Mathiu 14
14
1Loanian ka Herod ieremera ramero nausitoan le Iesu.
2An netereni to nolatkokun nar tahan, In uk Jon ierem ramol nebaptisoan reknenermig le neki nerem kamaremis; an nesanenan min uk ramamol nar lan.
3Mero in ka Herod remhiapatin Jon an melis an mofen le nimwa iakis mero in ka Herodias nuain pian Filip.
4Mero in ka Jon rameni ton, Resmatuan moma tenekir in.
5An rama terho mero ragnin nahuto mero in ka kamani mama in profeta.
6Mero nian ut te Herod neterua, an beresuas neri Herodias neteramako le nekin ilar mol ut neki Herod.
7An netereni ton le noannavel moma terofen kam in nar terehrapkin.
8Mero inen reknemenita, an netereni, Ofa kam io ikenuk tenkapa Jon ierem ramol nebaptisoan le nevige nar.
9An ieremera nekin neteramtat, mero, mero in ka ramos noanavel ton, an mero in ka nerem kamamaiwata mamarugan ilar min, rameni moma tokofen.
10An neterhalita ieremim rerakru tenkapa Jon le nimwa iakis.
11An tenkapa netakos kava le nevigen nar, kofen kam beresuas, neteros mua to inen.
12An tan ieremimin netakarua maros nubalakin maruan marenum. Netakarua mani to Iesu.
13An Iesu neterero neterier iken le bot muan to nar leluan ilar pusenam. An nahuto netakairo netakaiuatisig in maribat iken le nauanu min.
14An neterier mahm nahuto ribor, an nekin neteramahma to ilar, an neteramol ut nerem kamaremis tenliar.
15An lehnaiu neterua an tan ieremim min netakarua ton mani, Leluan uk, an nian reknua muan ita; halita nahuto min moma takaruan le nauanu min maros nemrin nauganan tenilar.
16Mero Iesu netereni to ilar, kasanian moma takamaruan, kamiar arofen nar karkin.
17Netakani ton, iesarosan nar ietuk mero in am bred katilum mene nam kiu.
18An netereni, Aros ilar marua ietuk tonio.
19Netereni to nahuto moma takaiwata le numan nar, neteros bred katilum mene nam kiu, neteretaget le neai an mohwak; an netererkahl bred an mofen kam tan ieremim min, an tan ieremim netakarofen kam nahuto.
20An ilar min netakarugan marhepus; netakaiuiak nemusmusin ierem kamaipas karam katilum katilum mekiu ret.
21An nerem kamarugan ilar 5,000 neremim, an beravin mene nowasuas kasahwinan ilar.
22An ihwe am neterhalipen tan iremim min le bot moma takaiupan maruan le ten levinpen, an in neterhalita nahuto min.
23An neterhalita nahuto, an neteret muan le touar in pusen am moma terahwak. An lehnaiu rava in pusen am iken.
24Mero bot ramemai ilukan le tami tehe, an tehe ramakahmo, mero in ka rametik etuatu nemetag.
25An loaperimianan rava to ilar mamaliwak le tami tehe.
26An tan ieremim min kamaihm in ramaliwak le tami tehe, tipil neterakahmo ilar, netakani, mama, Nanumutil. Netakamaisak apam le naginan.
27Mero ihwe am Iesu neterakar pen to ilar meni, moma, Aigien, io apa, asariginan.
28An Piter neteraram meni pen ton, moma, Ieremera, takama ik, ani tonio moma tiakuna tonik le tehe.
29An netereni, Ua. An Piter neteratite le bot an maliwak le tehe moma teruan to Iesu.
30Mero neterahm nemetag neterakamagin; an netererwowun mamamunum, neterasak apam, moma, Ieremera, os miuh io.
31An ihwe am Iesu neterhwatuin nelimin an mehiapatin in, netereni ton, Ik nuparhienan taham resuas aken, retol nesenian nuparhienan?
32An netukuat le bot, an nemetag neteram.
33An neremim le bot netahamehwak kam in, mamani, mama, Nuparhien ik Neri Wuhgin.
34Netakaisuafugen marua to ten Kenesaret.
35An neremim le ten ka kenarhinatin in netakahilipen le ten iken min petum, an netakarpuk marua ton nerem kamaremis.
36An netakaihrapuk ton mama takariap am nuhiefin nar rakava lan; an nerem kameriap kenol ut ilar.
Currently Selected:
Mathiu 14: LEN1902
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1902, reprinted in 1935.
