Luka 8
8
1Maura pani ai Iesu Una aivara 12 kiripai aki‐enanave pai’iri pai’iri ai, omoro kurumakei’inave, Iva voa ipekimakei’inave Eloi inu eiei eiai.
2A’ero varomo ane, oro mere avaea lipi laeiakeiaka, omo maia ane aukarieka?-?vakeiaka, Maria Magadala ane, u mere avaea lipi 7 laeiakeiaka,
3Ioana ane, Kusa anu a’e, ei vaki Heroda anu aru oiviria a’a kei’inave, Susana ane, a’ero mo aila Iesu kiripai aki‐enanave, omo peipei mere oro uriria Iesu, Una aivara ane, paiekanave.
4A’a aruru ovara kaupukiaka’ane, pai’iri kavakava mere a’a mo U ai anemakei’inave, aipo voa U ipekinave:
5Uru voea a’a uru voeai elenave: u uru voemakei’inave varomo kapea ai ara’anave; are oiniakei’inave ane, naku uru na’anave.
6Uru varomo rawre upa mere ara’anave: lala’anave ane, emoki paroro‐li’inave, uku rawre upa mere ere eria kei’inave.
7Uru mo aimu awkono avao ai ara’anave; aimu lala’anave, uru unu veve e‐a’anave ane.
8Uru mo kae ima mako ai ara’anave, lala’anave, uru 100 merinave ane. U ei voa kuruaka’ane, voa araro U erau voa laeali’inave, Keporo mia a’a u virinamoki.
9Una aivara erau voa veve’enave, Ei aipo voa anu miki oiana?
10U erau voa kuruenave, Lai evera nakuakeina Eloi inu eiei vauavaua awku ipaliai: a’a e uriria i aipo voa ipekiakeina; oro inamu‐ekimakina oro inamu‐oinavaia, oro virimakina oro ipali’inavaia.
11Aipo voa anu miki eire: uru Eloi inu voa keina.
12Kapea a’a oro a’a Iva voa viriane euna; diabolo anena Iva voa omo umu mere iou‐mi’ina, oro pirimaroakonavaia, iekavakei?-?navaia ane
13Rawre upa mere a’a oro Iva voa viriane oro kopai?-?pirimaroakona; oro neva eria mi’ina, pani mau’u oro pirimaroakona, ailia pani ai oro ara’ana.
14Uru aimu awkono avao ai inu miki a’a oro Iva voa viriane euna oro omo kapea ai enava’ane, i ei rokoa anu kukupuna, moni mia aru ane, lupa anu awku ane, oro makoukiakeina, uru ima oro meriapea.
15Uru kae ima mako ai inu miki a’a oro Iva voa lai anana, lai ima ane, viriane euna, Iva voa kevere‐kevere a’akina, uru merina ane.
16A’a lamepa iau awkuane u lamepa ruawkiapea, awaw pakara arau ai pa?-?okapea; lamepa pakara upa mere u lamepa pa‐okana a’a marea ikiriane oro pamea inamu‐oiane‐iai.
17Uku vauakeia awku ipawkiakeiakana; vauavaua awku pamea ai aneakana.
18Oivirine noro imai viriane‐iai: uku awku mia a’a awku mo awkuakeiakana; a’a u kape keina kurua awku u laikorana u mi’ina u mere kurua awku iou‐miakeiakana.
19Una mei, ovaki oro ane, U ai anenave, uku a’a aruru unu kouakoua eiai oro Una paku ai ikiriai a‐li’inavea.
20Oro erau voa awkinave, Ni mei, ovaki oro ane, iki ai oimakina, inamu‐niai oro umulimakina.
21U erau voa kuruenave, Na mei, Na ovaki ane, oro a’a ane oro Eloi inu voa virina, kamaiali’ina ane.
22Lare monou Una aivara kiripai U mapea lakenave: U erau voa kuruenave, Enei Ururu ke’enamaki. Oro ke’enave.
23Oro vaura‐vaura‐ke’?-?emakei’inave U awawkei’inave: kavaea ovara Ururu ai evukinave; ere karukaru mapea ai pururu‐lakenave, oro e’ei kei’inave.
24U ai oro anenave, epekenave ane, erau voa kurunave, Amua e, Amua e, enei mumukimakina. U la’anave, kavaea, ere menono ane ei’inave orere eikinave, ere kaiva kei’inave ane.
25U erau voa veve’einave, Nomo pirimaroakoa ekeiana? Uku kore oro varua’anave, erau voa ekinamakei’inave ane, Ei a’a koana! kavaea, ere menono ane, U eina, oro kamaia‐awkana ane.
26Gerasene a’a anu eiei ai oro pai’inave, Galilaia eiei iou ane mekai.
27U piaka’ane miri ai a’a monou pai’iri mere au‐awkunave, ei a’a avaea lipi miaka; pani va’au u a’a kape lukia?-?kape, marea laru ai u po?-?koiakape, lauoi ai u pokoinave.
