Mataio 19
19
1Iesu ei omoro voa oailiaka’ane Galilaia mere U enanave, Iudea eiei Ioridana anelai U ikirimanenave.
2A’a aruru ovara e’e’okanave, U aukariekanave ane.
3Uku Una voa ipiai Parisea a’a varomo U ai anenave, erau voa veve’enave ane, Opara anana ana vaki una a’e kaiai panipani ai u umuliane?
4U erau voa veve’einave, Noro oraiapeana uku U ane U orere pinai pani mere vaki, a’e ane, karikinave,
5U erau voa kurunave ane, Ei uku eiai vaki una mekai, mei ane, ave’eiakana, una a’e paikiakeiakana ane; orere monou keiakana?
6Orau orere a’a rere peo, orere monou keina. A’a Eloi epaikiane euna a’a pa koravai.
7Oro erau voa veve’enave, Uku oiana Mose awkiaka vaki una a’e unioia revareva awkuai, a’e kaiai ane?
8U kuruenave, Uku nomo lai inu kane eiai Mose evere’enave noro nomo a’ero kaiai; a ei opara keiape pinai pani mere.
9Nai kurunaina, A’e eve’eve liape liane, una vaki laoiane, a’e mo miane, kurua vaki eve’eve li’ina: vaki awku kurua laoiakeia a’e miakana, u awku eve’eve liakana.
10Una aivara‐oro erau voa kurunave, Ei voa miki keia’ane uku vaki una a’e ane, opara ima peo vaki a’e miai.
11U erau voa kuruenave, A’a kavakava ei ipawkia voa anu miki ipapeo, oro e lai evera ekuakeia’ane euna ei voa eiai.
12A’a varomo eunuka kiniakei’inave: a’a mo i a’a eunuka eiakei’inave: a’a mo eunuku keina uku omo kape oro eunuku‐ei’inave uku pani muku eiei eiai. A’a lai evera mi’ina ei voa ipaliai u mi’inamoki.
13Upi‐oro U ai are’ekavakei’inave Una eve omo uku upa mere U aiane‐iai, nawki‐awkava’ane‐iai ane: Una aivara‐oro upi U ai aneai ei’inave.
14Iesu erau voa kuruenave, Upi‐oro Nai ai anenameki, oro aneai pa eiai: uku pani muku eiei a’a oro orau keina.
15Omo uku upa mere Una eve U ai’inave, ou mako mere U ave’enave.
16A’a monou U ai anenave, erau voa veve’enave ane, Amua e, oi ima ana nai liakana nai rokoa opai miane‐iai?
17Iesu erau voa veve’enave, Uku oiana ni veve’i’ina opara ima eiai? Monou e ima keina; ni rokoa ikiriai umuliane Vupu kamaia‐ekane.
18U erau voa veve’enave, Vupu ekara’ana? Iesu kurunave, A’a pa avai, eve’eve pa liai, avapu pa liai, a’a e pa aviai,
19Ni mekai, mei ane, avieine: a’a e umu‐awkane orau ni nane ni umu‐nikana.
20Ei roropaea erau voa kurunave, Ei vupu uriria nai kamaia‐ekava’ane euna; oiana mo uakeina nai miape?
21Iesu erau voa kurunave, Opara anana a’a keiai ni umuliane, enara ni aru uriria inaeali’ira, aru kavani rurupu a’a ekura, kavani ni miakana pani muku ai, vairune, e’e’ikane ane.
22Roropaea ou voa viriaka’ane u lai kukunu elenave: uku aru aua ovara u miaka.
23Una aivara Iesu erau voa kuruenave, Nai kurunaina kapoi, Kane miki aru‐mia a’a eiai pani muku eiei ikiriai.
24Ei voa awku Nai kurunaina, Kamela pai’iri vara anukikau akikeikiriai paraka mau‐u keina; aru‐mia a’a Eloi inu eiei ikiriai kane miki keina.
25Una aivara ou voa viriaka’ane oro varuavakei’inave, erau voa veve’einave ane, iawkavai Koama liakei’i?
26Iesu erau voa kuruenave, A’a a’a iawkavai liapea, a awku uriria Eloi liai li’ina.
27Petero erau voa kurunave, Akoi’i, awku uriria enei ave’eiane euna, e’enikava’ane euna ane, oi kavani ana enei miakana?
28Iesu erau voa kuruenave, Nai kurunaina kapoi, Ea‐nawawrea pani ai A’a anu Mere Una evao’evao pakara ai pa’ava’ane, noro awku pakara 12 monou‐monou pa’avakana, Isaraela kaki a’a 12 noro voa veve’eiakana.
29A’a kavakava marea naea, aroa a’a naea, aro a’e naea, mekai naea, mei naea, a’e naea, ukua naea, aura naea, ave’eane euna Nai eiai, u kavani ovara miakana, rokoa opai u miakana ane.
30A a’a aila oro eai pinai keina oro ika keiakana; ika a’a oro pinai keiakana.
Currently Selected:
Mataio 19: IAR1920
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1920.
