Mataio 6
6
1La’aruku pa awkuai a’a anu paku ai uku oro nomo umu opara inamu‐oiane‐iai; noro la’aruku awkuane a’a anu avioia eiai kavani eria keiakana noro eiai nomo Mai mere pani muku ai.
2Noro la’aruku awkuane pi’i laea pa liai nomo paku ai ewaea a’a‐oro orau li’ina omoro marea laru ai, pai’iri inu kanikara ai ane, uku oro a’a aruru unu avioia miane‐iai. Nai kurunaina kapoi, Omo kavani oro mi’ina.
3Noro la’aruku awkuane oivirine nomo eve keau ipali’inavaia la’aruku nomo eve miki awkuna:
4Oivirine nomo la’aruku vauavaua awkuakeia’ane, nomo Mai vauavaua ai inamu‐oina U kavani nakuakana.
5Noro nawki‐awkava’ane, ewaea a’a‐oro orau noro pa liai: nawki‐awkavai omoro marea laru ai oimakina, pai’iri kanikara ai ane, oro umuli’ina, a’a‐oro inamu‐eiane‐iai. Nai kurunaina kapoi, omo kavani oro mi’ina.
6Noro nawki‐awkava’ane, nomo marea anu lalava ikirine, kikau awkune ane, nomo Mai vauavaua ai noro nawki‐awkane, nomo Mai vauavaua ai inamu‐oina, U kavani nakuakana.
7Noro nawki‐awkava’ane kape eria voa uaro pa awkavai orau lai unuku a’a‐oro li’ina: oro laikorana omo nawki viriakeiakana uku omo uaro voa eiai.
8Omo opara pa ipi‐awmiai uku nomo Mai nomo oea‐rokoa ipali’ina nomo nawki inu pani paku ai.
9Erau voa noro nawki‐awkane; Ene Mai e, pani muku ai, Ni nawi iaa evere’enamoki,
10Ni eiei anenamoki. Ni lai pani va’au ai, pani muku ai orau, li’inamoki.
11Ei lare pei akune ei lare eiai.
12Enei paue’ami’ine ene namea opara eiai, orau ene mani a’a enei paue’emiane euna.
13Ailia pani ai Ni paiakane, avaea lipi mere Ni iakane: uku eiei, iva ane, evao’evao ane, Ni eiai keina opai keiakana. Amene.
14Noro a’a e paue’emiane omo opara lipi eiai nomo pani muku Mai awku pauena?-?miakana nomo namea opara eiai.
15Noro a’a e paue’em?-?iape liane uku omo namea opara eiai, nomo Mai awku pauenamiapea nomo namea opara eiai.
16Noro pei lariliane ewaea a’a‐oro orau paku moroa noro pa miai, omo paku oro rurupu‐ekana a’a‐oro inamu‐eiane‐iai oro pei larili’ina. Nai kurunaina, Omo kavani oro mi’ina.
17Noro pei lariliane nomo uku kimari mera muri muramura orekane, nomo paku awku erekine;
18Uku a’a aruru inamu‐oinavaia noro pei larilimakina, a nomo Mai vaua?-?vaua ai inamu‐naiane‐iai: nomo Mai vauavaua ai inamu‐oina U kavani nakuakana.
19Noro eiai pani va’au ai aru pa roikiai, uku io, iri‐aro ane, aru oa’ana, avapu a’a awku aru unu keia mako koravaka‐ikirina, aru avapuli’ina ane.
20Noro eiai ima awku roikine pani muku ai, iou ai io, iri‐aro ane, a‐oa’anakea, avapu a’a awku a‐ikirinakea.
21Uku iou ai nomo aru uakeina, iou ai nomo umu awku keiakana.
22Inamu kape enu lamepa keina: inamu unu emai ima keia’ane, nomo kape iki pamea evopoakeina.
23A nomo inamu unu emai lipi keia’ane nomo kape iki muru evopoakeina. Kurua pamea noro laru ai muru keia’ane, kurua muru ovara kapoi.
24A’a kapeo amua rere kamaia‐ekavai li’ina; amua monou u vai’i‐awkavakana naea; amua mo umu‐awkavakana naea; amua monou u paiokavakana naea, amua mo u lari‐awkavakana naea. Eloi, moni ane, noro kamaia‐awkavai liapea.
25Ou uku eiai Nai kurunaina, Lai kukupuna pa miai pei eiai, ere awku eiai, noro navakana; kape awku eiai uku a’a kape noro lukiaka?-?rokoakana. Rokoa pei inu amua peana? Kape a’a kape enu amua peana?
26Naku‐oro inamu‐ekie?-?kane oro pani muku ai area‐enana, pei inu uru oro a?-?voenakea, iri uru oro a‐ie’?-?enakea, pei marea laru ai oro iri uru a‐roikinakea; nomo Mai pani muku ai pei ekuna. U noro naiviria?-?peana?
27Nomo a’a koana u umu?-?liane una kape u va’au‐eai amali’i?
28Uku oiana noro kukupuna mi’ina a’a kape eiai? Iri‐a’a inamu‐eine, oro iaki a‐li’inakea.
29Nai kurunaina, Solomona anu vaupa a’a kape vapara miakape vapara orau ei iri‐a’a mi’ina.
30Eloi iri‐a’a vapara ekuane, iri‐a’a ei lare rokoamakina, namai lare iau laru ai ruawkavakeiakana; a’a kape U nakuapeana, peroro e‐ea a’a e?
31Lai kukupuna pa miai, erau voa pa veve’eai, Enei pei oiama‐namau? Enei a’a kape oiamalukimau.
32Uku ei vevea lai unuku a’a panipani ai veve’ema?-?kina; nomo oea‐rokoa awku uriria nomo Mai ipali’ina.
33Eloi inu eiei noro pinai evorone, Una opara anana ane; ei awku uriria nakuakeiakana.
34Uku namai eiai lai kukupuna pa miai; namai inu awku namai mianeakana. Lare monou kukupuna mi’ina lare monou eiai.
Currently Selected:
Mataio 6: IAR1920
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1920.