28U Iesu inamu‐oiaka’ane u laeali’inave, Iesu unu paku ai are‐epo ai’inave, erau voa araro kurunave ane, Nai oiamali’i uku Ni eiai, Iesu Eloi Epe’epe enu Mere e? Nai nawki‐nikana mani pa ikavai.
29Uku upu avaea a’a mere elemaneai U awkiaka. Pani aila upu avaea ei a’a a’akiaka. Uku oiviriai u auri piriakei’inave, u auri vepenave, i diabolo kekepere ai laoiakei’inave ane.
30Iesu erau voa veve’enave, Ni nawi koana? U kurunave, Na nawi Legiona: uku diabolo aila u laru ai ikiriaka.
31Oro nawki‐awkanave U ekinavaia aroa eporo ai liliai.
32A’uri kaupu pei na’amakei’inave akapu ai: U evere’eai oro a’uri ikiriai oro nawki‐awkanave. U evere’enave.
33Diabolo a’a mere elemanenave, a’uri ikirinave ane: a’uri kaupu ai’inore area‐enanave, Ururu ai mumukiakei’inave ane.
34A’uri oiviria a’a ei awkuinamu‐oiaka’ane, oro area‐enanave pai’iri ai uru upurukinave, eiei iki ai ane.
35Awku liakei’inave inamu‐oiai pai’iri a’a elenave; oro Iesu ai anenave, kurua a’a mere diabolo laeiakei’inave oro auinave, Iesu unu are ai pa’amakei’inave, a’a kape luki‐awmiakei’inave, lai anana kei’inave ane; oro kore kei’inave.
36Diabolo‐mia a’a anu aukarikava eiai ione a’a pai’iri a’a ekinave.
37Gerasene eiei a’a uriria Iesu nawki‐awkanave omo eiei ave’eai; uku kore ovara oro piriakei’inave: U mapea lakenave, vairunave ane
38Kurua a’a u mere diabolo laeiakei’inave Iesu kiripai enavai u nawki‐awkanave: Iesu erau voa kurunave,
39Ni marea ai vairura, awku ovara Eloi nilauane euna ni ipekira. U enanave pai’iri iki ai u uru upurukinave uku awku ovara Iesu liaka u eiai.
40Iesu vairuakei’inave ane, a’a aruru kopai umu‐ai’inave: uku oro uriria aioiaka‐pokoimakei’inave.
41A’a nawi Iairo, omoro marea anu mai‐vaki, u anenave, Iesu unu paku ai u are epo ai’inave, nawki‐awkanave ane Iesu una marea ai aneai.
42Uku u paka monou e miaka, ei paka kinia pani mere u aumeia 12 rokoaka, u imua arekamu ai keimakei’inave. Iesu i‐enamakei’inave a’a aruru kouakoua avikinave.
43A’e monou ane aumeia 12 u aro maia miaka, una moni uriria u lapu a’a ekuaka, oro aukarikavai ali’inavea,
44U Iesu neko mere ai anenave, Una a’a kape enu puru nekenave: una aro maia emoki periakei’inave.
45Iesu erau voa veve’einave, Koama‐neke‐imi’e? A’a uriria kuruaka’ane oro pauapaua kei’inave, Petero, a’a uriria ane, erau voa kurunave, Amua e, a’a aruru kouakoua avinikina, Ni veve’ena, Koama‐neke‐imi’e?
46Iesu kurunave, A’a neke‐imiane euna: uku Nai ipali’ina iva Nai larua mere eleane euna.
47A’e inamu‐oiaka’ane u vauakiakeiape, u paku ai varuvaru anenave, Una paku ai are epo ai’inave, a’a uriria paku ai u iki e’enave uku u Iesu nekeaka, u emoki aukarikavakei’inave ane.
48Iesu a’e erau voa kurunave, Ni pirimaroakoa auka?-?rinikava’ane euna; enara, airu pokoira ane.
49U voa kurumakei’inave ane, a’a monou omoro marea anu maivaki inu marea mere anenave, erau voa kurunave ane, Ni paka imuakeina; Amua marea ai pa oravai.
50Iesu ou voa viriaka’ane, U erau voa kurunave, Kore pa liai: pirimaroakone, paka aukarikavakeiakana.
51U marea ikirimaneaka’ane, Petero, Iakobo ane, Ioane ane, paka anu mekai, mei ane, oro e U evere’enave marea ikiriai.
52Oro uriria vikirinave, awni mu’u mailau awkanave ane: U erau voa kuruenave, Viki pa liai, u imua peo, u awawkeimakina.
53Uku makiri‐awkavai oro kekeli’inave, oro ipali’inave paka imuakei’inave.
54U paka anu eve a’akinave, erau voa kurunave ane, Paka e, la’ane.
55Una avaea vairunave, u emoki la’anave ane: paka pei awkuai u ekinave.
56Paka anu a’e mai ane varuavakei’inave: uku awku liakei’inave U orere ekinave orere a’a e pa awkiai.
Currently Selected:
Luka 8: IAR1920
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1920.
