Марко 1

Улогата на Јован Крстител

(Мт 3,1-12; Лк 3,1-18; Јн 1,19-28)

1 # 3,11; 5,7; 10,29; 13,10; 14,9.61-62; 15,39 Почеток на благовестието на Исус Христос, Син Божји. 2#2 Мојс 23,20; Мал 3,1Како што е напишано кај пророците: „Еве, Јас го испраќам пред Твоето лице Мојот ангел, кој ќе го подготви Твојот пат пред Тебе. 3#Ис 40,3; Јн 1,23Гласот на оној што вика во пустината: ’Подгответе го патот на Господа, исправете ги Неговите патеки.‘“ 4#Изреки 28,13; Мт 3,1-2; Лк 18,13-14; Дела 13,24Се појави Јован, крштевајќи во пустината и проповедајќи покајно крштевање за простување на гревовите. 5#3 Мојс 5,5-6; 26,40; Мт 3,6И доаѓаа кај него од целата јудејска земја и од Ерусалим, и сите се крштеваа од него во реката Јордан, исповедајќи ги своите гревови. 6А Јован беше облечен во камилски влакна и појас од кожа околу својата половина, и јадеше скакулци и див мед. 7#Дела 13,25Тој проповедаше, велејќи: „По мене иде Оној што е посилен од мене, Кому не сум достоен да Му се наведнам и да Му ги одврзам ремењата од обувките. 8#Мт 3,11; Дела 1,5Јас ве крстив во вода, а Тој ќе ве крсти во Светиот Дух.“

Исусовото крштевање

(Мт 3,13; Лк 3,21-22)

9А во оние денови дојде Исус од Назарет галилејски и се крсти од Јован во Јордан. 10#Ис 11,2; 42,1; 63,11И кога излегуваше од водата, веднаш виде како се отвораат небесата и како Духот, во вид на гулаб, слегува над Него. 11#9,7; 1 Мојс 22,2И се слушна глас од небесата: „Ти си Мојот возљубен Син, во Кого е Мојата волја.“

Исусовото искушување во пустината

(Мт 4,1-11; Лк 4,1-13)

12Веднаш потоа Духот Го изведе во пустината. 13#4,15; Зах 3,1; Јов 1,6; Јн 13,27; Рим 16,20; 1 Сол 2,18; 2 Сол 2,9И таму, во пустината, четириесет дена беше искушуван од сатаната; беше со ѕверовите и ангелите Му служеа.

Исус го проповеда благовестието во Галилеја

(Мт 4,12-17; Лк 4,14-15)

14 # Мт 4,12; Рим 1,1; 15,16 А потоа, откако Јован беше затворен, Исус дојде во Галилеја и го проповедаше благовестието за царството Божјо, 15#Мт 3,2; Гал 4,4; Ефес 1,10велејќи: „Времето се исполни и царството Божјо наближи; покајте се и верувајте во благовестието.“

Повик до четирите рибари

(Мт 4,18-22; Лк 5,1-3.10-11)

16 # 1,29; Јн 1,40-41 И, одејќи покрај Галилејското Море, Исус ги виде Симон и Андреј, Симоновиот брат, како фрлаат мрежа во морето, бидејќи беа рибари. 17#Мт 13,47-50Исус им рече: „Врвете по Мене и Јас ќе ве направам ловци на луѓе!“ 18#Мт 19,27И тие веднаш ги оставија мрежите и тргнаа по Него. 19#1,29; 3,17; 10,35Па, штом отиде уште малку понатаму, ги виде Јаков Зеведеев и брат му Јован кои, исто така, беа во кораб и си ги крпеа мрежите; 20веднаш ги повика и нив. И тие, откако го оставија својот татко Зеведеј во коработ со наемниците, тргнаа по Него.

