Марко 14

Заговор против Исус

(Мт 26,1-5; Лк 22,1-2; Јн 11,45-53)

1 # 2 Мојс 12,1-2; 5 Мојс 16,1-8; Мт 12,14; Дела 9,29 По два дена беше Пасха и празникот Бесквасници. А првосвештениците и книжниците сакаа да Го фатат на измама и да Го убијат; 2но велеа: „Не на празникот, за да не настане бунт меѓу луѓето.“

Помазанието во Витанија

(Мт 26,6-13; Јн 12,1-8)

3 # Мт 21,17; Лк 7,37 А кога Тој беше во Витанија и седеше на трпеза во куќата на Симон Лепрозниот, дојде една жена со алабастерен сад со скапоцено и чисто нардово миро и, кога го искрши садот, го изли мирото врз Неговата глава. 4А имаше некои што негодуваа во себе и говореа: „Зошто мирото да се растура? 5Тоа можеше да се продаде за повеќе од триста динарии, и да им се раздадат на сиромасите.“ И негодуваа против неа. 6Но Исус рече: „Оставете ја; зошто ја обеспокојувате? Таа направи добро дело кон Мене! 7#5 Мојс 15,11Сиромасите секогаш ги имате со вас и кога и да сакате можете да им направите добро; но Мене Ме немате секогаш. 8#16,1; Јн 19,40Таа го направи тоа што можеше: однапред го помаза Моето тело за погребение. 9#1,1; 16,15; Мт 24,14; Кол 1,5-6.23Вистина ви велам: каде и да се проповеда ова благовестие по сиот свет, ќе се прикажува и ова што таа го направи, за нејзин спомен.“

Предавникот Јуда

(Мт 26,14-16; Лк 22,3-6)

10 # Мт 26,2.47; Јн 6,71 Тогаш Јуда Искариотски, еден од дванаесеттемина, отиде кај првосвештениците за да им Го предаде. 11А тие, штом чуја, се зарадуваа и ветија да му дадат пари. И бараше погодно време за да Го предаде.

Подготвување на Пасхалната вечера

(Мт 26,17-19; Лк 22,7-13)

12 # 2 Мојс 12 А во првиот ден на празникот Бесквасници, кога го колеа пасхалното јагне, Неговите ученици Му рекоа: „Каде сакаш да отидеме и да приготвиме, за да ја јадеш Пасхата?“ 13#1 Цар 10,2-5И испрати двајца од Своите ученици и им рече: „Отидете во градот; и ќе ве сретне еден човек, што носи стомна со вода; одете по него. 14И на домаќинот на куќата во која тој ќе влезе, кажете му: ’Учителот прашува: каде е собата во која ќе ја јадам Пасхата со Своите ученици?‘ 15И тој ќе ви покаже голема, послана и приготвена соба на горниот кат; таму згответе ни.“ 16И Неговите ученици излегоа и дојдоа во градот, и најдоа сѐ како што им беше рекол, па ја приготвија Пасхата.

Исус го посочува предавникот

(Мт 26,20-25; Лк 22,14; Јн 13,21-30)

17Кога се стемни, Тој дојде со дванаесеттемина. 18#Пс 40,9И кога седеа на трпезата и јадеа, Исус им рече: „Вистина ви велам: еден од вас, што јаде со Мене, ќе Ме предаде.“ 19Тие се разжалостија и почнаа еден по еден да прашуваат: „Да не сум јас?“ И друг: „Да не сум јас?“ 20А Тој им одговори и рече: „Еден од дванаесеттемина е, што со Мене мака во чинијата. 21#Мт 8,20Но Синот Човечки си оди, како што е напишано за Него. Само тешко на оној човек преку кого Синот Човечки ќе биде предаден; подобро ќе беше за тој човек да не се беше родил!“

Востановување на светата Евхаристија

(Мт 26,26-29; Лк 22,14-20; 1 Кор 11,23-26)

22 # Мт 14,19; 15,36 И кога јадеа, Исус зеде леб, и благословувајќи, го прекрши, па им даде и рече: „Земете, јадете; ова е Моето тело.“ 23#1 Кор 10,16Потоа ја зеде чашата и заблагодарувајќи, им ја даде; и се напија од неа сите. 24#2 Мојс 24,8; Зах 9,11; Евр 9,20И им рече: „Ова е Мојата крв на Новиот завет, која се пролева за мнозина. 25#Ис 25,6; Лк 13,29Вистина ви велам: веќе нема да пијам од лозовиот плод сѐ до оној ден кога ќе пијам нов во царството Божјо.“ 26#11,1; Лк 22,39Па, откако испеаја благодарствена песна, се искачија на Маслиновата Гора.

