Јован 20

Празниот Исусов гроб

(Мт 28,1-8; Мк 16,1-8; Лк 24,1-12)

1 # Мт 27,56; Дела 20,7; 1 Кор 16,2 Во првиот ден од седмицата Марија Магдалина дојде на гробот рано, уште додека беше темно, и виде дека каменот од гробот е поместен. 2#13,23; 18,15; 19,26; 21,7.20Па отрча и дојде кај Симон Петар и кај другиот ученик, кого Исус го љубеше, и им рече: „Го зеле Господа од гробот и не знам каде Го положиле.“ 3Тогаш Петар и другиот ученик излегоа и појдоа кон гробот. 4И обајцата трчаа заедно, но другиот ученик трчаше побргу од Петар и прв дојде кај гробот. 5И наведнувајќи се, ги виде повоите кај лежат, но не влезе. 6#11,40.44; 19,40; Лк 24,24По него дојде Симон Петар, влезе во гробот и ги виде повоите кај лежат; 7а крпата, што Му беше на главата, не лежеше со повоите, туку одделно свиткана на едно место. 8Тогаш влезе и другиот ученик, кој прв дојде до гробот, и виде и поверува, 9#5,39; Пс 15,10; Мт 5,17; Дела 2,27.31; 1 Кор 15,4зашто уште не го беа разбрале Писмото дека Тој треба да воскресне од мртвите. 10Тогаш учениците се вратија дома.

Исус ѝ се јавува на Марија Магдалина

(Мк 16,9-11)

11А Марија стоеше кај гробот однадвор и плачеше. И како што плачеше, се наведна над гробот; 12#Мт 28,2-5; Мк 16,5; Лк 24,23; Евр 1,14; Откр 3,5; 4,4и виде два ангела во бели облеки како седат, едниот кај главата, а другиот кај нозете, каде што беше лежело Исусовото тело. 13#20,2Тие ѝ рекоа: „Жено, зошто плачеш?“ Им одговори: „Го зеле мојот Господ и не знам каде Го положиле!“ 14#21,4; Лк 24,16; 2 Кор 5,16И штом го рече ова, се заврте назад и Го виде Исус како стои; но не знаеше дека е Исус. 15Исус ѝ рече: „Жено, зошто плачеш? Кого бараш?“ Таа, мислејќи дека е градинарот, Му рече: „Господине, ако си Го однел Ти, кажи ми каде си Го положил, и јас ќе Го земам.“ 16#Мк 10,51Исус ѝ рече: „Марија!“ Таа се заврте и Му рече: „Равуни“ – што значи: „Учителе!“ 17#13,33; 14,2-3.28; 16,5-7; Пс 21,22; Мт 12,49; 28,10; Дела 1,3; Рим 8,29; 15,6 Исус ѝ рече: „Не допирај се до Мене, зашто уште не сум се вратил кај Мојот Отец; туку отиди кај Моите браќа и кажи им: ’Се враќам кај Мојот Отец и вашиот Отец, кај Мојот Бог и вашиот Бог‘.“ 18Дојде Марија Магдалина и им кажа на учениците дека Го видела Господа и дека тоа ѝ го рекол.

Исус им се јавува на Своите ученици

(Мт 28,16-20; Мк 16,14-18; Лк 24,36-49)

19 # 14,18-19; Мт 18,20 А вечерта во истиот ден, првиот од седмицата, кога вратата, каде што беа собрани Неговите ученици беше затворена поради страв од Јудејците, дојде Исус, застана насреде и им рече: „Мир вам!“ 20#15,11; 16,20.22; 19,34И штом го рече ова, им ги покажа Своите раце и ребра. И учениците се зарадуваа кога Го видоа Господа. 21#17,18; Мт 28,19; Мк 16,15А Исус повторно им рече: „Мир вам! Како што Ме прати Отецот, и Јас ве праќам вас.“ 22#1,33; 7,39; 1 Мојс 2,7; Ез 37,9; Мудр 15,11; Дела 1,8; 1 Кор 15,45И кога им го кажа ова, дувна и им рече: „Примете Го Светиот Дух! 23#Мт 16,19; 18,18На оние на коишто ќе им ги простите гревовите, ќе им се простат, а на оние на коишто ќе им ги задржите, ќе им се задржат.“

Исус и неверниот Тома

24 # 11,16; 14,5; 21,2 А Тома, еден од дванаесеттемина, наречен Близнак, не беше со нив кога дојде Исус. 25#19,34; 1 Кор 9,1Другите ученици му рекоа: „Го видовме Господа!“ А тој им рече: „Ако не ги видам раните од клинците на Неговите раце, и не го ставам својот прст во раните од клинците, и не ја ставам својата рака во Неговите ребра, нема да поверувам!“ 26#14,27; 20,19А по осум дена Неговите ученици пак беа собрани, и Тома беше со нив. Дојде Исус, кога вратата беше заклучена, застана насреде нив и рече: „Мир вам!“ 27#20,25; Мк 16,14; Лк 24,25.40Потоа му рече на Тома: „Дај го својот прст овде и види ги Моите раце; дај ја својата рака и стави ја во Моите ребра; и не биди неверен, туку верен!“ 28Тома одговори и Му рече: „Господ мој и Бог мој!“ 29#4,48; 17,20; 1 Птр 1,8Исус му рече: „Ти поверува затоа што Ме виде; блажени се оние кои не виделе, а поверувале.“

Целта на оваа книга

30 # 21,25 И уште многу други чуда направи Исус пред Своите ученици, што не се запишани во оваа книга. 31#1,12; 3,15-16; Дела 2,36; Рим 1,4; 1 Јн 5,13А овие се запишани за да поверувате дека Исус е Христос, Синот Божји, та, верувајќи, да имате живот во Неговото име.

Currently Selected:

Јован 20: MAK2023

Highlight

Copy