Luka 19
19
1Iesu Ieriko ikirinave, U pai’iri vimu ai awpemakei’inave,
2A’a nawi Sakaio i‐pokoinave: u moni akoa a’a anu amua vaki; u aru mo’onu mia a’a kei’inave.
3Iesu oi‐mikiriinave inamu‐oiai u umuli’inave; uku u kape uma vaki, uku a’a kouakoua kei’inave ane, u Iesu inamu‐oiai ali’inavea.
4Iesu paku ai u area‐enanave, iri upa mere inanave ane, uku Iesu kapea ai awpenavailia.
5Iesu ou mako ai paiaka’ane, U iri vao ai inamu‐ekinave, erau voa awkinave ane, Sakaio e, rokoroko liline; uku ei lare ni marea ai Nai pokoiai limakina.
6U emoki lilinave, u Iesu kopai umu‐ai’inave ane.
7A’a uriria ei opara inamu‐oiaka’ane oro erau voa momou‐momou kurunave. Namea‐lipi a’a kiripai pokoiai U enava’ane euna.
8Sakaio ananakinave, Amua erau voa kurunave, Amua e, na aru mekai nai rurupu a’a ekuna; nai a’a ewaea‐awkava’ane euane una aru aua monou eiai, aru aua 4 nai awkuakana.
9Iesu erau voa kurunave, Ei lare ei marea ai iawka anena, uku u awku Aberahamo onu kiri a’a kei’inave.
10Uku A’a anu Mere anea’ane euna ikou‐ena a’a evoroai, iekavai ane.
11Oro Una voa virimakei’inave, aipo voa awku U ipekinave, uku U Ierusalema arekamu ai kei’inave, uku awku oro laikoranave Eloi inu eiei emoki anenavailia.
12U erau voa kuruenave, Amua a’a monou eiei miai pani va’au amai aki‐enanave; moawku vairuai u umuli’inave.
13Una aivara 10 u laea‐elau’unave, moni pauna 10 u ekunaveane, erau voa kuruenave ane, Ei moni kavani kavani awkane anea’anea nai vairuane.
14A una eiei a’a vai’i?-?awkanave, u neko ai iva a’a oro ekaivirinave, erau voa kurunave ane, Ei a’a amua’?-?akavai enei umuliape.
15U kurua eiei miaka’ane amai mere, una eiei ai u vairuaka’ane, aivara u moni ekuaka oro u ai aneai u ekinave, u ipaliane‐iai uku omo kavani‐kavani iaki eiai.
16Pinai vaki anenave, erau voa kurunave ane, Amua e, Ni moni pauna monou moni pauna 10 akoane euna.
17Amua erau voa kurunave, Imau, aivara ima e, uku ni a’a miki keia’ane euna awku mau’u eiai, ni pai’iri 10 amua‐ekane.
18Rere vaki anenave, erau voa kurunave ane, Amua e, ni moni pauna monou, moni pauna 5 akoane euna.
19Ei vaki awku amua erau voa kurunave, Ni pai’iri 5 amua‐ekane.
20Vaki mo anenave, erau voa kurunave ane, Amua e, akoi’i, ni moni pauna monou eu aku, ei moni kapua laru ai piriakeina nai oiviriane euna:
21Uku nai kore kei’inave ni eiai, uku ni iara a’a keina: uku awku ni aiakape ni uakina, uru ni voeakape ni roikina ane.
22Amua erau voa kurunave, Voa ni ane‐epo mere nai voa veveniakana, aivara?-?lipi e. Ni ipali’inave nai iara a’a kei’inave, nai uakinave awku nai aiakape, nai roikinave uru nai voeakape:
23Uku oiana na moni ni aiakape moni oiviria mako ai, nai vairuane na moni, moni inu kavani awku, nai miane‐iai?
24Oro arekamu ai oimakei’inave u erau voa ekinave, Moni pauna monou u mere iou‐mi’ine, moni pauna 10 mia a’a awkura ane.
25(Oro erau voa kurunave, U moni pauna 10 mi’ina.)
26Nai kurunaina, Awku mia a’a awku mo awkuakeiakana; awku eria a’a awku mau’u u mi’ina u mere ou awku iou‐miakeiakana.
27A oro na mani a’a, oro umuliape nai amua‐ekavai, eu ai are’ekane, e‐a’ane na paku ai.
28U orau kuruaka’ane, U paku ai enanave, Ierusalema i inamakei’inave.
29Betapake, Betania ane, arekamu ai U aneaka’ane, akapu Oliveta ai, Una aivara rere U ekaivirinave,
30Erau voa ekimakei’inave, Pai’iri paku ai norere ikirira; norere ikirimakeia’?-?ane asini mere i‐piriakeina norere auiakana, una akane ai a’a pa’avape; ururura, eu ai arekane ane.
31A’a erau voa vevenaiane, Uku oiana norere asini mere ururuna? norere erau voa kuruma, Uku Amua oea‐rokona.
32Orere ekaiviriakei’inave awku auinave orau U kurueaka.
33Orere asini mere ururumakei’inave, asini mere enu amua a’a erau voa veve’einave, Uku oiana norere asini mere ururuna?
34Orere erau voa kurunave, Uku Amua oea‐rokona.
35Asini mere orere Iesu ai arekanave: omo a’a kape asini mere upa mere oro aparenave, Iesu upa mere ai’inave ane.
36Orau U enanave, omo a’a kape oro kapea ai aparenave.
37U Ierusalema arekamu ai anemakei’inave, Oliveta akapu kinumakei’inave, aivara aruru iki Eloi avioiai pinaili’inave voa araro miki uku iva iaki uriria oro inamu‐eiaka.
38Erau voa kurumakei’inave, Amua Iehova anu nawi aneliviai anelia kopai‐awkavakeina: Pani muku ai airu‐enamoki, pani muku epe’epe ai evao’evao‐ena?-?moki.
39Parisea a’a varomo a’a aruru mere erau voa kurunave, Ni aivara anu voa Ni eine.
40U erau voa kuruenave, Nai kurunaina, Ei a’a eie?-?kava’ane, rawre voa araro emoki laealiakana.
41U arekamu ai aneaka’ane, U pai’iri inamu‐oinave, vikirinave ane
42Erau voa kurumakei’inave, Ni airu unu awku ni ipaliaka livilia ei pani ai! a eai ni inamu mere oro vaua‐ekavakeina.
43Uku lare aneliviai anelia ni mani a’a vara avini?-?kiakana, nimuruakeiakana, elea mako eria miakana ane.
44Oro upupunikana, ni a’a ane ni laru ai rokona; ni marea enakavakeiakana; uku ni iawka anea pani ni ipaliape.
45Omoro marea U ikirinave, oro inaealimakei’inave marea laru ai U laeinave.
46Erau voa kurumakei’inave, Ei voa kikiriakeina, Na marea nawki‐awkava marea keina: avapu a’a anu marea noro ei marea liane euna.
47Omoro marea laru ai lare kavakava U ipawkimakei’inave. Omoro amua a’a, kikiria a’a ane, a’a aruru unu mai‐oro ane, avai oro uku evoromakei’inave.
48Mua uku oro auiai ali’inavea: uku a’a aruru Una voa viriai oro eiekanave.
Currently Selected:
Luka 19: IAR1920
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1920.
