Jon 21
21
1Nar min uk neterua muan, an Iesu neterhinhin mun nubalakin to tan ieremim min irhe Taiberias. An neterhinhin mok lan in.
2Netakarhwafugen ilar min Saimon Piter mene Tomas, ierem netigen Didimas, mene Nathaniel, ierem le Kena le Kalili, mene neri Sebedi mil mene tan ieremim mil kiu mun.
3Saimon Piter netereni to ilar, Io tiakuan motihma. Ilar netakani ton, Kamar mun tiakairoupena ik. Netakarier maruan le bot an lapin ka kamesarosan nar ker.
4Mero loanpuspusan Iesu neteramail le nemaklakel; mero tan ieremim min kamesarhinatinan mama in Iesu.
5An Iesu netereni to ilar, Nowasuas, nemaros nar tenakarkin wa kapa? Netakairam ton, Kapa.
6An netereni to ilar, Ailakiatou nekupun le neutain matu le bot, an tenepaihm. An netakairakiatou in, an netakasiai nuvitan mero in ka nahuto le nam.
7An tan ieremim ka, ierem Iesu rolkeikei, netereni to Piter, In uk Ieremera. An Saimon Piter netererou moma in Ieremera, neterelkauh in napen tahan, mero in ka rameseviuan, an neterat le tehe.
8An tan ieremim min nevin netakaruat le bot asuas, mero in ka resolan moma ilar isou to ten, mero rolkoma nowanpilin napahman 200, netakarukakin nekupun le nam.
9An ilar netakareukubat netakaihm nimtahli nekam iken mene nam kamehlaupen mene bred.
10Iesu netereni to ilar, Aros nam nemaros nevin towek marua.
11An Saimon Piter neteruan marvibat nekupun ret le nam asul min 153; an ramibor aken mok lan mero kamesapetean nekupun.
12Iesu netereni to ilar, Arua markin nar ker. An tan ieremim ker remesehrapukan in moma, Ik Pehe? Mero in ka kenarhinatin mama in Ieremera.
13Iesu neterua mos bred mofen kam ilar, mene nam mun maka lan.
14In uk nian ierem neterol kisil Iesu remhinhin in to tan ieremim min le nian remermig mun le neki nerem kamaremis.
15An netakarugan ita, Iesu netereni to Saimon Piter, Saimon neri Jonas, ik nakolkeikei puk io le nerem min uk? Netereni ton, Nuparhien, Ieremera, ik nakhinatin moma iakolkeikei ik. Netereni ton, Augan nereri sip min tahak.
16Netereni mun ton mau kiu, Saimon, neri Jon, ik nakolkeikei io? Netereni ton, Nuparhien, Ieremera, ik nakhinatin moma iakolkeikei ik. Netereni ton, Asig sip min tahak.
17Netereni ton mau kisil, Saimon, neri Jon, ik nakolkeikei io? An Piter nekin neteramahma mero in ka rameni mau kisil, Ik nakolkeikei io? An netereni ton, Ieremera, ik nakhinatin naremnar min, ik nakhinatin moma iakolkeikei ik. Iesu netereni ton, Augan sip min tahak.
18Nuparhien, nuparhien, tiakani ton ik, moma, ik nemametemalua an nametout atu kam ik mamavan iken nakolkeikei iken; mero tenepahigal an tenefhwatuin nelimam mil, an ierapusen terepetout kam ik, an meplesipen ik iken nesolkeikeian iken.
19Mero rameni nar uk metikun le nemisan etol terepol nevitan lan kam Wuhgin. An neterenita nar uk, netereni ton, Aroupa io.
20Piter neterhwin mahm tan ieremim, ierem Iesu rolkeikei, rameroupen, ierem, ramenpen mun le nekilhi Iesu le nauganan meni ton, Ieremera pehe ierem teraurai ik?
21An Piter neterahm in netereni to Iesu, Ieremera, an ieremim uk teretol?
22Iesu netereni ton, Takama iakolkeikei moma in teramarik meroatis nuean tahak teretol ik? Ik aroupa io.
23Mero in ka le nar uk nakaran neterier to pian ilar min moma tan ieremim ierem ka teresemisan. Mero Iesu remesenian ton moma teresemisan, mero, Takama iakolkeikei moma in teramarik meroatis muean tahak teretol ik?
24In uk tan ieremim ka, ierem ramausito in naremnar min uk, an remrai naremnar min uk, an kamar iakarhinatin mama nausitoan tahan in nuparhienan.
25An naremnar min nevin mun ribor Iesu ramamol ierem min kapama karai etahun ilar, nekiuk rakahmo moma ten uk resaukeran in nawowa min taprai lan.
Currently Selected:
Jon 21: LEN1902
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1902, reprinted in 1935.
