Tegagia 36

Inuleno i Esau

36:1-19

1 # 1Taw. 1:35-37 Ndiomo inuleno i Esau, anu nineeako mbo'u i Edomi. 2#Teg. 26:34I Esau umala ira beinedo to Kana'a gagi beineno: i Ada, anano i Eloni to Heti, ka i Oholibama, anano i Ana ka ana'ueno i Sibeoni to Hewi, 3#Teg. 28:9saru i Basama, anano i Sumaila, uaino i Nebaioti. 4I Ada me'anaakono i Elipasi anano i Esau, i Basama me'anaakono i Rehueli, 5ka i Oholibama me'anaakono i Yeusi, i Yaelami ka i Kora. Onaemo atuu luwuno anano i Esau anu pine'anaako i wita Kana'a.

6I Esau wawa ira beineno, luwuno anano tama ka beine ka luwuno mia anu kongko i rahano, luwuno pinotuwuno ka luwuno arataano anu hinaweno i wita Kana'a, lumako i wita susua, mensua saru i Yako, uaino. 7Hangano, arataado tedoa hadio ranta nahi dopokompe'asa mpo'ia, ka wita po'iangado nami te'ula hangano hadiono pinotuwudo. 8Ka i'amba i Esau mo'iampiha i mentorukuno Seiri. I Esaumo atuu i Edomi.

9Ndiomo inuleno i Esau, amado to Edomi, i mentorukuno Seiri. 10Needo luwuno anano i Esau onaemo i Elipasi, anano i Ada beineno i Esau, ka i Rehueli, anano i Basama beineno i Esau. 11Luwuno anano i Elipasi onaemo i Temani, i Omara, i Sepo, i Gaetami ka i Kenasi. 12I Timina onaemo beineno mongurano i Elipasi anano i Esau. Onae me'anaakono i Amale anano i Elipasi. Ondaemo atuu ana'ueno i Ada beineno i Esau. 13Ndiomo luwuno anano i Rehueli: i Nahati, i Serahi, i Siama ka i Misa. Onaemo atuu luwuno ana'ueno i Basama beineno i Esau. 14Ndiomo luwuno anano i Oholibama, beineno i Esau atuu, anano i Ana ka ana'ueno i Sibeoni. Onae me'anaakono i Yeusi, i Yaelami ka i Kora.

15Ndiomo luwuno petewawa suku inso a inuleno i Esau: inuleno i Elipasi ana akano i Esau, onaemo petewawado suku Temani, petewawado suku Omari, petewawado suku Sepo, petewawado suku Kenasi, 16petewawado suku Kora, petewawado suku Gaetami ka petewawado suku Amale; onaemo atuu luwuno petewawado sukuno Elipasi i wita Edomi, inuleno i Ada. 17Inuleno i Rehueli anano i Esau onaemo petewawado suku Nahati, petewawado suku Serahi, petewawado suku Siama ka petewawado suku Misa; onaemo atuu luwuno petewawado sukuno i Rehueli i wita Edomi, inuleno i Basama beineno i Esau. 18Inuleno i Oholibama beineno i Esau onaemo petewawado suku Yeusi, petewawado suku Yaelami, petewawado suku Kora. Onaemo atuu luwuno petewawado sukuno i Oholibama, beineno i Esau, ana beineno i Ana. 19Onaemo atuu inuleno i Esau, onaemo i Edomi, ka onaemo atuu luwuno petewawano sukudo.

Inuleno i Seiri

36:20-30

20 # 1Taw. 1:38-42 Ndiomo luwuno anano i Seiri, to Hori, palilino wita atuu: i Lotani, i Siobali, i Sibeoni, i Ana, 21i Disioni, i Eseri, i Disiani. Onaemo atuu luwuno petewawano sukudo to Hori, luwuno anano i Seiri i wita Edomi. 22Luwuno anano i Lotani onaemo i Hori ka i Hemani, ka pepaekompono beine i Lotani onaemo i Timina. 23Ndiomo luwuno anano i Siobali: i Alawani, i Manahati, i Ebali, i Siepo ka i Onami. 24Ndiomo luwuno anano i Sibeoni: i Aia ka i Ana; i Ana onaemo anu humaweo ba opia mata uwoi mokula i pada one, tempono onae tekonai mompakambi kalideno i Sibeoni, amano atuu. 25Ndiomo luwuno anano i Ana: i Disioni ka i Oholibama ana beineno i Ana. 26Ndiomo luwuno anano i Disioni: i Hemadani, i Esibani, i Yitirani ka i Kerani. 27Ndiomo luwuno anano i Eseri: i Bilihani, i Sa'awani ka i Akani. 28Ndiomo luwuno anano i Disiani: i Usi ka i Arani. 29Onaemo atuu luwuno petewawano sukudo to Hori: petewawado suku Lotani, petewawado suku Siobali, petewawado suku Sibeoni, petewawado suku Ana, 30petewawado suku Disioni, petewawado suku Eseri ka petewawado suku Disiani. Onaemo atuu luwuno petewawano sukudo to Hori montonda pepe'etuado i wita Seiri.

Luwuno mokoledo to Edomi

36:31-43

31 # 1Taw. 1:43-54 Ndiomo luwuno mokole anu moparenta i wita Edomi, se'eluno napi hina te'asa mokole anu moparenta a nto Isaraeli. 32I Bela anano i Beori gagi mokole i Edomi ka kotano meneeako Dinihaba. 33Mansano mate i Bela, i Yobabi anano i Serahi inso i Bosora gagi mokole umeuo. 34Mansano mate i Yoba, i Husiami inso i witado to Temani gagi mokole umeuo. 35Mansano mate i Husiami, i Hadadi anano i Bedadi gagi mokole umeuo. I Hadadimo anu numangi ira to Midia i wita Moabi, ka kotano meneeako Awiti. 36Mansano mate i Hadadi, i Samala inso i Masareka gagi mokole umeuo. 37Mansano mate i Samala, i Saulu inso i Rehobo i wiwi ngkorono gagi mokole umeuo. 38Mansano mate i Saulu, i Baala-Hanani anano i Akebori gagi mokole umeuo. 39Mansano mate i Baala-Hanani, i Hadari gagi mokole umeuo. Kotano meneeako Pahu ka beineno meneeako i Mehetabe'eli ana beineno i Materedi ana beineno i Mesahabi.

40Ndiomo needo luwuno petewawa sukuno i Esau montonda pepe'etuado ka po'iangado, saru needo asa mia ka asa mia: petewawado suku Timina, petewawado suku Aliwa, petewawado suku Yeteti, 41petewawado suku Oholibama, petewawado suku Ela, petewawado suku Pinoni, 42petewawado suku Kenasi, petewawado suku Temani, petewawado suku Mibisari, 43petewawado suku Magadieli ka petewawado suku Irami. Onaemo atuu luwuno petewawado sukuno i Edomi, montonda po'iangado i wita pine'uedo. I Esau atuu amado to Edomi.

Currently Selected:

Tegagia 36: XMZ

Highlight

Copy