ती 8:28-34; मर 5:1-20)

26उहे उन पार गिरासेनियों#8:26 जेके यूनानी पत्रियूं मिलियूं उनन मां कुछ में गिरासेनियों जे जग॒ऐ ते गदरेनियों लिख्यल आहे। जे इलाके में पौंता, जेको झील जे उन पार गलील क्षेत्र जे सामूं आहे। 27जीअंईं येशु बे॒ड़ीअ मां किनारे ते लथो, त उन नगरअ जो हिक मांणू जेमें दुष्‍टआत्माऊं हुयूं उहो हुन सां अची मिल्यो। उन मांणूअ डा॒ढन हीं डी॒ंहन खां न कपड़ा पाता वईं ऐं न हीं उहो घरअ में रवंदो हो, परअ उहो क़ब्रुन में रवंदो हो। 28उहो येशुअ खे डि॒सी करे रड़यूं करण लगो॒ ऐं पांजे घोड॒न ते अची हुन जे पेरन ते किरी पयो ऐं वडे॒ आवाज़अ सां संदस खे चयईं, “हे परमप्रधान परमेश्वरअ जा पुटअ येशु! मुसां तूं छा तो करण चाहीं? मां तोखे मिंथूं तो कयां मुखे तकलीफअ न डे॒।” 29छोके येशुअ दुष्‍टआत्मा खे उन मांणूअ मां निकरी वञण जो हुकुम डि॒नो वईं।

दुष्‍टआत्मा उन मांणूअ जे मथां अक्सर कब्जो कंदी हुई। सो इन जे करे मांणू संदस खे वसअ में रखण जे लाए जंजीरुन सां ब॒धंदा हुया परअ उहो उनन खे बी तोड़े छडीं॒दो हो। दुष्‍टआत्मा उन खे अक्सर जंगलन में गीले वेंदी हुई। 30येशुअ उन खां पुछो, “तुंजो नालो छा आहे?” उन येशुअ खे जवाब डि॒नो, “मुंजो नालो लश्कर आहे,” छोके डा॒ढियूं दुष्‍टआत्माऊं उन में समायल हुयूं। 31उनन येशुअ खे मिंथूं करे चयो, असां खे अथाह खडे॒ में वञण जो हुकुम न डे॒। 32उते थोड़ो ही परते पहाड़ीअ ते हिक वडो॒ सूअरन जो झुण्ड चरे रयो हो। दुष्‍टआत्माउन येशुअ खे मिंथूं करे चयो, के उहो उनन खे सूअरन जे अंदर घिरी वञण जी इज़ाजतअ डे॒। सो येशुअ उनन खे इन जी इज़ाजतअ डि॒नी। 33तड॒ऐं दुष्‍टआत्माऊं उन मांणूअ मां निकरी करे सूअरन में घिरी वयूं ऐं सूअरन जो उहो झुण्ड पहाड़ीअ जी चोटीअ तां झील में वञी किरयो ऐं बु॒डी॒ मरयो।

34इयो डि॒सी करे सूअरन जा चढ़ाएण वारा उतां भजी॒ वया ऐं उनन आसे-पासे जे नगरन ऐं बस्तिन में वञी इन सजे॒ किस्से जी खबरअ डि॒नऊं। 35जेको कुछ उते थ्यो हो मांणू उहो डि॒सण जे लाए निकरी आया। जड॒ऐं उहे येशुअ वट आया, त उनन जेमां दुष्‍टआत्माऊं निकत्यूं हुयूं उन मांणूअ खे कपड़ा पातल, शांत ऐं पूरे होशअ में येशुअ जे पेरन ते वेठल डि॒सी करे ड॒की वया। 36जिन मांणुन इयो किस्सो डि॒ठो हुयो उनन आयल मांणुन खे चई बु॒धायऊं, के कीअं इयो मांणू जेमें दुष्‍टआत्माऊं हुयूं ठीक थ्यो आहे। 37तड॒ऐं गिरासेनियों जे आसे-पासे जे सबनिन मांणुन येशुअ खे मिंथूं करे चयो, महेरबानी करे असां जे इलाके मां हली वञ; छोके उहे डा॒ढो ड॒की वया हुवा। इन करे उहो बे॒ड़ीअ ते चढ़ी वापस मोटी वयो। 38जैं मांणूअ मां दुष्‍टआत्माऊं निकत्यूं हुयूं उहो येशुअ खे मिंथूं करे चवण लगो॒, के मुखे पाण सां गड॒ वठी हल परअ येशुअ हुन खे वापस मोकले करे चयो, 39“पांजे घर हल्यो वञ ऐं मांणुन खे वञी बु॒धाए, के परमेश्वरअ तोसां केडी॒ वडि॒यूं भलायूं कयूं आइन।” उहो सजे॒ नगरअ में वञी बु॒धाएण लगो॒, के येशुअ उन सां केडी॒ वडि॒यूं भलायूं कयूं तईं।

याईरअ जी मुअल धीअ ऐं हिकअ बीमार स्त्री

(मत्ती 9:18-26; मर 5:21-43)

