Mataio 16
16
1Parisea a’a‐oro awku Sadukea a’a‐oro kiripai U ai anenave, oro nawki‐awkanave vupu kaia ai U ipekiai.
2U erau voa kuruenave, Lare eua pani ai noro erau voa kuruna, Pani lare uakaiakana uku kaia aira kerere keina;
3Merea pani ai noro erau voa kuruna, Ei lare pani lipi uakaiakana uku kaia aro, nekuku awku, keina. Kaia anu vupu‐oro noro ipali’ina, a pani inu vupu‐oro noro a‐ipalinakea.
4Namea eve’eve kiri a’a vupu vorona; vupu eria awkuakeiakana, Iona laikorava a’a anu vupu e uakeina oro eiai. U ave’einave Una aki enavai.
5Una aivara‐oro iou ane mekai maneaka’ane pu mi‐aneai oro aikavaka.
6Iesu erau voa kuruenave, Oivirine uku Parisea a’a, Sadukea a a ane, uku omo opara eiai veila ika orau parua’ana.
7Oro erau voa ekinamakei’inave, Ei voa naea uku enei pu mi‐aneai aika’ane euna.
8Oro voa ekinamakei’inave Iesu inamu‐ei’inave ane U erau voa kuruenave, Peroro e’ea a’a e, uku oiana noro voa nakinamakina uku noro pu eria mi’ina?
9Noro ipapeana, pu aw 5 ane a’a aruru 5,000 mi’inave noro laikora‐nakiapeana, kekai ekara aru ana noro pei kakai ama‐roiki’e?
10Pu aw 7 ane a’a aruru 4,000 mi’inave, kekai ekara aru ana noro pei kakai ama‐roiki’e?
11Uku oiana noro ipapea Nai a‐kurunainavea uku pu eiai Nai erau voa kuruane, Oivirine uku Parisea a’a, Sadukea a’a ane, uku omo opara eiai veila ika orau parua’ana?
12Ou pani ai oro ipali’inave U a‐ekinavea uku pu unu veila ika eiai, a uku Parisea a’a, Sadukea a’a ane, enu ipawkia voa eiai U ekinave.
13Iesu Kaisaria Pilipi ai paiaka’ane Una aivara‐oro U erau voa veve’einave, Uku Nai A’a anu Mere a’a‐oro oiamakuru’i?
14Oro erau voa kurunave, A’a varomo kuruna Ni Ioane Bapatiso: a’a mo kuruna Elia, a’a e kuruna Ieremia naea, laikorava a’a anu a’a monou naea.
15U erau voa veve’einave, A noro oiamakuru’i uku Nai?
16Simona Petero erau voa kurunave, Ni Keriso, Eloi rokoa anu Mere.
17Iesu erau voa kurunave, Simona Ba‐Iona e, ni kopai‐awkavakeina uku oia, aro ane, ei lai evera ipanikiape, Na Mai pani muku ai U e ei lai evera ipanikiane euna.
18Nai kurunina kapoi, Ni Petero keina, ei rawre upa mere Na ekalesia Nai la‐okavakana; Hade enu kikau Na ekalesia upupuapea.
19Pani muku eiei inu taviri Nai nikuakana: awku kavakava pani va’au ai ni piriakana pani muku ai piriakeiakana: awku kavakava pani va’au ai ni ururuakana pani muku ai ururuakeiakana.
20U Keriso keina U ekinave a’a e pa awkiai.
21Kurua pani mere Una aivara Iesu ipekinave Ierusalema ai U enavai limakina, kukunu aila miakana mai‐oro mere, omoro amua a’a‐oro mere, kikiria a’a‐oro mere, avakeiakana, lare rere kaiane periakeia’ane imua mere la’avakeiakana.
22A’a mere Petero ora’anave, erau voa kurunave ane, Amua e, ei awku evere’eakeiapea Ni eiai.
23U urukinave, Petero erau voa awkinave, Neko mere ai enara Satani e: ni uai keina Nai eiai: ni lai Eloi inu lai peo, a’a anu lai ni mi’ina.
24Iesu Una aivara‐oro erau voa kuruenave, A’a e’e’ikavai umuliane una nane u inakali’inamoki, una iri keoa u uakinamoki, e’e’ikanamoki ane.
25Uku a’a kavakava una rokoa iawkavai umuli’ina una rokoa u paukiakana: a’a una rokoa paukiai umuli’ina Nai eiai una rokoa u auiakana.
26Oi kavani ana a’a miakana u pani va’au iki miane, a una imunu u paukiane? oi kavani ana a’a awkuakana una imunu eiai?
27Uku A’a anu Mere Una Mai inu evao’evao aneakana Una aivara‐avaea oro kiripai: a’a anu opara orau u liane euna U a’a kavakava kavani awkuakana.
28Nai kurunaina kapoi, A’a varomo eu ai oimakina oro imuapea anea’anea A’a anu Mere oro inamu‐oiane Una eiei ai aneliviai anelia.
Currently Selected:
Mataio 16: IAR1920
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1920.