Петар ќе се одрече од Исус

(Мт 26,31-35; Лк 22,31-34; Јн 13,36-38)

27 # 6,34; Зах 13,7; Мт 5,29; 26,56 И Исус им рече: „Сите ќе се соблазните поради Мене во оваа ноќ, зашто е напишано: ’Ќе удрам по пастирот и овците ќе се разбегаат.‘ 28#Мт 28,7.10.16А по Моето воскресение ќе отидам пред вас во Галилеја.“ 29Петар Му рече: „Дури и сите да се соблазнат, јас нема!“ 30#Јн 11,16И Исус му рече: „Вистина ти велам дека уште денес, во оваа ноќ, пред да пропее петел двапати, ти трипати ќе се одречеш од Мене!“ 31Но тој уште поодлучно говореше: „Ако затреба дури и да умрам со Тебе, нема да се одречам од Тебе.“ И сите го рекоа истото.

Исусовата молитва во Гетсиманија

(Мт 26,36-46; Лк 22,39-46)

32 # Јн 18,1 Пристигнаа во едно место, наречено Гетсиманија; и им рече на Своите ученици: „Поседете овде, додека да се помолам!“ 33#5,37; 9,2; Мт 17,1И ги зеде со Себе Петар, Јаков и Јован; и Го опфати длабок немир и почна да тагува, 34#Јона 4,9; Пс 41,5.11; 43,5па им рече: „Смртно е нажалена Мојата душа; останете тука и бидете будни!“ 35#Јн 12,27; 13,1; 17,1Па откако малку се оддалечи, падна на земја и се молеше, ако е можно, да Го одмине тој час; 36#Мт 6,10; 20,22; Јн 5,30; 6,38; Рим 8,15; Гал 4,6и велеше: „Ава, Оче, сѐ е можно за Тебе; отклони ја од Мене оваа чаша; но нека биде не како што Јас сакам, туку како Ти!“ 37Па дојде и ги затече како спијат, и му рече на Петар: „Симоне, спиеш ли? Не можеше ли еден час да бидеш буден? 38#Мт 6,13; 26,41; Лк 11,4; Рим 7,5Бидете будни и молете се, за да не паднете во искушение. Духот е бодар, но телото е слабо.“ 39И повторно отиде и се помоли, изговарајќи ги истите зборови. 40#Лк 9,32А кога се врати, повторно ги затече како спијат, зашто очите им беа натежнале; и не знаеја што да Му одговорат. 41#Јн 2,4; 7,30; 12,23.27; 13,1; 17,1И по третпат дојде и им рече: „Сѐ уште спиете и одмарате! Доволно е, дојде часот; еве, Синот Човечки се предава во рацете на грешници. 42Станете, да одиме! Еве, се приближи оној што Ме предава.“

Исусовото приведување

(Мт 26,47-56; Лк 22,47-53; Јн 18,3-12)

