Nar 8
8
1An Saul ramehganin hnoan. An loanian ka netakamailikiamta asul nahwak min Jerusalem. An kamos arir etahun ilar karuan le ten Judia mene Sameria, mero apostelo min am (kamairik).
2An neremim ut netakarenum Stifen, an netakamaisak asul ton.
3Mero Saul netaramalikiamta aken nahwak min, an ramakavan le nimwa min mamaukakin iatou naman mene neberavin, mahmepen ilar le nimwa iakis.
4Mero ierem min kamos arir ilar netakamaivan mamaiusito in nakaran ut.
5An Filip neteratite muan le nauanu Sameria, mamausito in Kristo to ilar.
6An nahuto min netakaiteleg in le nekin ilar karena nar min Filip rameni nian kamairou mamaihm nimtatin min in ramol.
7Mero in ka neremim ribor nanumun tat min kamairik le ilar netakarier mamaisak le nakarapahman, an neremim ribor kamaremis le palsi mene nerem kamarevitat kenol ut ilar.
8An nagienan ramibor le nauanu ka.
9An ieremim ker netigen Saimon ramaupan mameuhiatin til le nosiatouan nar mene pisapis min le nauanu ka, mamol nerem Sameria nanumun ilar rakamuka ton, meni atu lan moma in ierem asul ker.
10Ierem neremim petum kamaiteleg kam in, nerem wasuas mene nerem asul mene, mamani, in uk nesanenan te Wuhgin ierem kama Ribor.
11An kamaiteleg kam in mero in ka nuhu ramol nanumun ilar rakamuka to pisapis min tahan.
12Mero netakani nuparhienan le Filip ramausito in nakaran ut le niko te Wuhgin mene netige Iesu Kristo, netakaui ilar, naman mene neberavin.
13An Saimon mun netereni nuparhienan lan, an netakaui, an neterapit ilau Filip; an neterahm nimtatin min mene narepuk min nevin kamol, an nanumun neterika ton.
14An apostelo min Jerusalem netakairou mama Sameria reknos nakaran te Wuhgin, netakahilipen to ilar Piter mene Jon.
15Ierem mil kenuatite miaka netakamuohwak to ilar muoma takaros Nanumun Ausim,
16Mero in ka remesampenan to ilar ker loanian ka, mero kamaui am le netige Ieremera Iesu.
17An netukuahlau nelemin ilau le ilar, an netakaros Nanumun Ausim.
18Mero Saimon neterahm moma le nehlauan nelimi apostelo mil Nanumun Ausim kamofen, neteros mani mua to ilau meni,
19Iaofa mun kam io nesanenan un, moma ierem tiakahlau nemilok lan terepos Nanumun Ausim.
20Mero Piter netereni ton, Pas silver taham tepetaken was kamilau min, mero in ka nekim rakahmo moma tenakos nofenan te Wuhgin le mani.
21Ik nesosan nowanverin wa tahamena ker le nakaran uk, mero in kar nekim resetuatuan le nemri Wuhgin.
22Mero in ka leleg le tehwaga tat uk taham, mohwak kam Ieremera moma takamol nar nekim rakahmo taposita lam.
23Mero in ka iakamahm moma ik nakamarik le niehma avier mene le niaian le tehwaga tat.
24An Saimon neteraram meni, Kamiar tenakaihwak kam Ieremera tonio mama nar uk ker neknani teresuean lak.
25An ilau netakamuausito in mamuani nakaran te Ieremera, netikialeleg pen mun Jerusalem, netakamuausito in nakaran ut le nauanu nevin te nerem Sameria.
26Mero agelo te Ieremera neterakar kam Filip mameni, Armig mesout to suatu ierem rakamsipen Jerusalem matite makavan Kesa; in uk leluan.
27An neterermig muan, an ahm ru ierem Ethiopia ker Iunak ieremera ker taha Kandasi wasekam te nerem Ethiopia, ierem rameremera le nauta petum tahan, ierem rava Jerusalem moma terahwak.
28An neteramlelegpen mamowata le tsariot tahan mamahwin le profeta Aiseia.
29An Nanumun netereni to Filip, Uan miavan karena le tsariot uk.
30An Filip neterai muan ton, netererou ramahwin Aiseia profeta, an netereni, Nikhinatin nar nakamahwin?
31An netereni, Tiakatua hminatin takama ieremim ker resetikunan io? An neteramakeikei kam Filip moma teret mowata ilau min.
32Mero nowanveri nawowa ierem ramemahwin in uk,
Kamir in kama sip to nuhwapninan,
An rolkoma neri sip resasakan le nemri ierem terakis in,
Rolmok lan ramesoagan.
33Le navanouloulan nuhwapraian tahan kenosita;
Nepsen neremim tahan, pehe terausito in?
Mero in ka nemihwan tahan kenosita to ten uk.
34An Iunak neteraram to Filip, meni, Tiakahrapuk tonik, profeta rameni nar uk le fe, rameni atu lan wa le ierapusen?
35An Filip neteroag merwowun le nawowa uk mamausito in Iesu kam in.
36An ilar kamaruan le suatu netakarua le nu ker, an Iunak netereni, Ahm ru nu; neta terenhiau io to nauian io?
37An Filip netereni, Takama tenakani nuparhienan le nekim etahun rematu. An neteraram meni, Io tiakani nuparhienan le Iesu Kristo moma in Neri Wuhgin.
38An netereni moma tsariot terail, an Filip mene Iunak ilau kiten netukuatite le nu, an neteraui in.
39An ilau netukuat le nu, an Nanumun te Ieremera neterosita Filip, an Iunak ramesahman mun in, mero in ka neterakavan le suatu tahan mamagien.
40Mero Filip netakahm Asotas, an neterua mier mamausito in nakaran ut to nauanu min meroatis neterua Sesaria.
Currently Selected:
Nar 8: LEN1902
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1902, reprinted in 1935.
