Luk 13
13
1An neremim nevin iken le nian ka kamaiusito in kam in nerem Kalili, nerem Herod ramol pilpil nitan ilar le nuhwasigenan tenilar.
2An neteraram menipen to ilar, Nekimiar rakahmo moma nerem Kalili ka katat aken kama nerem Kalili min mero in ka kamairou nahmean min uk?
3Tiakani to kamiar, Kapa, mero takama tenesalelegan kamiar etahun teneparemis maka lan.
4Wa nerem 18 ka nimwa Sailoam ramampen le ilar muhwapnin ilar, nekimiar rakahmo moma ilar kamarol tehwaga tat aken kama neremim petum kamairik Jerusalem?
5Tiakani to kamiar, Kapa, mero takama kamiar tenesalelegan kamiar etahun teneparemis maka lan.
6An netereni hnoa nakaran uk. Ieremim ker ramos nihm ker kamhau le nasuman tahan, an neterua metkoigen nowan lan an neteresahman.
7An netereni to ierem ramasum, Ahm ru nu kisil io iaknua metkoigen nowan le nihm uk an mesahman; aralu ra; retol rametaken am nemapten?
8An neteraram meni ton, Ieremera, pas mun le nowa puk, moma tiakil alaualaupen nemapten lan muipen nimkemuk lan;
9An takama terepowa in nowan nian ker, ravit; mero takama resowean neparalu in.
10An ramametikun le nimwa ahwak ker le nian ausim.
11An ahm ru, beravin ker ramos nanumun te nopouan le nu 18, and in remiko an ramesesanenakenan to nailetuatuan.
12An Iesu neterahm in neteraunin mameni ton, Beravin, kinrisin ita ik le nopouan taham.
13An neterehlau pen nelimin lan, an ihwe am kenol retuatu, an netereni vivi Wuhgin.
14An Ieremera le nimwa ahwak niehma neterametik mero in ka Iesu ramol ut til le nian ausim an neteraram menipen to nahuto, moma, Nian katilum makarena rarik neremim takaikeikei marol naremnar lan; mero in ka tenakarua le nian ka ker mama takol ut kamiar lan, mero resolan moma le nian ausim.
15Mero Ieremera neteraram ton mameni, Kamiar nerem nakamaiusit kamiar, resolan moma kamiar min tenakarisin kurumatau temiar wa as iken kamaugan iken marir to nofenan nu kam in?
16An resolan moma beravin uk neri Ebraham ker ierem Setan remelis, ahm ru le nu 18, takakeikei kirisin le nelisan uk le nian ausim?
17An ramameni nar min uk an tikimer min tahan naulisan neteros ilar, an nahuto petum natakaigien le nar ut aken min ramol.
18An netereni, Niko te Wuhgin rolkoma neta, an tiapeni moma rolkoma neta?
19In rolkoma kurkuri mastard ieremim ramos muiatagatag le nasuman tahan, an neterevia mol nik in, an nemenuk le neai netakaiwata le nelimin.
20An netereni mun, Tiapeni moma Niko te Wuhgin rolkoma neta?
21In rolkoma leven beravin ramos metkauigen le flaur kameru kau kisil meroatis leven raiesilig lan.
22An neteruan mier le nauanu asul min mene le nauanu asuas min mametikun, an neterol navenan tahan muan Jerusalem.
23An ieremim ker netereni ton, Ieremera, Neremim nowanevin am tapos miuh ilar? An netereni to ilar,
24Ailekut mama tenakaruan le nukulu asuas, mero in ka, tiakani to kamiar, neremim ribor teparolkeikei mama takaruan iken an tepesaisanenan ton.
25Takama ieremera te nimwa terermig hmarig in tapin, an kamiar teneparwowun mamailil ilua mamatiti tapin mamani, Ieremera, atita to kamar; an tereparam meni to kamiar, Iakatiktik am kamiar moma nemasipeten.
26An teneparwowun mamani, Iemarugan mamaramnum le nemram, an ik nemametikun le suatu min temar.
27An terepeni moma, Tiakani to kamiar, iakatiktik am moma nemasipeten; aruan isou tonio, kamiar etahun nerem nakarmarol tehwaga tat.
28Iken nasakan mene nikisan nelutil, loanian ka nepaihm Ebraham mene Aisak mene Jekob mene profeta min le niko te Wuhgin, an kamiar ilau.
29An tepasibat an tepasifa masimhiu masipis an tepaiwata le niko te Wuhgin.
30An ahm ru, nevin kamaiuatisig tepaiupan, an nevin kamaiupan tepaiuatisig.
31Le aur ka Farisi min nevin netakarua mamani ton, ler ikenuk makavan mero in ka Herod rolkeikei moma terhwapnin ik.
32An netereni to ilar. Aruan mamani to kuri iatipun ka, Ahm ru, iakahmaliatou nanumun tat min mamol ut til towe mene tolauk, an nian terol kisil tapol naunin lak.
33Mero tiakakeikei makavan towe mene tolauk mene nian ierem roatisig; mero in ka riakis moma profeta ker teremis ilua le Jerusalem.
34Jerusalem, Jerusalem, ik ierem nakamhwapnin profeta min, mameru nerem kahmalipa ilar tonik, le nian kuhu iamolkeikei moma tiakhwafugen nererem rolkoma menuk ramuu nererin le nikavin, an nemesarolkeikeian.
35Ahm ru, nimwa temiar kenapas to kamiar; an tiakani to kamiar, tenepesaihman io meroatis nian tenepani, Ierem keikei ierem rakava le netige Ieremera.
Currently Selected:
Luk 13: LEN1902
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1902, reprinted in 1935.