43 # 14,10; Мт 10,4 И веднаш, додека Тој сѐ уште говореше, дојде Јуда, еден од дванаесеттемина, и со него многу народ со мечеви и со стапови, испратени од првосвештениците, книжниците и старешините. 44А оној, што Го предаваше, им беше дал знак, велејќи: „Оној што ќе Го целивам, Тој е: фатете Го и водете Го претпазливо!“ 45#9,5; Лк 15,20Па, кога дојде, веднаш пријде до Него и рече: „Те поздравувам, Рави!“ И Го целива. 46А тие ги ставија своите раце на Него и Го фатија. 47#Јн 7,30.44; 18,10.26Еден, пак, од оние, што стоеја таму, извади нож, го удри слугата на првосвештеникот и му го отсече увото. 48Исус проговори и рече: „Зар како на разбојник сте излегле со мечеви и стапови да Ме фатите? 49#Лк 19,47; 21,37Секој ден бев со вас во храмот и поучував, и не Ме фативте. Но нека се исполнат Писанијата.“ 50#14,27; Зах 13,7; Јн 16,32И сите Го оставија и се разбегаа. 51А по Него врвеше некој млад човек, наметнат со платно врз голо тело; и војниците го фатија тој млад човек. 52#Амос 2,16Но тој го остави платното и побегна од нив гол.

Исус пред Синедрионот

(Мт 26,57-68; Лк 22,54-55.63-71; Јн 18,13-14.19-24)

53 # 11,27 И Го доведоа Исус кај првосвештеникот, и таму се собраа сите првосвештеници, старешини и книжници. 54А Петар одеше по Него оддалеку, сѐ до внатре, во дворот на првосвештеникот; па седна со слугите и се грееше на огнот. 55А првосвештениците и целиот Синедрион бараа сведоштва против Исус, за да Го погубат, и не наоѓаа. 56Зашто мнозина лажно сведочеа против Него, но тие сведоштва не се сложуваа. 57Па станаа некои и сведочеа лажно против Него, велејќи: 58#15,29; Јн 2,19.21; Дела 6,14; 2 Кор 5,1„Го чувме кога рече: ’Ќе го урнам овој ракотворен храм и за три дена ќе соѕидам друг, неракотворен.‘“ 59Но ниту тоа нивно сведочење не се сложуваше. 60Тогаш првосвештеникот застана на средина и Го праша Исус говорејќи: „Ништо ли не одговараш? Што сведочат овие против Тебе?“ 61#Ис 50,6-8; 53,7; Мт 14,33; Рим 1,25; 1 Птр 1,3Но Тој молчеше и ништо не одговараше. Првосвештеникот повторно Го праша и Му рече: „Ти ли си Христос, Синот на Благословениот?“ 62#Пс 109,1; Дан 7,13; Мт 8,20Исус рече: „Јас сум; и ќе Го видите Синот Човечки како седи од десната страна на Силата и како доаѓа на небесните облаци.“ 63#1 Мојс 37,30; Ест 4,1; Мт 26,65А првосвештеникот ја раскина својата облека и рече: „Каква потреба имаме веќе од сведоци? 64#3 Мојс 24,16; Мт 9,3; Јн 19,7Чувте како богохули; што мислите?“ И сите пресудија дека заслужува смрт. 65#15,19; Ис 50,6; Мт 27,30А некои почнаа да плукаат на Него, да Му го покриваат лицето, да Го удираат и да Му велат: „Погоди!“ И слугите Го удираа по образите.

Петровото одрекување

(Мт 26,69-75; Лк 22,56-62; Јн 18,15-18.25-27)

66А кога Петар беше долу во дворот, дојде една од слугинките на првосвештеникот, 67#Дела 4,13па, штом го виде Петар како се грее, го погледна и рече: „И ти беше со Исус Назареецот.“ 68#Мт 2,23Но тој одрече, велејќи: „Не знам, ниту разбирам што говориш.“ И излезе надвор пред дворот и запеа петел. 69Слугинката, гледајќи го повторно, почна да им зборува на оние што стоеја таму: „И овој е од нив!“ 70Тој повторно одрече. И малку подоцна, оние, што стоеја таму, повторно му рекоа на Петар: „Навистина, и ти си од нив; бидејќи си Галилеец, а и говорот ти е таков!“ 71#Дела 23,12.14.21А тој почна да се колне и заколнува: „Не Го познавам Човекот за Кого говорите!“ 72#14,30; Јн 13,38И по вторпат петел запеа. И Петар се сети на зборовите, што му ги кажа Исус: „Уште пред двапати петел да запее, трипати ќе се одречеш од Мене.“ И почна да плаче.

Currently Selected:

Марко 14: MAK2023

Highlight

Copy