Исус во Капернаум

(Лк 4,31-37)

21 # 6,2; Лк 4,16 И дојдоа во Капернаум; и веднаш во саботата Тој влезе во синагогата и поучуваше. 22#6,2; 11,18; Мт 7,28-29И се чудеа на Неговата наука, зашто Тој ги учеше како Оној што има власт, а не како книжниците. 23#5,2А во нивната синагога имаше еден човек со нечист дух, кој извика, велејќи: 24#Мт 2,23; 8,29; Лк 4,34; Јн 6,69; Дела 3,14; 4,27.30 „Што имаш Ти со нас, Исусе Назареецу?! Си дошол ли да нѐ погубиш? Те знам Кој си – Божјиот Светец!“ 25#7,36; 9,9.25; Лк 4,39.41Но Исус му заповеда, велејќи: „Замолкни и излези од него!“ 26Тогаш нечистиот дух го стресе човекот и, извикувајќи со силен глас, излезе од него. 27#1,22; 10,24И сите се ужаснаа, така што еден со друг се прашуваа и велеа: „Какво е ова ново учење, штом со власт и на нечистите духови им заповеда, и тие Му се покоруваат?“ 28И веднаш се разнесе глас за Него по целиот Галилејски крај.

Излекување на Симоновата тешта

(Мт 8,14-17; Лк 4,38-39)

29 # 13,3 Штом излегоа од синагогата, со Јаков и Јован дојдоа во куќата на Симон и Андреј. 30#Јн 4,52; Дела 28,8А тештата на Симон лежеше со треска; и веднаш Му кажаа за неа. 31Тој пристапи, ја фати за рака и ја подигна; и треската веднаш ја остави; и таа им служеше.

Исус лекува мнозина

(Мт 4,24; 8,16-17; Лк 4,40-41)

32 # Мт 8,16; Лк 4,40 А приквечер, кога заоѓаше сонцето, кај Него донесоа секакви болни и опседнати од демони. 33И целиот град се беше собрал пред вратата. 34#1,25; 3,12И Тој излечи мнозина болни што страдаа од разни болести; истера мноштво демони и не им дозволуваше на демоните да зборуваат дека знаат оти Тој е Христос.

Исус во Галилеја

(Мт 4,23; Лк 4,42-44)

35 # Мт 14,13.23; 26,36; Лк 3,21 А следното утро, во темни зори, стана, излезе и отиде во пусто место и таму се молеше. 36А Симон и оние што беа со Него, тргнаа да Го бараат; 37#Лк 8,40па, кога Го најдоа, Му рекоа: „Сите Те бараат!“ 38#Лк 4,43; Јн 18,37А Тој им рече: „Да појдеме до блиските села и градови, и таму да проповедам, бидејќи затоа дојдов.“ 39#Мт 4,23И проповедаше во нивните синагоги, по цела Галилеја и изгонуваше демони.

Исус исцелува лепрозен

(Мт 8,1-4; Лк 5,12-16)

40 # 3 Мојс 13,45; Мт 17,14 И дојде кај Него еден лепрозен, па, молејќи Го, падна на колена пред Него и Му рече: „Ако сакаш, можеш да ме очистиш.“ 41#5,30; 8,2; 9,22; Мт 9,36; 18,27; Лк 7,13; 10,33; 15,20А Исус се смилува, ја испружи раката, се допре до него и му рече: „Сакам, очисти се!“ 42И штом го рече тоа, се изгуби лепрата од него, и тој се очисти; 43#Мт 9,30Па го отпушти и строго му заповеда, 44#1,25.34; 3 Мојс 14,2-32; Лк 17,14велејќи му: „Гледај, никому ништо да не кажуваш; туку отиди, покажи му се на свештеникот и принеси дар за твоето очистување, како што заповедал Мојсеј, за ним да им се посведочи.“ 45А тој, штом излезе, почна многу да проповеда и да разгласува за тоа, така што Исус не можеше јавно да влезе во градот, туку се задржуваше надвор, во осамени места. И доаѓаа кај Него отсекаде.

Currently Selected:

Марко 1: MAK2023

Highlight

Copy