40जड॒ऐं येशु वापस मोटी आयो, त मांणुन हुन जो स्वागत कयो, छोके उहे सब संदस जो इंतज़ार करे रया हुवा। 41एतरे में हीं याईर नाले जो हिक मांणू जेको प्रार्थना-घरअ जो सरदार हुयो, उते आयो ऐं येशुअ जे पेरन ते किरी हुन खे मिंथूं करे चवण लगो॒, के मुंजे घर हल, 42छोके याईरअ जी लगभग बा॒रहें सालें जी इकलौती धीअ हुई ऐं उहा मरण ते हुई।

जड॒ऐं येशु उन सां गड॒ वञी रयो हुयो, त रस्ते में चौतरफां खां मांणू हुन जे मथां किरण लगा॒, छोके त वडी॒ भीड़अ संदस सां गड॒ हुई। 43हिकअ स्त्री हुई जेंखे बा॒रहन सालन खां रत वहण जी बीमारी हुई। उन पांजे इलाज़अ में पांजो सब कुछ डाक्टरन खे ड॒ई छड॒यो वईं#8:43 “उन पांजे इलाज़अ में पांजो सब कुछ डाक्टरन खे ड॒ई छड॒यो वईं”: कुछ यूनानी पत्रियुन में इया सिटअ लिख्यल कोने परअ उन जी जग॒ऐ ते इंय लिख्यल आहे, के उहा स्त्री किथां बी ठीक न थी हुई। परअ उहा किथां बी ठीक न थी हुई। 44उन पोयां खां अची करे येशुअ जे कपड़न जे किनारे खे हथ लगा॒यईं ऐं ओढी॒ मलई उन जो रत वहण बंद थी वयो। 45इन ते येशुअ चयो, “मुखे कें हथ लगा॒यो?” जड॒ऐं सब मना करण लगा॒, त पतरसअ हुन खे चयईं, “हे गुरू, तूं त मांणुन सां घिरयल आईं! ऐं मांणू तुंजे मथां किरी रया आइन।” 46परअ येशुअ चयईं, “कें त मुखे हथ लगा॒यो आहे, छोके मां जा॒णे वरतो आहे के मुंजे अंदरां सामर्थ निकती आहे।” 47जड॒ऐं उहा स्त्री समझी वई के मां लिकी न थी सगा॒ं, तड॒ऐं उहा डिज॒ंदे येशुअ जे सामूं आई ऐं हुन जे पेरन ते किरी करे सबनिन मांणुन खे चई बु॒धायईं, के मां छो येशुअ खे हथ लगा॒यो ऐं कीअं मां ओढी॒ मलई ठीक थी वयम। 48येशुअ उन खे चयईं, “पुटरी, तुंजे विश्वासअ तोखे ठीक कयो आहे#8:48 तुंजे विश्वासअ ठीक कयो आहे जो मतलब आहे, उन स्त्रीअ येशुअ जे मथां विश्वास रखयईं के उहो उन खे ठीक करे सगं॒दो आहे। इन करे सुकुन सां हली वञ।#लूका 7:50” 49येशु इयो सब चहे ही प्यो, त एतरे में प्रार्थना-घरअ जे सरदारअ याईरअ जे घरअ मां कुछ मांणुन अची करे, उन खे खबरअ डि॒नी, “तुंजी धीअ त मरी वई तई इन करे हाणे गुरूअ खे तकलीफअ न डे॒।” 50येशुअ इयो बु॒धी करे उन खे चयईं, “ड॒क न। खाली विश्वास रख त उहा बची वेंदी।” 51पो येशु जड॒ऐं याईरअ जे घर पौंतो, त हुन पतरस, यूहन्ना, याकूब ऐं छोकरीअ जे माता-पिता खे छडे॒ बि॒यो केंखे बी पाण सां गड॒ अंदर अचण न डि॒नईं। 52सब उन छोकरीअ जे लाए रोवन-पिटन प्या परअ येशुअ उनन खे चयईं, “रोओ न;#लूका 7:13 छोके उहा मरी कोने परअ सुम पई आहे#8:52 छोकरी सुम पई आहे, इन जप मतलब इंय कोने के येशुअ खे खबरअ कोने के छोकरी मरी वई आहे परअ येशुअ जे चवण जो मतलब इयो हो, के संदस खे खबर हुई के उहो उन खे मौतअ मां जिंदो कंदो। ।” 53इन ते उहे सब येशुअ जो मजाक उडा॒एण लगा॒, छोके उनन खे खबरअ हुई के उहा मरी वई आहे। 54परअ येशुअ उन छोकरीअ जो हथ पकड़े करे जोर सां वडे॒ आवाजअ सां चयईंस, “हे छोकरी उथ!” 55इयो चवंदे ही, छोकरीअ जी आत्मा वापस उन में मोटी आई ऐं उहा उथी वेठी। पो येशुअ उनन खे चयो, इन खे कुछ खाएण जे लाए डि॒यो। 56इयो सब कुछ डि॒सी करे उन छोकरीअ जे माता-पिता खे ताजुब थ्यो परअ येशुअ उनन खे चिताए करे चयो, के जेको कुछ हिते थ्यो आहे उहो केंखे बी न बु॒धाए जो।

Currently Selected:

लूका 8: SND

Highlight

Copy